Pum ffordd mae MSc Arwain Cyhoeddus Prifysgol Caerdydd wedi fy helpu yn fy ngyrfa
17 Mai 2021![](http://blogs.cardiff.ac.uk/business-school/wp-content/uploads/sites/620/2021/05/MSc-Public-Leadership-cohort-1-1024x768.jpg)
Yn ein darn diweddaraf, dyma sylwadau Gemma Charnock (myfyriwr ail flwyddyn MSc Arwain Cyhoeddus Ysgol Busnes Caerdydd) am y ffyrdd mae astudio ôl-raddedig wedi’i helpu i wireddu ei dyheadau gyrfaol.
Ar ôl saith mlynedd mewn amryw rolau yng Ngrŵp Colegau NPTC, ces i fy mhenodi’n Is-bennaeth Cysylltiadau Allanol yno yn ddiweddar.
Diben y rôl yw cryfhau cysylltiadau â’r gymuned a gofalu bod y Coleg yn cael ei gydnabod yn fusnes cyfrifol ac iddo nodau moesegol, amgylcheddol a chymunedol.
Rwy’n bwriadu gwneud hynny trwy feithrin cysylltiadau cydweithredol cryf â’n budd-ddalwyr.
Felly, bydd angen meithrin ymdeimlad o ddiben sy’n gyffredin yn ôl tegwch a chynaladwyedd gan gynnig i bobl fedrau hanfodol er llwyddiant yn eu bywydau, helpu cwmnïau i fod yn gynhyrchiol ac yn arloesol a chryfhau balchder ein cymuned yn ei bro.
Rwyf i wedi trin a thrafod syniadau o’r fath yn ystod cwrs MSc Arwain Cyhoeddus Ysgol Busnes Caerdydd gyda phroffesiynolion o amrywiaeth helaeth o gyrff cyhoeddus megis Llywodraeth Cymru, cynghorau lleol, y GIG a’r heddluoedd.
Cwrddwn ni (trwy’r we ar hyn o bryd, wrth gwrs) dros dridiau bob deufis i ystyried yr anawsterau sy’n wynebu ein cymdeithas a rôl gwasanaethau cyhoeddus ynghylch eu datrys.
Mae’r hyn ddysgais i wedi bod o gymorth mawr o ran ennill rôl Is-Bennaeth Grŵp y Coleg ac, felly, hoffwn i ledaenu peth ohono.
1. Mae’n werth dweud eich dweud a chwestiynu hen syniadau
Mynegwch eich barn yn hyderus. Bydd o gwmpas arweinyddion da bobl nad oes arnyn nhw ofn dweud eu dweud.
2. Nid dim ond y sector preifat sy’n arloesi
Yn ystod y cyfweliad ar gyfer y swydd, fe rois i enghreifftiau o’r modd y byddwn i’n arwain y sefydliad trwy ei strategaeth drawsffurfio, wedi’u seilio ar gynnwys y cwrs ym maes rheoli newid.
3. Mae angen neilltuo peth amser ar gyfer pwyso a mesur
Heb wneud hynny, byddwch chi’n parhau i wneud yr un camgymeriadau gan ymateb i newidiadau dro ar ôl tro yn hytrach na’u harwain.
4. Gall arweinyddion y sector cyhoeddus ddysgu llawer iawn oddi wrth ei gilydd
Rhan allweddol o’r cwrs hwn yw trafod syniadau a meithrin cysylltiadau cryf a fydd yn arwain at gydweithio yn y dyfodol.
5. Mae ffyrdd newydd o weithio
Ysgol Busnes Caerdydd yw’r ysgol fusnes werth cyhoeddus gyntaf ac mae wedi dangos imi fod modd gwella’r gymdeithas a datblygu’r economi fel ei gilydd.
Trwy gydweithio, mae rôl allweddol i’r sector cyhoeddus ynghylch datrys rhai o anawsterau mwyaf ein cymdeithas ar hyn o bryd.
Mae Gemma Charnock yn swydd Is-Bennaeth Cysylltiadau Allanol Grŵp Colegau NPTC.
Mae MSc Arwain Cyhoeddus Ysgol Busnes Caerdydd yn rhaglen ran-amser i ôl-raddedigion, gan eu helpu i drin a thrafod problemau cymhleth gwasanaethau mewn ffyrdd newydd trwy gysylltu ymchwil ag arferion.
- Mawrth 2024
- Ebrill 2023
- Awst 2022
- Gorffennaf 2022
- Ebrill 2022
- Mawrth 2022
- Chwefror 2022
- Rhagfyr 2021
- Hydref 2021
- Medi 2021
- Mai 2021
- Ebrill 2021
- Mawrth 2021
- Chwefror 2021
- Ionawr 2021
- Rhagfyr 2020
- Tachwedd 2020
- Hydref 2020
- Medi 2020
- Awst 2020
- Gorffennaf 2020
- Mehefin 2020
- Mai 2020
- Ebrill 2020
- Mawrth 2020
- Chwefror 2020
- Ionawr 2020
- Tachwedd 2019
- Hydref 2019
- Medi 2019
- Awst 2019
- Gorffennaf 2019
- Mehefin 2019
- Mai 2019
- Ebrill 2019
- Mawrth 2019
- Chwefror 2019
- Ionawr 2019
- Rhagfyr 2018
- Tachwedd 2018
- Hydref 2018
- Medi 2018