Neges gan Claire Morgan, Rhag Is-Ganghellor Addysg a Phrofiad Myfyrwyr

Darllenwch neges gan Claire Morgan, Rhag Is-Ganghellor, Addysg a Myfyrwyr, a anfonwyd heddiw, 5 Rhagfyr 2023.

Helo fyfyriwr,

Gobeithio eich bod wedi mwynhau eich semester cyntaf.

Cyn i wyliau’r Nadolig gyrraedd, hoffwn ddiolch i chi am eich holl adborth am y brifysgol a/neu eich rhaglen ach atgoffa pa mor bwysig yw eich adborth i ni.

Bob blwyddyn, mae Undeb y Myfyrwyr yn ysgrifennu ‘Barn y Myfyrwyr‘, sy’n dweud wrthym beth yw eich blaenoriaethau ar gyfer y flwyddyn i ddod. Eleni, mae Barn y Myfyrwyr yn ymdrin â phynciau academaidd megis asesu a chael adborth, ond hefyd pynciau newydd megis tai a deallusrwydd artiffisial. Mae hefyd yn dweud wrthym fod angen i ni weithredu ar eich adborth yn well wrth feddwl am adeiladau a chyfleusterau newydd.

Yn y cyfamser, mae’n bleser gennyf ddweud ein bod wedi gwneud cynnydd da wrth ymateb i’ch adborth o Barn y Myfyrwyr y llynedd (2022/23). Dyma rai enghreifftiau:

• Mwy o fannau astudio mewn ysgolion ar gael i gadw ar Resource Booker
• Mwy o nodweddion yn Ap y Myfyrwyr, gan gynnwys hysbysiadau gan eich ysgol a chofrestru eich presenoldeb
• Capsiynau Adnabod Llais yn Awtomatig (ASR) ar gyfer recordiadau darlithoedd Panopto
• Mwy o gymorth ariannol a gwiriwr cymhwysedd
• 150+ o gliniaduron ar gael i’w bethyg ar draws ein llyfrgelloedd.

Mae llawer yn cael ei wneud y tu ôl i’r llenni i wrando ar eich llais myfyriwr a sicrhau ei fod yn cael ei werthfawrogi a’i weithredu. Yn ogystal â newidiadau ledled y brifysgol, gallwch hefyd weld sut mae eich ysgol yn ystyried eich adborth wrth wneud newidiadau.

Gwyliau Nadolig

Mae gennym lond sach o ddigwyddiadau Nadoligaidd i chi, ac os ydych chi yng Nghaerdydd yn ystod yr egwyl (18 Rhagfyr – 7 Ionawr 2024) cadwch lygad gan y bydd rhagor yn cael eu hychwanegu. Os oes angen cymorth arnoch chi neu rywun i siarad â nhw yn ystod y cyfnod hwn, rydyn ni dal yma i’ch helpu. Gallwch chi naill ai gysylltu â Cyswllt Myfyrwyr ar-lein neu ymweld â ni yng Nghanolfan Bywyd y Myfyrwyr.

Bydd y brifysgol ar gau o ddydd Sadwrn 23 Rhagfyr 2023, a bydd yn ailagor ddydd Mawrth 2 Ionawr 2024. Pan fydd Canolfan Bywyd y Myfyrwyr ar gau, gallwch gael cymorth ar-lein o hyd .

Gan ddymuno gwyliau Nadolig pleserus a diogel ichi a Blwyddyn Newydd Dda iawn. Gwelwn ni chi yn 2024!

Cofion gorau,

Claire