Ymgysylltu â’r Gymuned mewn Cynlluniau Datblygu Lleol

Mae Cynlluniau Datblygu Lleol yn helpu i lunio dyfodol ein cymdogaethau, gan ddylanwadu ar benderfyniadau ynglŷn â thai, trafnidiaeth, mannau gwyrdd a chyfleusterau cymunedol. Er bod croeso i gymunedau gymryd rhan, mae gwneud prosesau cynllunio’n hygyrch ac yn ystyrlon ar gyfer ystod eang o bobl yn parhau i fod yn her sylweddol.

Wedi’u cefnogi gan Gyfrif Cyflymu Effaith (IAA) Cyngor Ymchwil Economaidd a Chymdeithasol Prifysgol Caerdydd, gweithiodd yr Athro Mhairi McVicar, sy’n athro yn Ysgol Pensaernïaeth Cymru, gyda Chyngor Caerdydd a phartneriaid cymunedol i fwrw golwg ar ddulliau newydd o ymgysylltu â’r gymuned mewn ymgynghoriadau ar y Cynllun Datblygu Lleol.

Drwy dwyn ymchwilwyr, llunwyr polisïau a sefydliadau lleol dibynadwy ynghyd, ceisiodd y prosiect gryfhau cyfranogiad yn y broses gynllunio a sicrhau y gallai ystod ehangach o leisiau helpu i ddylanwadu ar ddyfodol cymdogaethau Caerdydd.

Mae’r prosiect hwn yn dangos y ffordd y gall ymchwil helpu i wneud prosesau cynllunio’n fwy cynhwysol drwy gryfhau gwaith ar y cyd rhwng cymunedau, awdurdodau lleol ac ymchwilwyr. Mae’r partneriaethau a’r dulliau a ddatblygwyd drwy’r prosiect yn parhau i gefnogi sgyrsiau am y ffordd y gall ystod ehangach o leisiau gael eu cynrychioli mewn gwaith cynllunio a chreu lleoedd.