Dewch i gwrdd â Chymdeithas Ysgol Busnes Caerdydd

Dewch i gwrdd â Martha, ysgrifennydd Cymdeithas Ysgol Busnes Caerdydd. Fe wnaethom ofyn i Martha, sy’n astudio Rheoli Busnes (BSc), i sôn am y gymdeithas a pham mae myfyrwyr yn ymuno…

Mae Cymdeithas Ysgol Busnes Caerdydd yn gymdeithas sy’n cael ei rhedeg gan fyfyrwyr ar gyfer myfyrwyr. Gyda thros 3500 o fyfyrwyr yn yr ysgol busnes, dyma’r ffordd orau i fyfyrwyr gwrdd â phobl eraill o wahanol gyrsiau, blynyddoedd a chefndiroedd.

Mae’r gymdeithas hon yn tyfu’n barhaus ac rydym yn cynnal digwyddiadau trwy gydol y flwyddyn academaidd gyda digwyddiad bob pythefnos. Mae gennym ni ddigwyddiadau cymdeithasol anacademaidd megis dawnsfeydd, nosweithiau cwis, a barbeciws haf. Cyn bo hir byddwn yn cynnal Dawns Ffarwel ar gyfer myfyrwyr yr ysgol busnes sy’n graddio eleni.

 

 

 

 

 

Mae gennym hefyd ddigwyddiadau gyda siaradwyr gwadd trwy gydol y flwyddyn lle rydym yn cael siaradwyr allanol i ymweld â ni o ystod eang o fusnesau i rannu eu straeon a chynnig cyngor. Ymhlith y siaradwyr a gawsom yn ddiweddar mae: Mark Sweeney, Prif Weithredwr yn Novo solutions, Ciaran Branney, Cyfarwyddwr Peirianneg yn Purple Sector, a Tillie Page, Hyfforddwr Busnes a Dechrau Busnes.

Mae ymuno â chymdeithas yn rhan allweddol o’ch bywyd prifysgol a bydd yn cyfoethogi eich profiad cyfan.  Mae llawer o fanteision ond yr un gorau yw’r cyfleoedd diddiwedd i gwrdd â phobl.

Rwy’n rhan o’r pwyllgor sy’n rhedeg y gymdeithas a fi yw’r ysgrifennydd sy’n gwneud y gwaith gweinyddol, yn cadw cofnodion cywir ac yn cyfathrebu â’r pwyllgor ac aelodau’r gymdeithas. Rydw i wir wedi mwynhau fy rôl ar y pwyllgor eleni a bod yn rhan o’r gymdeithas. Mae wedi dysgu sgiliau amhrisiadwy i mi, fel rheoli amser, trefnu pobl, a chynllunio digwyddiadau. Gallaf drosglwyddo’r sgiliau hyn i fy mywyd gwaith.

Rydw i wrth fy modd yn fyfyriwr Prifysgol Caerdydd gan fy mod yn teimlo’n rhan o gymuned sydd eisiau helpu eraill i ffynnu a llwyddo. Rwy’n mwynhau bod yn rhan o brifysgol sy’n cefnogi ei myfyrwyr ac yn rhoi’r cyfleoedd gorau iddynt i’w helpu i wella mewn sawl ffordd. Gallai hyn gynnwys ymuno â’r ystod eang o gymdeithasau lle gallwch ddysgu sgil neu chwaraeon newydd neu gwrdd â phobl newydd o bob cefndir.

Mae’n hawdd ymuno â chymdeithas a gallwch roi cynnig ar gymdeithas cyn ymrwymo i brynu aelodaeth flynyddol. Mae’r mwyafrif o gymdeithasau’n cynnal sesiynau ‘rhoi cynnig arni’ ar ddechrau’r ddau semester er mwyn i fyfyrwyr allu dod draw i roi cynnig ar y gweithgareddau cymdeithasol, cwrdd â phobl, a gweld a yw’r gymdeithas yn cyd-fynd â’u diddordebau.

Mae Cymdeithas Ysgol Busnes Caerdydd yn codi £4 am aelodaeth flynyddol.

Rhagor o wybodaeth ac ymuno

(Gall darpar fyfyrwyr ymuno ar ôl iddynt gofrestru ym Mhrifysgol Caerdydd).

200+ o gymdeithasau myfyrwyr

Mae dros 200 o gymdeithasau i ddewis ohonynt yn Undeb Y Myfyrwyr. Mae grwpiau ar gyfer Economeg, Ymgynghoriaeth, Cyllid, Masnachu ac Entrepreneuriaeth. Mae yna gymdeithasau penodol hyd yn oed i Taylor Swift, Yoga, Nofio Gwyllt, Dawns Hip Hop ac A-cappella, felly mae rhywbeth i bawb.