{"id":348,"date":"2021-11-18T13:18:03","date_gmt":"2021-11-18T13:18:03","guid":{"rendered":"https:\/\/blogs.cardiff.ac.uk\/wolfsonyoungpeople\/?p=348"},"modified":"2022-04-13T13:37:30","modified_gmt":"2022-04-13T13:37:30","slug":"astudiaeth-gydweithredol-yn-dangos-canfyddiadau-newydd-ynglyn-ag-adhd-mewn-oedolion-ifanc","status":"publish","type":"post","link":"https:\/\/blogs.cardiff.ac.uk\/wolfsonyoungpeople\/cy\/astudiaeth-gydweithredol-yn-dangos-canfyddiadau-newydd-ynglyn-ag-adhd-mewn-oedolion-ifanc\/","title":{"rendered":"Astudiaeth gydweithredol yn dangos canfyddiadau newydd yngl\u0177n ag ADHD mewn oedolion ifanc"},"content":{"rendered":"

Mae’r Athro Anita Thapar yn arwain yr adran Seiciatreg Plant a Phobl Ifanc yn yr Is-adran Meddygaeth Seicolegol a Niwrowyddorau Clinigol (DPMCN) a’r ffrwd waith ymchwil geneteg yng Nghanolfan Wolfson ym Mhrifysgol Caerdydd.<\/strong><\/p>\n

Yma, mae’r Athro Thapar yn ysgrifennu am ganfyddiadau diweddaraf y t\u00eem ar Anhwylder Diffyg Canolbwyntio a Gorfywiogrwydd (ADHD).<\/strong><\/p>\n

Cyflwyniad<\/h2>\n

Rydym yn gwybod bod ADHD yn effeithio ar oedolion ac nid ar blant yn unig, fodd bynnag, nid ydym yn gwybod llawer am y cyfnod pontio rhwng 16 a 25 oed.<\/p>\n

Roedd ein hastudiaeth ymchwil, \u2018Anhwylderau Niwroddatblygiadol: Beth sy\u2019n digwydd pan mae plant yn tyfu i fyny a pham?\u2019 yn canolbwyntio ar hyn gyda\u2019r nod o helpu i ddeall ADHD mewn oedolion ifanc.<\/p>\n

Mewn prosiect cydweithredol gydag Uned Epidemioleg Integreiddiol y Cyngor Ymchwil Feddygol ym Mhrifysgol Bryste, a ariannwyd gan Ymddiriedolaeth Wellcome, gwnaethom edrych ar symptomau ADHD mewn gr\u0175p o filoedd o bobl ifanc 25 oed a ddilynwyd yn rheolaidd ers iddynt gael eu geni.<\/p>\n

Sut beth yw ADHD i bobl 25 oed?<\/h2>\n

Rydym yn gwybod bod gorgyffwrdd rhwng ADHD mewn plentyndod ac anawsterau dysgu a datblygiadol eraill, felly gofynnwyd y cwestiwn: A yw hynny\u2019n debyg i oedolion?<\/p>\n

Erbyn 25 oed, roedd ADHD \u00e2 diffiniad eang yn dal i orgyffwrdd \u00e2 nodweddion anhwylder sbectrwm awtistiaeth, anawsterau cyfathrebu ac o ran perfformiad yr ymennydd mewn tasgau. Yn union fel yn ystod plentyndod, roedd y gorgyffwrdd i\u2019w weld yn rhywbeth \u2018niwroddatblygiadol\u2019.<\/p>\n

A oes gan rieni oedolion rywbeth defnyddiol i\u2019w gyfrannu?<\/h2>\n

I gael diagnosis o ADHD mae angen i\u2019r symptomau ymddangos cyn mae\u2019r unigolyn yn 12 oed.<\/p>\n

Fodd bynnag, mae ein canfyddiadau yn awgrymu nad yw hynny\u2019n wir i bawb ac nad yw pobl bob amser yn cofio\u2019n gywir pryd dechreuodd eu symptomau.<\/p><\/blockquote>\n

Ffactor arall sy\u2019n cymhlethu\u2019r sefyllfa yw bod llawer o ymchwil, gan gynnwys ein hymchwil ni, yn awgrymu bod ADHD wedi ymddangos am y tro cyntaf i rai pobl yn eu harddegau neu fel oedolyn.<\/p>\n

 <\/p>\n

<\/p>\n

Yn ein hastudiaeth roedd hyn yn dal i edrych fel ADHD o ran cysylltiadau \u00e2 geneteg, ond roedd mwy o fenywod (o gymharu ag ADHD a wnaeth ymddangos yn ystod plentyndod hefyd) ac yn \u00f4l pob golwg mae\u2019r gr\u0175p hwn wedi cael ei \u2018warchod\u2019 gan fwy o adnoddau cymdeithasol a theuluol.<\/p>\n

Ar hyn o bryd, mae gwyddonwyr yn ansicr beth yw\u2019r ADHD hwn sy\u2019n codi\u2019n ddiweddarach.<\/p>\n

Beth am anawsterau o ran iechyd meddwl ac addysg?<\/h2>\n

Gwelsom fod cysylltiad rhwng ADHD yn ystod plentyndod ac iselder yn ddiweddarach mewn oes, a bod hyn yn \u00f4l pob golwg yn dechrau\u2019n gynnar ac yn parhau neu\u2019n codi eto.<\/p>\n

Gan ddefnyddio geneteg, awgrymodd ein hastudiaeth hefyd mai ADHD oedd yn achosi iselder mewn rhai pobl yn ddiweddarach yn eu hoes. Mae hyn yn golygu y gallai rhai pobl ag iselder fod ag ADHD heb fod yn ymwybodol ohono.<\/p>\n

A beth am iechyd corfforol?<\/h2>\n

Yn olaf, mae diddordeb cynyddol mewn cysylltiadau rhwng ADHD ac iechyd corfforol.<\/p>\n

Gan ddefnyddio geneteg, gwelsom fod posibilrwydd bod ADHD yn achosi gordewdra yn ystod plentyndod a chlefyd y rhydwel\u00efau coronaidd.<\/p>\n

Mae hyn yn dangos pa mor bwysig yw meddwl am iechyd corfforol a meddyliol mewn pobl sydd ag ADHD yn ystod plentyndod, yn eu harddegau, ac fel oedolyn.<\/p>\n

Y t\u00eem ymchwil:<\/strong><\/p>\n

Anita Thapar, Evie Stergiakouli, Lucy Riglin, Kate Tilling, Beate Lepert,\u00a0 Kate Langley, Sharifah Agha, Ajay Thapar, Stephan Collishaw, \u00a0George Davey Smith.<\/p>\n

Cyfeirnodau<\/h2>\n