Cwrdd â Katie Green ein Cynorthwyydd Ymgysylltiad Myfyrwyr
22 Mehefin 2023![Person smiling](https://i0.wp.com/blogs.cardiff.ac.uk/LTAcademy/wp-content/uploads/sites/286/2023/06/SE-team-3.png?fit=875%2C492&ssl=1)
Mae ein Cynorthwyydd Ymgysylltiad Myfyrwyr, Katie Green yn dweud mwy wrthym amdani hi ei hun a’i rôl yn yr Academi Dysgu ac Addysgu.
Beth mae eich rôl yn ei gynnwys a pha mor hir ydych chi wedi bod yn y rôl?
Dechreuais y rôl hon fel myfyriwr graddedig 9 mis yn ôl. Mae’n cynnwys gweithio gyda’r tîm Ymgysylltu â Myfyrwyr ar brosiectau i wella profiad myfyrwyr, megis dadansoddi Gwella Modiwlau ac Arolwg Ôl-raddedig a Addysgir Prifysgol Caerdydd (CUPTS).
Mae fy rôl graidd hefyd yn cynnwys rheoli’r cynllun Hyrwyddwyr Myfyrwyr o ddydd i ddydd.
Pa brosiectau/tasgau ydych chi’n gweithio arnynt o fewn eich rôl ar hyn o bryd?
Ar hyn o bryd rwy’n gweithio ar ddatblygu’r Cynllun Hyrwyddwyr Myfyrwyr ar gyfer 2023/24. Mae hyn yn cynnwys:
- adeiladu llinell amser
- gwerthuso’r cynllun hyd yn hyn
- recriwtio
- gwella adnoddau ar gyfer Hyrwyddwyr Myfyrwyr newydd
Dywedwch wrthym am hanes eich gyrfa
Cyn dechrau yn y rôl hon, bûm yn gweithio ochr yn ochr â’m hastudiaethau MSc fel Aelod o Dîm Mewnwelediad Myfyrwyr yn y Gyfarwyddiaeth Gwella Ansawdd ym Mhrifysgol Metropolitan Caerdydd.
Yn ystod y rôl bûm yn gweithio mewn partneriaeth â staff o ysgolion a gwasanaethau proffesiynol. Rhoddais safbwynt myfyriwr ar brosiectau newydd ac ymgysylltais â datblygu strategaethau ar gyfer profiad myfyrwyr, llais myfyrwyr a chyflogadwyedd. Cynorthwyais y tîm hefyd i drefnu a chynnal y gynhadledd flynyddol a’r Gwobrau Dysgu dan Arweiniad Myfyrwyr.
Beth ydych chi’n ei wneud yn eich amser sbâr?
Yn fy amser hamdden rwy’n mwynhau darllen, mynd a’r cŵn am dro, a threulio amser gyda fy nai.
Dewch i gwrdd â mwy ohonom o’r Academi Dysgu ac Addysgu
Dewch i gwrdd â Phillip Harris, ein Cydlynydd Digwyddiadau Myfyrwyr sydd â’i rôl yn cynnwys datblygu a gweithredu cyfres o ddigwyddiadau sy’n canolbwyntio ar wella profiad myfyrwyr, adeiladu cymunedau, a dathlu rhagoriaeth dysgu ac addysgu.