Cymryd rhan yn y Sgwrs Fawr

Darllenwch neges gan Claire Morgan, Rhag Is-Ganghellor, Addysg a Phrofiad y Myfyrwyr a anfonwyd at fyfyrwyr ar 30 Hydref.

Helo,

Mae gwrando ar eich barn yn rhan greiddiol o fy ngwaith, sef Dirprwy Is-Ganghellor Addysg a Phrofiad Myfyrwyr, ac mae gwneud hyn yn rhan hollbwysig o lwyddiant parhaus y Brifysgol.

Dim ond drwy roi eich adborth inni y gallwn barhau i wella’r profiad o fod yn fyfyriwr a bod yn brifysgol sy’n cyflawni’r hyn rydych chi eisiau inni ei gyflawni.

Rydyn ni’n gwerthfawrogi eich adborth ac mae gennym lawer o enghreifftiau sy’n dangos sut rydyn ni eisoes wedi newid eich prifysgol yn seiliedig ar eich adborth, gan gynnwys:

• ymestyn oriau agor Canolfan Bywyd y Myfyrwyr, felly mae bellach ar agor tan 22.00 yn ystod yr wythnos, a than 20.00 ar y penwythnos
• caeau pob tywydd newydd o dan lifoleuadau yng nghanolfan chwaraeon Llanrhymni
• lle astudio cymdeithasol newydd i fyfyrwyr ar gampws Parc y Mynydd Bychan, yn ogystal â gwell ystafelloedd cyffredin i fyfyrwyr yn yr ysgol Cemeg ac Ieithoedd Modern.

Y Sgwrs Fawr

I barhau â’r gwaith hwn, heddiw rydyn ni’n lansio’r Sgwrs Fawr. Ar y dechrau, gwelwn Angie Flores Acuna, Llywydd Undeb y Myfyrwyr, a’r Is-Ganghellor newydd, yr Athro Wendy Larner, yn eistedd gyda’i gilydd ddydd Mawrth 31 Hydref yn Undeb y Myfyrwyr i drafod materion pwysig y dydd. Cofrestrwch nawr i ymuno â’r drafodaeth (lluniaeth ar gael). Rydyn ni’n mynd ati wedyn i ofyn i bob myfyriwr gwblhau arolwg byr fydd yn rhoi gwybod inni pa fath o brifysgol rydych chi eisiau inni fod. Ar ôl cwblhau’r arolwg, cewch eich rhoi yn y raffl i ennill un o 10 taleb gwerth £100. Edrychwn ymlaen at wrando ar eich barn a sicrhau bod eich safbwyntiau’n llunio cynllun strategol nesaf y Brifysgol.

Murlun Mis Hanes Pobl Ddu

Gwnewch yn siŵr eich bod yn mynd i weld Flora: Teyrnged i Chwaeroliaeth a Menywod Du yn y ganolfan chwaraeon, Ffordd Senghennydd. Comisiynwyd y murlun 14 metr o uchder gan y Brifysgol a’i ddylunio gan Unify yn rhan o’n dathliadau ar gyfer Mis Hanes Pobl Ddu eleni.

Ac yn olaf: bydd bywyd myfyrwyr yn llawn profiadau, heriau a chyfleoedd newydd. Os bydd angen cymorth arnoch, gwnewch yn siŵr eich bod yn cysylltu â Cyswllt Myfyrwyr yng Nghanolfan Bywyd y Myfyrwyr.  Y ffordd gyflymaf i gysylltu â’r tîm yw drwy borth Cyswllt Myfyrwyr ar y fewnrwyd.

Rwy’n gobeithio eich bod yn mwynhau’r tymor yn fawr ac edrychaf ymlaen at ysgrifennu atoch chi fis nesaf.

Dymuniadau gorau

Claire