{"id":744,"date":"2024-07-10T12:25:31","date_gmt":"2024-07-10T12:25:31","guid":{"rendered":"https:\/\/blogs.cardiff.ac.uk\/wolfsonyoungpeople\/?p=744"},"modified":"2025-01-03T15:59:43","modified_gmt":"2025-01-03T15:59:43","slug":"amplifying-accessibility-gwersi-gan-gerddor-ifanc-anabl","status":"publish","type":"post","link":"https:\/\/blogs.cardiff.ac.uk\/wolfsonyoungpeople\/cy\/amplifying-accessibility-gwersi-gan-gerddor-ifanc-anabl\/","title":{"rendered":"Amplifying Accessibility: gwersi gan gerddor ifanc anabl"},"content":{"rendered":"

Yn y blogbost hwn, mae Keys (hi\/nhw), cerddor o Gymru ag anabledd, yn rhannu tair gwers y mae hi wedi\u2019u dysgu ar ei thaith o fysgio ar y stryd i chwarae yng Ng\u0175yl y Dyn Gwyrdd. Mae Keys hefyd yn myfyrio ar sut mae creu cerddoriaeth yn helpu ei lles a\u2019i hiechyd meddwl.<\/p>\n

<\/figure>\n
\"\"Fy enw i yw Rightkeysonly, cerddor unllaw \u00e2 dwy law sy’n wych am roi pump uchel ond yn ofnadwy am wneud dwylo jazz. Gyda\u2019r nos, gallwch chi fy ffeindio i wedi ymgolli\u2019n llwyr yn y s\u00een r\u00eaf, yn bownsio ar draws llwyfannau wrth i’r bas ddirgrynu drwy fodiau fy nhraed.Yn ystod y dydd, rwy’n bennaeth ar Amplifying Accessibility<\/a>, prosiect sy’n chwilio am ffyrdd cynhwysol y gall unigolion B\/byddar, anabl a niwrowahanol ddatblygu eu gyrfa ym myd cerddoriaeth.Rydw i hefyd yn berson 24 oed na welodd neb tebyg iddyn nhw erioed yn y diwydiant cerddoriaeth.<\/figure>\n

 <\/p>\n

Mae cael ADHD a Pharlys Erb yn golygu \u2019mod i yn aml wedi gorfod addasu i fyd a oedd yn teimlo nad oedd wedi’i gynllunio i mi. Gall hyn roi pwysau trwm ar ysgwyddau rhywun.<\/p>\n

Fodd bynnag, mae \u2019na hefyd lawer o bethau hyfryd yn dod gyda bod yn wahanol.<\/p>\n

Felly, dwi\u2019n mynd i rannu rhai gwersi dwi wedi’u dysgu, fel person amrywiol ym myd cerddoriaeth, fel y gallwch chi fwynhau mwy o’r eiliadau hyfryd hynny.<\/p>\n

 <\/p>\n

Gwers 1: Mae cael help yn helpu\u00a0<\/strong><\/p>\n

Hyd yn oed pan rydych chi’n seren roc, dyw anghenion ychwanegol ddim jyst yn diflannu.<\/p>\n

Unwaith, perfformiais i deirgwaith ar yr un diwrnod, mewn dwy ddinas wahanol, yng nghanol yr haf – doedd hyn ddim yn anghyffredin ar \u00f4l i mi ddechrau cynhyrchu cerddoriaeth ddawns. Fodd bynnag, ar yr un pryd, dirywiodd fy iechyd.<\/p>\n

I eiriol drosof fy hun, fe greais i Atodiad Mynediad.<\/p>\n

Mae Atodiad Mynediad yn ddogfen y mae pobl greadigol anabl yn ei rhannu \u00e2 chydweithwyr i esbonio sut i gefnogi eu hanghenion wrth weithio gyda\u2019i gilydd. Gallwch chi gynllunio\u2019r ddogfen hon fel y mynnwch chi, ac fe ddechreuais i gyda’r cwestiwn:<\/p>\n

Pe bawn i’n gallu cael popeth sydd ei angen arna\u2019 i, beth fyddai hynny?\u202f\u00a0<\/em><\/p>\n

Mae hyn yn fy helpu i gael y cymorth cywir a blaenoriaethu fy lles fy hun, heb orflino drwy\u2019r amser!<\/p>\n

 <\/p>\n

Gwers 2: Dim ond bod dynol ydych chi\u00a0<\/strong><\/p>\n

Un o\u2019r rhesymau y penderfynais i ganolbwyntio ar gerddoriaeth oedd gan fod rhywun wedi dweud wrtha\u2019 i, o ddifrif, nad oeddwn i\u2019n \u201cddigon abl\u201d<\/em> i fod yn \u201cgerddor go iawn\u201d<\/em>. Roeddwn i\u2019n gandryll, a thaniwyd fy awydd i sicrhau bod llai o bobl yn profi\u2019r gwahaniaethu yr oeddwn i, ac artistiaid eraill ag anabledd, wedi\u2019i wynebu ym myd cerddoriaeth.<\/p>\n

Rydw i\u2019n aml yn boster-ferch docenistaidd ar gyfer anabledd ond, gyda\u2019m llaw ar fy nghalon, galla i ddweud nad oes rhaid i chi ymladd bob amser.<\/p>\n

Ar rai diwrnodau mae popeth yn teimlo\u2019n ormod, ac rydych chi jyst eisiau i rywun ofyn i chi beth yw eich hoff liw cyn iddyn nhw ofyn i chi lenwi arolwg amrywiaeth a chynhwysiant arall.<\/p>\n

Os yw eich corff a’ch ymennydd yn dweud ei bod hi’n amser gorffwys, mae’n amser gorffwys.<\/p>\n

Mae bob amser yfory.<\/p>\n

 <\/p>\n

Gwers 3: Defnyddiwch eich rhwystrau er budd i chi\u00a0<\/strong><\/p>\n

Dyw hyn ddim yn golygu neidio\u2019r ciw yn Disneyland, mae’n golygu troi eich anfanteision yn gryfderau.<\/p>\n

Pan ddechreuais i yn y sin gerddoriaeth, roedd fy ngorbyder yn drech na mi. Roeddwn i wedi dysgu sut i f\u00eet-bocsio, gan ddefnyddio gorsaf lwpio i ailadrodd y synau\u2019n \u00f4l i mi, ond cyn gynted ag y byddwn i\u2019n mynd i mewn i leoliad byddai’r ofn yn taro, a byddwn i\u2019n gadael heb berfformio.<\/p>\n

Roedd angen i mi fowldio’r gerddoriaeth i fy siwtio i.<\/p>\n

Dechreuais berfformio oddi ar y llwyfan, yn eistedd ar y llawr, heb wneud cyswllt llygad \u00e2 neb, fel pe bawn i yn fy ystafell wely gartref. Roedd yn rhyfedd ac anarferol, ond fe wnaeth i mi deimlo’n gyfforddus ac roedd pawb wrth eu bodd. Enillais i\u2019r teitl ‘Floor Girl’ <\/em>mewn ambell le hyd yn oed.<\/p>\n

Daeth fy lles yn rhan o\u2019r perfformiad, yn flaenoriaeth dros yr hyn a ystyriwyd yn \u201cnormal\u201d i gerddor ei wneud.<\/p>\n

Os nad yw rhywbeth yn gweithio, mae gennych chi’r p\u0175er i’w newid, hefyd.<\/p>\n

 <\/p>\n

Yngl\u0177n \u00e2 Keys<\/strong><\/p>\n

\"\"P’un a ydych chi\u2019n abl neu anabl, dwi\u2019n gobeithio bod yr erthygl hon wedi eich helpu chi rywsut, ac os hoffech chi sgwrsio mwy am hygyrchedd yn y diwydiant cerddoriaeth gallwch chi anfon e-bost ataf (amplifyingaccessibility@gmail.com<\/a>) neu dewch o hyd i mi ar Instagram (@rightkeysonly<\/a>).<\/figure>\n

Mae fy sefydliad Amplifying Accessibility<\/a> hefyd yn cynnig cymorth mentora am ddim i weithwyr yn y diwydiant cerddoriaeth sy’n f\/Fyddar, anabl, neu niwrowahanol, ynghyd ag ymgynghoriaeth i sefydliadau sydd am ddysgu sut i ddod yn fwy cynhwysol o fewn arferion y diwydiant cerddoriaeth.<\/p>\n

Diolch i Keys am rannu ei stori gyda ni.<\/em><\/p>\n

 <\/p>\n

Adnoddau:<\/strong><\/p>\n