{"id":4438,"date":"2025-10-23T11:53:23","date_gmt":"2025-10-23T11:53:23","guid":{"rendered":"https:\/\/blogs.cardiff.ac.uk\/wolfsonyoungpeople\/?p=4438"},"modified":"2025-10-23T11:53:47","modified_gmt":"2025-10-23T11:53:47","slug":"chwalu-saith-camsyniad-cyffredin-am-adhd","status":"publish","type":"post","link":"https:\/\/blogs.cardiff.ac.uk\/wolfsonyoungpeople\/cy\/chwalu-saith-camsyniad-cyffredin-am-adhd\/","title":{"rendered":"Chwalu saith camsyniad cyffredin am ADHD"},"content":{"rendered":"

Yn y blog hwn mae Dr Sharifah Syed Salim Agha<\/a>, darlithiwr yn yr Adran Seiciatreg Plant a Phobl Ifanc ac ymchwilydd yng Nghanolfan Wolfsonlin ar gyfer Iechyd Meddwl Pobl Ifanc, yn ceisio chwalu rhai camsyniadau cyffredin am ADHD sydd i\u2019w gweld ar gyfryngau cymdeithasol.<\/em><\/p>\n

Gadewch i ni ystyried y ffeithiau<\/strong><\/p>\n

Mwy na thebyg rydych chi wedi clywed am Anhwylder Diffyg Canolbwyntio a Gorfywiogrwydd (ADHD), yn enwedig gan ei fod wedi dod i\u2019r amlwg yn fwy dros y blynyddoedd diwethaf. Cyflwr niwroddatblygiadol yw ADHD sy\u2019n cynnwys anawsterau rhoi sylw, gorfywiogrwydd ac ymddygiad byrbwyll.<\/p>\n

Mae ADHD yn gyffredin, gan effeithio ar 3-5% o bobl. Er gwaethaf hyn, mae llawer o gamsyniadau amdano sy\u2019n cyfrannu at stigma ac yn ei gwneud yn anoddach i\u2019r rhai ag ADHD gael y cymorth mae ei angen arnynt.<\/p>\n

Fel rhan o Fis Ymwybyddiaeth o ADHD y mis Hydref hwn, gadewch i ni ystyried y camsyniadau mwyaf cyffredin a\u2019r hyn mae\u2019r ymchwil yn ei ddweud mewn gwirionedd.<\/p>\n

1. Mae pawb yn meddwl bod ganddyn nhw ADHD nawr, dim ond tuedd yw hi<\/strong><\/p>\n

Nid tuedd yw ADHD. Efallai bod y cynnydd yn swm y cynnwys am ADHD ar gyfryngau cymdeithasol wedi arwain i fwy o bobl yn ceisio asesiadau, ond nid yw ymchwil yn cefnogi\u2019r syniad bod gormod o bobl yn cael diagnosis ADHD.<\/p>\n

Er bod mwy o bobl yn cael y diagnosis hwn, mae\u2019r nifer yn dal yn is na nifer amcangyfrifedig y bobl yn y DU y mae\u2019n debygol bod ganddynt ADHD. Mae\u2019r cynnydd yn nifer y diagnosisau yn adlewyrchu gwell ymwybyddiaeth ac adnabyddiaeth o\u2019r cyflwr, nid gorddiagnosio.<\/p>\n

Mae mwy o ymwybyddiaeth yn helpu i leihau stigma ac yn annog pobl i geisio cymorth. Fodd bynnag, mae ADHD yn gyflwr cymhleth nad oes modd ei esbonio\u2019n llawn mewn postiadau neu fideos byr ar gyfryngau cymdeithasol. Dim ond ymarferwyr proffesiynol cymwys sy\u2019n gallu gwneud diagnosis ffurfiol, ac mae llawer o ffynonellau gwybodaeth dibynadwy ar gael (gweler y dolenni isod).
\n
\n<\/em>2. Does dim modd bod gennych ADHD a gorbryder neu iselder<\/strong><\/p>\n

Oes, mae modd. Yn wir, mae pobl ag ADHD yn fwy tebygol o brofi gorbryder neu iselder – mae\u2019r rhain yn cael eu galw\u2019n gyflyrau sy\u2019n cyd-ddigwydd. Mae cyfradd y cyflyrau hyn sy\u2019n cyd-ddigwydd yn amrywio fesul oedran.<\/p>\n

Mae\u2019r cyflyrau ychwanegol hyn yn gallu effeithio ar ba symptomau ADHD sydd gan rywun a sut mae\u2019n effeithio ar fywyd rhywun. Mae adnabod ac ymateb i gyflyrau sy\u2019n cyd-ddigwydd yn bwysig er mwyn sicrhau triniaeth a chymorth effeithiol.<\/p>\n

3. Meddyginiaeth yw\u2019r unig ffordd o reoli ADHD.<\/strong><\/p>\n

Nage, nid yw diagnosis ADHD o anghenraid yn golygu y byddwch yn cael presgripsiwn am feddyginiaeth. Ar \u00f4l diagnosis, byddwch chi a\u2019ch meddyg arbenigol yn trafod opsiynau triniaeth ar sail eich anghenion.<\/p>\n

Yn y DU, mae canllawiau\u2019n argymell dull cynhwysfawr o gefnogi plant ag ADHD. Mae hyn yn cynnwys addysg a gwybodaeth am ADHD, gwneud yr amgylchedd (e.e. yn y cartref a\u2019r ysgol) yn dda i bobl ag ADHD a rhoi cyngor ar strategaethau rhianta.<\/p>\n

Bydd meddyginiaeth yn cael ei defnyddio pan fo symptomau ADHD yn ddifrifol ac yn achosi anawsterau mawr.<\/p>\n

4. Mae pobl ag ADHD bob amser yn orfywiog neu\u2019n tarfu. <\/strong><\/p>\n

Nid yw pob person ag ADHD yn orfywiog. Mae gan ADHD dri phrif symptom.<\/p>\n