Skip to main content
Coronafeirws (COVID-19): Y newyddion diweddaraf.

Adeiladau’r campws

Llunio pencadlys arloesedd 

Llunio pencadlys arloesedd 

Postiwyd ar 5 Gorffennaf 2021 gan Peter Rawlinson

Gall dewis y dodrefn, y gorffeniadau a’r gosodiadau cywir ar gyfer adeilad ysbrydoli creadigrwydd, gan roi bod i syniadau. Mae Prifysgol Caerdydd wedi creu partneriaeth gyda BOF ym  Mhen-y-bont ar Ogwr i ddodrefnu sbarc | spark – 'Cartref Arloesedd' y Brifysgol yn y dyfodol, ac mae disgwyl iddo agor y gaeaf hwn.  Ac fel sy'n gweddu i ganolfan arloesedd, hyblygrwydd fydd yr allweddair. Dyma’r hyn a esboniodd Kate Lane, Rheolwr Pontio sbarc | spark y Brifysgol.   “Yn y ras i’w gwblhau, mae adeilad sbarc | spark yn go agos at y llinell derfyn. Mae’r gwaith mecanyddol a thrydanol yn ogystal â’r plymio wrthi’n cael ei gwblhau; bydd y gosodiadau, y ffitiadau a’r dodrefn yn mynd i mewn i'r adeilad yn ystod yr ychydig fisoedd nesaf.   Ymgymeriad mawr yw hyn. Bydd pedwar cant o ymchwilwyr a staff y gwyddorau cymdeithasol yn symud i sbarc | spark o'u swyddfeydd gwasgaredig, ac mae llawer ohonyn nhw mewn adeiladau Fictoraidd hŷn ar hyd Plas y Parc. Mae tua 13 o grwpiau ymchwil y gwyddorau cymdeithasol wedi dod at ei gilydd fel SPARC - y parc ymchwil ar gyfer y gwyddorau cymdeithasol.   Ar ôl iddyn nhw symud i'w cartref newydd ar Gampws Arloesedd Caerdydd, yn y pen […]

RemakerSpace yn ail-lunio’r dyfodol 

RemakerSpace yn ail-lunio’r dyfodol 

Postiwyd ar 14 Mehefin 2021 gan Peter Rawlinson

Cynaliadwyedd, swyddi gwyrdd, twf gwydn: geiriau a fydd yn fwyfwy amlwg wrth i'r DU baratoi ar gyfer Cynhadledd Newid Hinsawdd y Cenhedloedd Unedig yr hydref hwn. Sut gall Cymru, sydd yn drydydd […]

Croeso i garreg filltir Syniadau Mawr Cymru

Croeso i garreg filltir Syniadau Mawr Cymru

Postiwyd ar 31 Mai 2021 gan Peter Rawlinson

Mewn dim ond pum mlynedd, mae dros 300,000 o bobl ifanc ledled Cymru wedi cael eu hysbrydoli i ddilyn uchelgeisiau entrepreneuraidd trwy wasanaeth Syniadau Mawr Cymru Llywodraeth Cymru. Ac yn hytrach na lleihau dyheadau, mae pandemig COVID-19 wedi ysbrydoli myfyrwyr i sefydlu mentrau. Yma, mae Rhys Pearce-Palmer, Rheolwr Menter, yn edrych ar y rhagolygon ar gyfer mentrau myfyrwyr Prifysgol Caerdydd.   Gobeithio bod cael 300,000 yn cofrestru yn arwydd o'r pethau sydd i ddod. Rydym wedi gweithio'n agos ers blynyddoedd lawer gyda gwasanaeth entrepreneuriaeth ieuenctid Llywodraeth Cymru, sydd wedi cyrraedd y garreg filltir hynod hon trwy ei Rhwydwaith Model Rôl. O dan y cynllun, mae entrepreneuriaid ledled Cymru, wedi ymuno â rhwydwaith Model Rôl Syniadau Mawr Cymru i rannu eu profiad â darpar entrepreneuriaid trwy weithdai, gyda'r nod o agor meddyliau pobl ifanc i syniadau a chyfleoedd newydd sy'n bodoli a'u helpu i feddwl yn gadarnhaol am eu dyfodol eu hunain. Mae graddedigion Prifysgol Caerdydd yn cael eu cyfrif yn y ffigurau gwych hyn. Rydym yn cynnig ystod o wasanaethau i fyfyrwyr fel y gallant ddechrau olrhain eu taith o'u blwyddyn gyntaf yn y Brifysgol. Rydym yn codi ymwybyddiaeth o ddechrau cyfnod myfyriwr israddedig yng Nghaerdydd, gan helpu i wireddu syniadau gyda phecynnau cymorth cychwynnol a mentora wedi'u teilwra . Mae’r rhain yn cynnwys gweithdai ar ddechrau busnes a sgiliau cyflogadwyedd, desg i weithio yn rhad ac am ddim, ychydig o gyllid, profiadau busnes a'n Gwobrau i Fusnesau Newydd. Rydym yn hynod falch o'r cymorth i fusnesau newydd a'r ecosystem yn y brifysgol, yr ydym wedi'i gwella dros y blynyddoedd diwethaf gyda chefnogaeth gan Syniadau Mawr Cymru, Llywodraeth Cymru - ac mae ein myfyrwyr entrepreneuraidd yn parhau i'n hysbrydoli, ein herio a'n syfrdanu. Ers i Syniadau Mawr Cymru ddechrau ym mis Ionawr 2016, mae wedi cefnogi 402 o entrepreneuriaid ifanc i ddechrau eu busnes eu hunain ac wedi cyflwyno ym mhob ysgol uwchradd ledled Cymru. Mae o leiaf 90 o raddedigion Caerdydd wedi'u cynnwys yn y ffigurau trawiadol hyn. Mae mecanwaith cefnogi Cymru arall ar gyfer entrepreneuriaeth - […]

Blog SIOE 2021 

Blog SIOE 2021 

Postiwyd ar 10 Mai 2021 gan Peter Rawlinson

Roedd yn bleser mawr croesawu ffrindiau hen a newydd i'r 34ain Gynhadledd Lled-ddargludyddion ac Opto-electroneg Integredig (SIOE), o 30 Mawrth i 1 Ebrill 2021.   Yn dilyn gorfod canslo SIOE yn 2021, […]

Cartref Arloesedd ôl-bandemig  

Cartref Arloesedd ôl-bandemig  

Postiwyd ar 4 Mai 2021 gan Peter Rawlinson

Bydd drysau'r cyfleuster arloesedd mwyaf o'i fath yng Nghymru yn agor yr hydref hwn. Mae Campws Arloesedd Caerdydd (CIC) wedi troi hen iard reilffordd yn Gartref Arloesedd, lle bydd meddylwyr yn cwrdd â chydweithredwyr a chyllidwyr i […]

Datblygiad proffesiynol wrth wraidd twf clwstwr Lled-Ddargludyddion yn y dyfodol.

Datblygiad proffesiynol wrth wraidd twf clwstwr Lled-Ddargludyddion yn y dyfodol.

Postiwyd ar 8 Ebrill 2021 gan Peter Rawlinson

Wrth i'r DU baratoi ar gyfer dod drwy’r pandemig yn raddol, mae tystiolaeth yn awgrymu y bydd technoleg yn parhau i ffynnu. Disgwylir i'r marchnadoedd byd-eang sy'n dod i'r amlwg […]

Torri ffiniau, adeiladu pontydd

Torri ffiniau, adeiladu pontydd

Postiwyd ar 22 Mawrth 2021 gan Peter Rawlinson

Mae 'bocs adnoddau' ar gyfer ymchwil ac arloesedd y gwyddorau cymdeithasol ar waith yng nghanol Caerdydd. Dros yr ychydig wythnosau nesaf, mae labordai newydd yn cael eu gosod y tu allan i […]

Agenda Arloesedd Newydd i Gymru 

Agenda Arloesedd Newydd i Gymru 

Postiwyd ar 10 Mawrth 2021 gan Peter Rawlinson

Mae hwn wedi bod yn gyfnod prysur ar gyfer polisi arloesedd y DU gyda'r cyhoeddiad diweddaraf yn cadarnhau cynlluniau ar gyfer llunio Asiantaeth Ymchwilio a Dyfeisio Uwch (ARIA). Mae'r asiantaeth […]

Buddsoddi mewn adferiad ôl-bandemig

Buddsoddi mewn adferiad ôl-bandemig

Postiwyd ar 3 Mawrth 2021 gan Peter Rawlinson

Bydd Campws Arloesedd Caerdydd yn fagnet ar gyfer adferiad ôl-bandemig. Yn y pen draw, bydd ymchwilwyr gwyddorau cymdeithasol, entrepreneuriaid, arweinwyr busnes, cynghorwyr proffesiynol, academyddion a myfyrwyr yn creu, profi a […]

Trawsnewid gwasanaethau gofal llygaid yng Nghymru

Trawsnewid gwasanaethau gofal llygaid yng Nghymru

Postiwyd ar 2 Mawrth 2021 gan Peter Rawlinson

Mae partneriaeth arloesol i ddod ag apwyntiadau gofal llygaid critigol yn agosach at gartrefi cleifion wedi helpu i drawsnewid y gwasanaethau yng Nghymru. Ym mis Rhagfyr 2019, roedd bron i 115,000 o gleifion sydd mewn perygl o golli golwg anadferadwy yn aros am apwyntiad llygad mewn ysbyty yng Nghymru. Dyma optometrydd o Brifysgol Caerdydd, Sharon Beatty yn esbonio sut mae optometryddion y Stryd Fawr, clinigwyr a Llywodraeth Cymru yn cydweithio i leihau'r baich ar ysbytai.  “Mae poblogaeth sy’n heneiddio yn ogystal â’r risgiau sy’n gysylltiedig â chlefydau fel diabetes yn rysáit ar gyfer pwysau cynyddol ar wasanaethau gofal llygaid. Yn ôl yn 2019, roedd rhestrau aros am apwyntiadau llygaid yn cynyddu - gyda thua 38% o’r rhai ar y rhestr eisoes y tu hwnt i’w dyddiad targed ar gyfer apwyntiad.  Nid oedd modd ehangu capasiti’r ysbytai, felly roedd yn rhaid i ni ddod o hyd i ffyrdd newydd o weithio. Trwy Gyflymydd Arloesedd Clinigol Prifysgol Caerdydd, buom yn cydweithio ag Accelerate, sy'n helpu arloeswyr yng Nghymru i roi syniadau ar waith ym maes iechyd a gofal.  Llwyddodd y rhaglen i ddarparu strwythur clir, partneriaid ac amserlen a allai ein helpu i newid pethau - yn gryno, fe wnaethant ein rhoi mewn cysylltiad â'r bobl iawn a allai gefnogi prosiect i sefydlu model clinigol chwyldroadol.  Arweinir Accelerate gan Ganolfan Gwyddorau Bywyd Cymru ar y cyd â Phrifysgol Caerdydd (Cyflymydd Arloesedd Caerdydd), Prifysgol Abertawe a Phrifysgol Cymru y Drindod Dewi Sant.  Yn hytrach na darparu cyllid neu grantiau, mae'r rhaglen yn cynnig cyfle i fanteisio ar arbenigedd academaidd, dealltwriaeth drylwyr o ecosystem y gwyddorau bywyd, a'r cyfleusterau diweddaraf sydd eu hangen ar arloeswyr ac entrepreneuriaid i wireddu eu syniadau, a dyna'n union roedd ei angen arnom ni.  Gyda diolch i gefnogaeth Llywodraeth Cymru, mae Bwrdd Iechyd Prifysgol Caerdydd a'r Fro wedi datblygu fframwaith gwasanaeth lle mae optometryddion cofrestredig y Stryd Fawr yn cymryd rheolaeth ganiataol dros gleifion golwg risg uchel dynodedig. Mae defnyddio technoleg ddelweddu o'r radd flaenaf, meddalwedd bwrpasol a chofnodion cleifion electronig yn caniatáu i gleifion gael profion yn eu practis optometreg lleol. Mae delweddau a chanlyniadau yn cael eu huwchlwytho er mwyn eu hadolygu gan ymgynghorydd.   Mae'r gweithredoedd wedi cael eu mapio a'u monitro gan fy nghydweithiwr Angharad Hobby, optometrydd a chydymaith ymchwil, a fu’n asesu sut i leddfu pwysau ar wasanaethau offthalmoleg trwy ofal cymunedol. Fel rhan o'r prosiect, cynhaliodd Ms Hobby ymchwil ar brofiadau cleifion ac ymarferwyr i lywio penderfyniadau’r dyfodol ynghylch darparu gofal llygaid yng Nghymru.  Yn ei gyfanrwydd, mae Trawsffurfio Gwasanaethau Gofal Llygaid Cymru yn cefnogi cyfres o wasanaethau peilot newydd i reoli hyd at 9,000 o gleifion dynodedig ar draws pum maes gofal: Glawcoma (atgyfeiriadau newydd a dilynol); Dirywiad Macwlaidd Gwlyb yn gysylltiedig ag Oed; Retinopathi Diabetig a Damweiniau Llygaid Brys.  Mae'r cynllun yn sicrhau cymaint o fanteision: lleihau amseroedd aros, mabwysiadu technolegau newydd, cynyddu capasiti gofal eilaidd i asesu a rheoli cleifion gofal llygaid, sgiliau newydd a hyfforddiant cymhwysedd ar gyfer optometryddion annibynnol, cysylltiadau agosach â gofal eilaidd a allai arwain at ddarpariaeth gwasanaethau ychwanegol gan fentrau optometreg. Yn ogystal, mae wedi cysylltu arbenigedd Prifysgol Caerdydd yn fwy â gofal llygaid yn y gymuned a bydd yn arwain at gyhoeddiadau a adolygir gan gymheiriaid a cipolwg newydd ar economeg iechyd mewn gofal offthalmig.   Cyfrannodd y Cyflymydd Arloesedd Clinigol at brosiect TECSW trwy helpu i nodi […]