{"id":4302,"date":"2025-05-15T12:30:50","date_gmt":"2025-05-15T12:30:50","guid":{"rendered":"https:\/\/blogs.cardiff.ac.uk\/wolfsonyoungpeople\/?p=4302"},"modified":"2025-05-13T13:41:36","modified_gmt":"2025-05-13T13:41:36","slug":"pwer-cymuned-ac-ymdeimlad-o-berthyn","status":"publish","type":"post","link":"https:\/\/blogs.cardiff.ac.uk\/wolfsonyoungpeople\/cy\/pwer-cymuned-ac-ymdeimlad-o-berthyn\/","title":{"rendered":"P\u0175er cymuned ac ymdeimlad o berthyn"},"content":{"rendered":"

Yn y blog hwn, mae Lauren yn myfyrio ar thema Wythnos Ymwybyddiaeth Iechyd Meddwl 2025 \u2013 cymuned. Mae hi’n rhannu ei thaith bersonol gydag iechyd meddwl ac yn tynnu sylw at bwysigrwydd cymuned wrth greu mannau diogel, cefnogol i bobl ifanc, lle maen nhw\u2019n teimlo dealltwriaeth, cysylltiad, a grym.
\n<\/em>
\nShwmae bawb,<\/p>\n

Fy enw i yw Lauren Conway ac rwy’n rhan o Gr\u0175p Cynghori Pobl Ifanc (YAG) Canolfan Wolfson ac yn un o sylfaenwyr y Neuro Network. Gan ei bod hi\u2019n Fis Ymwybyddiaeth Iechyd Meddwl, ro\u2019n i\u2019n awyddus i fanteisio ar y cyfle i rannu ychydig o\u2019m stori a s\u00f4n am pam mae cymuned mor bwysig mewn perthynas ag iechyd meddwl, yn enwedig i’r rhai ohonom ni sy’n delio \u00e2 heriau iechyd meddwl.<\/p>\n

Fel rhywun sy\u2019n wynebu anawsterau iechyd meddwl a heriau eraill, ro\u2019n i’n aml yn teimlo \u2019mod i\u2019n cael fy nghamddeall neu ddim yn cael fy nghefnogi gan y systemau a oedd i fod i helpu. Byddai cael ymdeimlad cryf o gymuned yn ystod yr amseroedd hynny wedi gwneud gwahaniaeth enfawr. Lle roedd gwasanaethau\u2019n methu, gallai cymorth cymheiriaid a dealltwriaeth gan eraill fod wedi fy helpu i deimlo’n llai unig. Dyna pam mae grwpiau fel YAG a’r Neuro Network mor bwysig: nid yn unig maen nhw’n cynnig yr ymdeimlad hwnnw o gysylltiad a chefnogaeth, ond maen nhw hefyd yn gweithio i wella ymchwil iechyd meddwl a llywio datblygiad gwasanaethau fel bod gofal yn y dyfodol yn fwy hygyrch a chynhwysol. Mae cwrdd ag eraill sydd \u00e2 phrofiadau tebyg wedi fy nghysuro a\u2019m grymuso – rhywbeth nad oeddwn i wedi ei deimlo tan yn ddiweddar.<\/p>\n

Mae fy nhaith wedi fy nysgu am b\u0175er cymuned. Ers dod i’r brifysgol, rydw i wedi dysgu pa mor bwysig yw rhoi eich hun mas \u2019na a dod o hyd i bobl sydd wir yn eich deall chi. Ro\u2019n i’n dal i deimlo allan o le ar y dechrau, yn masgio, yn osgoi digwyddiadau cymdeithasol, ac yn straffaglu trwy ofod a oedd yn aml yn teimlo’n ormod i mi. Ond hanner ffordd trwy fy ngradd, sefydlais gymdeithas ar gyfer myfyrwyr niwroamrywiol, a\u2019m helpodd i ddod o hyd i gysylltiad, adeiladu hyder, a hyrwyddo ymwybyddiaeth.<\/p>\n

Mae’r YPAG yn dod \u00e2 phobl ifanc sydd \u00e2 phrofiad o lygad y ffynnon at ei gilydd i gynghori ar ymchwil iechyd meddwl, gan sicrhau bod prosiectau’n adlewyrchu anghenion a lleisiau’r rhai maen nhw\u2019n ceisio eu cefnogi. Mae bod yn rhan o’r YPAG wedi bod yn brofiad hyfryd. Mae’n ofod lle mae ein lleisiau ni wir yn bwysig ac mae ein syniadau\u2019n helpu i lywio canlyniadau gwell mewn ymchwil iechyd meddwl.<\/p>\n

Mae’r Neuro Network yn gr\u0175p cymunedol nid-er-elw a gyd-sefydlais i gefnogi unigolion niwroamrywiol yn y gymuned. Rydyn ni\u2019n cynnal grwpiau cymorth cyfoedion rheolaidd, gan gynnwys gr\u0175p ADHD mewn partneriaeth \u00e2 Chyngor Caerdydd, ac yn cynnal digwyddiadau cynhwysol fel grwpiau cymorth awtistiaeth ac ADHD a chlwb crefftio cw\u00eear niwroamrywiol. Mae’n ofod lle mae pawb yn cael eu croesawu a’u hannog i fod yn nhw eu hunain, gan feithrin ymdeimlad o berthyn a chynhwysiant. Mae’r YAG a’r Neuro Network yn helpu i wella dealltwriaeth gymdeithasol o heriau niwroamrywiaeth ac iechyd meddwl a’n symud yn agosach at fyd lle mae modd siarad am eich trafferthion yn agored.<\/p>\n

Yn ddiweddar, rydw i wedi dod i ddeall pa mor hanfodol yw cael rhwydwaith cymorth – pobl nad ydyn nhw\u2019n gwneud i chi deimlo’n rhyfedd neu’n wahanol, ond yn hytrach yn gwneud i chi deimlo fel eich bod chi’n perthyn. Nid yw bob amser yn hawdd – rwy’n dal i wynebu eiliadau o unigrwydd a gorbryder. Ond mae cael fy amgylchynu gan bobl sy’n rhannu profiadau tebyg yn gwneud i mi deimlo mwy o gysylltiad a dealltwriaeth. Mae’n anhygoel faint o wahaniaeth y gall cymuned ddibynadwy, ofalgar ei wneud. Ni ddylai\u2019r gallu i siarad am gyflyrau iechyd meddwl yn agored, mewn mannau sy’n teimlo’n ddiogel, fod yn fraint, ond yn aml dyma\u2019r achos o hyd.<\/p>\n

Mae unigrwydd yn fwy na dim ond emosiwn – mae’n broblem iechyd cyhoeddus, ac mae’n arbennig o gyffredin. Gall cymuned fod yn donig pwerus i unigrwydd. Gall dod o hyd i’r gymuned gywir – boed ar-lein neu wyneb yn wyneb – ddod ag ymdeimlad o berthyn, cyd-ddealltwriaeth, a chymorth emosiynol.<\/p>\n

Mae rhoi fy hun mas \u2019na a chwrdd ag eraill sydd \u00e2 phrofiadau tebyg nid yn unig wedi fy helpu i wneud ffrindiau newydd ond hefyd wedi gwella fy iechyd meddwl. Mae rhywbeth anhygoel o rymusol am ddod o hyd i’ch llwyth chi a gwybod nad ydych chi ar eich pen eich hun.<\/p>\n

Rwy’n dal i adeiladu fy nghymuned – mae’n daith barhaus – ond rydw i wedi mynd o deimlo fel nad oeddwn i’n perthyn i greu mannau lle gallaf fod yn driw i fi fy hun. Dyna beth rydw i ei eisiau i eraill hefyd: cymuned lle rydych chi’n teimlo derbyniad, cysylltiad a chefnogaeth. Os ydych chi’n teimlo’n unig, cofiwch fod \u2019na bobl a grwpiau mas \u2019na sy\u2019n barod i’ch croesawu chi yn union fel ydych chi.<\/p>\n

Dyma rai adnoddau sydd wedi bod yn ddefnyddiol i mi:<\/p>\n