Cefnogi Lles Plant yn yr Ysbyty drwy Chwarae Doniol

I nodi WythnosIechydMeddwlPlant, roedd y prosiect hwn gan y Cyngor Ymchwil Economaidd a Chymdeithasol (ESRC) ym Mhrifysgol Caerdydd (wedi’i ariannu gyda chyllid IAA) yn archwilio sut gall hiwmor a rhyngweithiadau chwareus bob dydd gefnogi lles meddyliol plant mewn ysbytai.

Gan weithio gyda phartneriaid gan gynnwys Chwarae Cymru a Sefydliad Plant Starlight yn Ysbyty Plant Arch Noa, roedd yr ymchwil yn canolbwyntio ar lais plant ac yn tynnu sylw at werth chwarae wrth feithrin ymddiriedaeth a diogelwch emosiynol ym maes gofal iechyd.

Yn aml, bydd plant mewn ysbyty yn ofnus, yn teimlo’n unig ac yn ansicr. Rydym yn gwybod bod chwarae, hiwmor a chyfathrebu chwareus yn cefnogi lles plant, ond serch hynny ychydig o adnoddau a ddyrennir iddynt mewn lleoliadau gofal iechyd. Ymchwiliodd y prosiect hwn i’r ffordd y mae rhyngweithio chwareus beunyddiol yn helpu plant i deimlo’n fwy llonydd, yn fwy cysylltiedig â’r byd ac yn fwy dynol. Dan arweiniad Prifysgol Caerdydd, defnyddiodd y prosiect ymchwil gyfranogol gyda phlant, pobl ifanc a theuluoedd i ddeall yr hyn mae cyfathrebu chwareus yn ei olygu iddyn nhw yn yr ysbyty.Gan weithio gyda’r partneriaid Chwarae Cymru a Starlight, ymchwiliwyd i leisiau plant er mwyn ystyried sut mae hiwmor a rhyngweithio beunyddiol yn llunio lles ac ymddiriedaeth.

Oherwydd cyllid IAA roedd modd cynnal ymchwil hyblyg a chyfranogol gyda phlant mewn ysbytai a chafwyd gwaith partneriaeth rhwng y byd academaidd a’r trydydd sector. Roedd yr hyblygrwydd hwn yn caniatáu i’r prosiect ymateb i dystiolaeth ac arbenigedd y partner, gan flaenoriaethu dysgu a hyfforddiant dros adnoddau corfforol. Sefydlodd y prosiect sylfaen gref hefyd i greu effaith yn y dyfodol, ymwybyddiaeth ehangach yn ogystal â chyllid dilynol.