{"id":475,"date":"2026-02-20T18:09:24","date_gmt":"2026-02-20T18:09:24","guid":{"rendered":"https:\/\/blogs.cardiff.ac.uk\/the-cardiff-researcher\/?p=475"},"modified":"2026-02-20T18:10:36","modified_gmt":"2026-02-20T18:10:36","slug":"475-2","status":"publish","type":"post","link":"https:\/\/blogs.cardiff.ac.uk\/the-cardiff-researcher\/cy\/475-2\/","title":{"rendered":"O Ignite i PlaceNET: Creu Mannau ar gyfer Cydweithio"},"content":{"rendered":"

 <\/p>\n

Ysgrifennwyd Gan Dr Veronica Albarran Carrillo<\/a><\/h3>\n

Creu Cysylltiadau ar draws yr Amgylchedd Adeiledig<\/h1>\n

Ymunais i \u00e2 Phrifysgol Caerdydd ym mis Chwefror 2024 yn Gydymaith Ymchwil ar y prosiect Trawsnewid Cartrefi<\/a>, sef prosiect wedi\u2019i ariannu gan AHRC sy\u2019n ystyried sut i gyd-ddylunio cartrefi a gafodd eu hadeiladu rhwng y ddau ryfel byd a\u2019u gwneud nhw\u2019n addas i genedlaethau\u2019r dyfodol. Bydd deiliad y swydd yn gweithio yn Ysgol Pensaern\u00efaeth Cymru, yn Adeilad Bute. Drws nesaf i\u2019r adeilad yn Adeilad Morgannwg, mae Dr Kate O\u2019Sullivan<\/a> yn gweithio yn Gydymaith Ymchwil yn Ysgol Daearyddiaeth a Chynllunio ar y prosiect BuildZero<\/a> sydd wedi\u2019i ariannu gan EPSRC. Mae\u2019n ymchwilio\u2019r llwybrau i drawsnewid adeiladau\u2019r DU heb echdynnu deunyddiau, heb gynhyrchu carbon a heb gynhyrchu gwastraff.<\/p>\n

Er bod ein prosiectau\u2019n croestorri mewn sawl ffordd ac ein bod yn gweithio mewn adeiladau cyfagos, nid oedden ni wedi cwrdd tan i ni\u2019n dau ymuno \u00e2 Cynnau | Ignite<\/a>, sef rhaglen arweinyddiaeth wedi\u2019i hariannu gan Ymddiriedolaeth Wellcome a\u2019i chynnal yn ystod blwyddyn academaidd 2024-2025. Roedd y rhaglen yn canolbwyntio ar rymuso staff i gyfrannu at ddiwylliant ymchwil cadarnhaol, gan drin a thrafod beth mae\u2019n ei olygu yng nghyd-destun ein gwaith bob dydd ac o fewn yr amgylchedd ymchwil ehangach.<\/p>\n

I lawer o bobl, y rhaglen Cynnau oedd y cyfle cyntaf i ni gwrdd \u00e2 chydweithwyr o ysgolion eraill. Yn ystod sesiynau\u2019r prosiect, cafodd Kate a finnau\u2019r cyfle i gwrdd \u00e2 nifer o ymchwiliwr eraill ym Mhrifysgol Caerdydd sy\u2019n gweithio ar yr amgylchedd adeiledig \u2013 o efeilliaid digidol yn yr Ysgol Peirianneg, i dechnolegau sy\u2019n cefnogi ymarfer corff yn y cartref yn yr Ysgol Cyfrifiadureg, i weithio gyda phlant i asesu ansawdd aer yn yr Ysgol Daearyddiaeth a Chynllunio, a mwy.<\/p>\n

Thema a godwyd dro ar \u00f4l tro yn ein trafodaethau oedd cyfleoedd cyfyngedig i ymchwilwyr ar ddechrau eu gyrfa a staff ar gontractau cyfnod penodol i gysylltu, rhannu eu gwaith, a datblygu rhwydweithiau. Gyda phrosiectau ag amserlenni byr ac amcanion uchelgeisiol, mae\u2019n gallu bod yn anodd datblygu perthnasau yn ein hysgolion ein hunain, heb s\u00f4n am y Brifysgol ehangach.<\/p>\n

O\u2019r syniad i\u2019r fenter: PlaceNET<\/h2>\n
\"\"<\/figure>\n

Pan gododd y cyfle i wneud cais am grant bach drwy\u2019r rhaglen Cynnau, ac o ystyried ein cefndiroedd tebyg, penderfynodd Kate a finnau i gyflwyno cynnig ar y cyd am brosiect sy\u2019n ei gwneud hi\u2019n bosibl i gydweithio a grymuso ymchwilwyr tebyg i ni. Datblygodd y syniad cychwynnol i fod yn PlaceNET \u2013 sef menter o dan arweiniad ymchwilwyr ym Mhrifysgol Caerdydd sy\u2019n galluogi staff ymchwil sy\u2019n gweithio ar ddatblygu\u2019r amgylchedd adeiledig mewn modd cynaliadwy o bob disgyblaeth i ddod at ei gilydd. Dyma gyfle gwych i roi egwyddorion Cynnau ar waith yn syth ar \u00f4l cwblhau\u2019r rhaglen, ac ar yr un pryd mynd i\u2019r afael \u00e2 her oedd yn teimlo\u2019n bersonol ac a oedd yn berthnasol i lawer o\u2019n cyfoedion.<\/p>\n

O bensaern\u00efaeth i ddaearyddiaeth a chynllunio, peirianneg, y gyfraith, seicoleg, a gwleidyddiaeth, mae PlaceNET yn ceisio meithrin cysylltiadau trawsddisgyblaethol, rhannu syniadau, ac ysgogi cyfleoedd ymchwil newydd.<\/p>\n

Drwy gynnal gweithdai wyneb yn wyneb amser cinio rhwng mis Mai a mis Hydref, nod y rhwydwaith oedd i:<\/p>\n