{"id":510,"date":"2022-07-11T08:55:04","date_gmt":"2022-07-11T08:55:04","guid":{"rendered":"https:\/\/blogs.cardiff.ac.uk\/wolfsonyoungpeople\/?p=510"},"modified":"2022-07-13T08:58:42","modified_gmt":"2022-07-13T08:58:42","slug":"tymor-cyntaf-llwyddiannus-ar-gyfer-cyfres-o-ddarlithoedd-cyhoeddus-newydd","status":"publish","type":"post","link":"https:\/\/blogs.cardiff.ac.uk\/wolfsonyoungpeople\/cy\/tymor-cyntaf-llwyddiannus-ar-gyfer-cyfres-o-ddarlithoedd-cyhoeddus-newydd\/","title":{"rendered":"Tymor cyntaf llwyddiannus ar gyfer cyfres o ddarlithoedd cyhoeddus newydd"},"content":{"rendered":"

Mae cyfres ddarlithoedd cyhoeddus newydd Canolfan Wolfson ar gyfer Iechyd Meddwl Pobl Ifanc wedi cael derbyniad da yn ei thymor cyntaf.<\/em><\/p>\n

Mae’r ganolfan ymchwil ryngddisgyblaethol, sy’n canolbwyntio ar ddeall a gwella iechyd meddwl pobl ifanc, wedi cynnal y pedair darlith rithwir gyntaf yn y gyfres fisol, sy’n cynnwys amrywiaeth o arbenigwyr sy’n gweithio yn y DU a ledled y byd.<\/p>\n

Mae’r pynciau a drafodwyd hyd yn hyn yn y gyfres wedi cynnwys adnoddau cymorth i rieni a theuluoedd mewn argyfyngau, effaith straen, dysgu atgyfnerthu ac iselder, gweithredu ymyriadau iechyd meddwl ar gyfer pobl ifanc mewn cyd-destunau adnoddau isel ac iechyd meddwl plant a fabwysiadwyd o ofal.<\/p>\n

Trefnir y gyfres gan Dr Lucy Riglin a Dr Yulia Shenderovich, sy’n cyd-arwain ffrydiau ymchwil ac arferion gwyddoniaeth agored Canolfan Wolfson.<\/p>\n

Dywedodd Dr Lucy Riglin: “Rydym wedi bod yn falch iawn o’r ymateb cychwynnol i Ddarlithoedd Canolfan Wolfson. Dros y pedwar mis diwethaf, mae amrywiaeth wych o siaradwyr o amrywiaeth o ddisgyblaethau wedi ymuno \u00e2 ni ar-lein, gan gynnwys arbenigwyr o Brifysgolion Rhydychen a Sussex, Coleg Prifysgol Llundain ac yma ym Mhrifysgol Caerdydd.<\/p>\n

“Diolch yn arbennig i’r Athro Lucie Cluver, yr Athro Glyn Lewis, Dr Daniel Michelson a’r Athro Katherine Shelton am eu sgyrsiau a dechrau’r gyfres mor dda.”<\/p>\n

\"\"<\/figure>\n

Ychwanegodd Dr Yulia Shenderovich: “Mae cynnal y darlithoedd ar-lein wedi galluogi’r gyfres i gyrraedd cynulleidfa ryngwladol yn barod gyda dros 400 o bobl yn cofrestru ar gyfer y gyfres hyd yn hyn. Dilynwyd pob sgwrs gan sesiwn holi ac ateb ddiddorol ac rydym yn ddiolchgar iawn i bawb sydd wedi mynychu i gefnogi’r gyfres hyd yn hyn.<\/p>\n

“Mae’r holl sgyrsiau wedi’u recordio hefyd felly byddwn yn annog unrhyw un sydd \u00e2 diddordeb i ddal i fyny ar sianel YouTube Canolfan Wolfson nawr.”<\/p>\n

Daeth Dr Riglin i’r casgliad: “Mae wedi bod yn dymor cyntaf gwych i Ddarlithoedd Canolfan Wolfson ac rydym yn edrych ymlaen at weld y gyfres yn datblygu dros y flwyddyn i ddod.<\/p>\n

“Cynhelir y sgwrs nesaf ddydd Mercher 12 Hydref am 14.00 (GMT) a byddwn yn rhannu’r manylion yn fuan.”<\/p>\n

Mae pedair Darlith gyntaf Canolfan Wolfson ar gael i’w gweld ar-lein:<\/p>\n