• Roedd Dr Tim Bradshaw yn bresennol ar gyfer rhan gyntaf y cyfarfod. Nododd ei fod yn awyddus i sicrhau bod y Grŵp Russell yn cynrychioli’r safbwynt Cymreig.  Mae materion cyfredol eraill ar gyfer Grŵp Russell yn cynnwys yr adolygiad cyllid ôl-18 yn Lloegr, Brexit, UKRI a materion llywodraethu.
• Nodwyd bod y Llys wedi cael croesawiad da yn ogystal â’r arddangosfa a ddilynodd.
• Derbyniodd y Bwrdd bapur yn nodi grŵp meincnodi ar gyfer Caerdydd ac esbonio’r broses a’r metrigau a ddefnyddir wrth ei ddatblygu; mae’r Cyngor wedi mynegi diddordeb neilltuol yn y fath grŵp. Cytunwyd, gyda rhai addasiadau, y dylid gweithio drwy’r metrigau gyda grŵp cymharol a’u dwyn gerbron y Grŵp Perfformiad Academaidd cyn eu dychwelyd at y Bwrdd.

Cafodd y Bwrdd yr adroddiadau rheolaidd canlynol:

• Adroddiad misol y Dirprwy Is-Ganghellor
• Adroddiad misol y Dirprwy Is-Ganghellor Profiad Myfyrwyr a Safonau Academaidd
• Adroddiad misol Dirprwy Is-Ganghellor Coleg y Celfyddydau, y Dyniaethau a’r Gwyddorau Cymdeithasol
• Adroddiad misol prosiectau Ystadau
• Diweddariad ar yr amgylchedd allanol