{"id":708,"date":"2024-03-20T14:11:45","date_gmt":"2024-03-20T14:11:45","guid":{"rendered":"https:\/\/blogs.cardiff.ac.uk\/wolfsonyoungpeople\/?p=708"},"modified":"2025-01-03T15:59:31","modified_gmt":"2025-01-03T15:59:31","slug":"dyddiadur-ymchwilydd-fy-ail-flwyddyn-fel-myfyriwr-phd-yng-nghanolfan-wolfson","status":"publish","type":"post","link":"https:\/\/blogs.cardiff.ac.uk\/wolfsonyoungpeople\/cy\/dyddiadur-ymchwilydd-fy-ail-flwyddyn-fel-myfyriwr-phd-yng-nghanolfan-wolfson\/","title":{"rendered":"Dyddiadur Ymchwilydd: Fy ail flwyddyn fel myfyriwr PhD yng Nghanolfan Wolfson"},"content":{"rendered":"

Helo ddarllenwyr hyfryd blog Wolfson!<\/p>\n

Fy enw i yw Abbey Rowe, ac rwy\u2019n fyfyriwr ymchwil PhD ail flwyddyn yn gweithio gyda Chanolfan Iechyd Meddwl Pobl Ifanc Wolfson<\/a> a DECIPHer<\/a> ym Mhrifysgol Caerdydd. Wrth i ni unwaith eto gyrraedd menter flynyddol wych Wythnos Dathlu Niwroamrywiaeth<\/a>,<\/strong> dyma fanteisio ar y cyfle hwn i rannu rhai diweddariadau ar fy mhrosiect ymchwil tair blynedd sy’n cyd-fynd \u00e2’r dathliadau.<\/p>\n

Ar fy mlog cyntaf<\/a> soniais i am thema\u2019r PhD, sut roedd fy mlwyddyn gyntaf yn mynd, a pham y dewisais Ganolfan Wolfson. Prif nod fy ymchwil yw deall y r\u00f4l y mae ysgolion uwchradd yn ei chwarae wrth gefnogi iechyd meddwl a lles pobl ifanc ag ADHD.<\/p>\n

 <\/p>\n

Felly, beth sydd wedi digwydd dros y flwyddyn ddiwethaf? Wel…<\/p>\n

    \n
  1. Cyflawnais gam cyntaf fy ymchwil (dadansoddi data eilaidd)<\/strong><\/li>\n<\/ol>\n

    Mae hon wedi bod yn daith hir a heriol a bu’n rhaid i mi ddysgu o’r dechrau sut i ddefnyddio technegau dadansoddi data cymhleth (modelu aml-lefel) mewn rhaglen gyfrifiadurol ystadegol o’r enw Stata nad oeddwn erioed wedi’i defnyddio o’r blaen.\u00a0 Rwy’n dal yn dehongli canfyddiadau’r dadansoddiad hwn ac yn hynod ddiolchgar am y gefnogaeth rydw i wedi’i chael gan fy ngoruchwylwyr a chydweithwyr yn Wolfson a DECIPHer, yn ogystal \u00e2 chydweithwyr ac ymchwilwyr allanol hefyd. Rwyf i wir wedi teimlo’n rhan o gymuned ymchwil o’r radd flaenaf sydd wedi fy helpu i symud ymlaen ar hyd y daith gymhleth hon!<\/p>\n

     <\/p>\n

      \n
    1. Es i gynhadledd ADHD ym Montpellier, Ffrainc<\/strong><\/li>\n<\/ol>\n

      Roedd bod yng nghynhadledd ryngwladol EUNETHYDIS 2023 yn gyfle anhygoel, nid yn unig i ddysgu gan arbenigwyr blaenllaw ym maes ymchwil ADHD, ond i gyflwyno fy mhoster academaidd cyntaf ochr yn ochr ag ymchwilwyr gyrfa gynnar eraill. Roedd cwmpas ehangder yr ymchwil yn y maes yn syfrdanol ac roedd y tywydd yn eithriadol hefyd!<\/p>\n

       <\/p>\n

        \n
      1. Ymgynghorais \u00e2 phobl ifanc, staff ysgolion a gweithwyr proffesiynol am fy ymchwil<\/strong><\/li>\n<\/ol>\n

        Mae siarad \u00e2 phobl yn y gymuned addysg rwy\u2019n ymchwilio iddi wedi bod yn un o’r agweddau mwyaf pleserus ar y prosiect hyd yn hyn. Rwy’n credu mai pobl ifanc sy’n uniaethu’n niwroamrywiol ac oedolion sy’n gweithio yn y lleoliadau addysg yw’r arbenigwyr yn hyn o beth. Trwy siarad \u00e2 nhw am fy mhrosiect llwyddais i ganoli fy nodau ymchwil ar sail eu mewnbwn uniongyrchol, a amlinellir ar y poster cryno hwn<\/a>. Rwy’n edrych ymlaen at barhau i gydweithio gyda’r grwpiau hyn ar fy mhrosiect.<\/p>\n

         <\/p>\n

          \n
        1. Cefais gyfle i gwrdd \u00e2 Gr\u0175p Cynghori Ieuenctid Wolfson<\/strong><\/li>\n<\/ol>\n

          Thema Diwrnod Iechyd Meddwl y Byd 2023 oedd ‘Mae iechyd meddwl yn hawl dynol i bawb’, a chefais wahoddiad i gefnogi trafodaethau ar y pwnc yng nghyfarfod wyneb yn wyneb y Gr\u0175p yn sbarc. Roedden\u00a0 nhw’n gr\u0175p ysbrydoledig o arbenigwyr ifanc, oedd \u00e2 chymaint o syniadau gwych i’w rhannu wrth greu cynnwys cyfryngau cymdeithasol (Twitter<\/a> ac Instagram<\/a>) i ysgogi’r meddwl a chodi ymwybyddiaeth o bwnc pwysig y dydd.<\/p>\n

           <\/p>\n

          Dyma rai o uchafbwyntiau’r flwyddyn ddiwethaf\u00a0 i mi ac rwy’n gwybod bod gen i flwyddyn arall lawn dop o brofiadau i edrych ymlaen ati. Ar hyn o bryd rwyf i wrthi’n cofrestru ysgolion i gymryd rhan yn ail gam fy ymchwil sy’n cynnwys cyfweliadau myfyrwyr a staff ysgol. Bydd yn anhygoel cael golwg fanwl ar nodweddion penodol ysgolion a allai fod yn cefnogi iechyd meddwl pobl ifanc ag ADHD, yn uniongyrchol o safbwyntiau myfyrwyr a’r staff eu hunain.<\/p>\n

           <\/p>\n

          Os hoffech ddarllen mwy am y PhD:<\/p>\n