{"id":166,"date":"2025-07-23T12:48:38","date_gmt":"2025-07-23T11:48:38","guid":{"rendered":"https:\/\/blogs.cardiff.ac.uk\/the-cardiff-researcher\/?p=166"},"modified":"2026-03-05T14:07:54","modified_gmt":"2026-03-05T14:07:54","slug":"llenwir-bylchau-mynd-ir-afael-ach-anghenion-datblygu","status":"publish","type":"post","link":"https:\/\/blogs.cardiff.ac.uk\/the-cardiff-researcher\/cy\/llenwir-bylchau-mynd-ir-afael-ach-anghenion-datblygu\/","title":{"rendered":"Llenwi\u2019r Bylchau! \u2013 Mynd i’r afael \u00e2’ch anghenion datblygu"},"content":{"rendered":"

Wrth ichi gynllunio eich gyrfa academaidd lwyddiannus, ddylech chi byth ddiystyru defnyddioldeb deall yr hyn nad ydych chi\u2019n ei wybod, neu’r hyn na allwch chi ei wneud hyd yn hyn!<\/strong><\/p>\n

Mewn blog blaenorol (Rheoli eich Gyrfa Ymchwil<\/a>), buon ni\u2019n trafod sut y gall fframweithiau rheoli gyrfa, megis GROW, eich cynorthwyo i gymharu\u2019r wybodaeth a\u2019r sgiliau y bydd eu hangen arnoch er mwyn cyflawni NODAU gyrfaol yn y dyfodol \u00e2\u2019r rheini sydd gennych ar hyn o bryd yn eich REALITI presennol, a thrwy hynny eich helpu i wybod a oes bylchau yno. Bydd y gweithgarwch hwn, sef ‘Dadansoddiad o\u2019r Anghenion Hyfforddi’ (DAH) neu ‘Ddadansoddiad Anghenion Datblygu’ (DAD), yn eich galluogi i adnabod eich OPSIYNAU datblygu er mwyn llenwi’r bylchau hynny a DATBLYGU eich gyrfa.<\/p>\n

A chithau\u2019n ymchwilydd yng Nghaerdydd sy\u2019n edrych ymlaen at yrfa academaidd, dylech chi fod yn ymwybodol o\u2019r disgwyliadau yn eich r\u00f4l bresennol a\u2019r rolau rydych chi\u2019n anelu atynt yn y dyfodol yn y cyd-destun academaidd a amlinellir yn Nisgwyliadau Perfformiad Academydd Caerdydd<\/a>. Gall y disgwyliadau hyn, ynghyd \u00e2 meini prawf Cynllun Dyrchafiadau Academaidd<\/a> y Brifysgol, gefnogi eich datblygiad gyrfaol drwy roi syniad clir ichi o\u2019r lefel y dylech chi fod arni ar hyd pob cam o\u2019r ysgol yrfaol academaidd a\u2019r gweithgareddau sy\u2019n gymesur \u00e2 phob un o’r rolau hynny. Bydd cael yr wybodaeth hon yn eich helpu i osod y nodau y bydd eu hangen arnoch chi er mwyn naill ai gweithio tuag at ddatblygu eich r\u00f4l bresennol i fanteisio ar eich perfformiad, neu baratoi ar gyfer eich r\u00f4l nesaf drwy ehangu eich profiad a\u2019ch enw da, gan sicrhau y gallwch gyrraedd pob un o\u2019r meincnodau angenrheidiol o ran cymwyseddau pan ddaw’r amser.<\/p>\n

Sut i lenwi bylchau<\/h2>\n

Felly, beth wnewch chi os bydd eich DAH\/DAD yn datgelu bylchau yn eich gwybodaeth a’ch set sgiliau? Yn gyntaf, peidiwch \u00e2 mynd i banig! Mae\u2019n digwydd i bawb! Cofiwch ei fod yn gynnar o hyd yn eich gyrfa a does neb yn disgwyl ichi wybod popeth. Fodd bynnag, dylech chi fod yn rhagweithiol wrth fynd i’r afael a\u2019r bylchau rydych chi wedi dod o hyd iddyn nhw, yn enwedig y rheini sy’n bwysig ichi yn eich swydd bresennol. Gallwch chi wneud hyn yn effeithiol yn sgil Datblygiad Proffesiynol Parhaus<\/a>, neu DPP.<\/p>\n

Diben y DPP yw cynnal a datblygu’r wybodaeth a’r sgiliau sydd eu hangen i berfformio mewn cyd-destun proffesiynol, a hynny mewn ffordd fwriadol. Hwyrach y bydd hyn yn golygu meithrin yr wybodaeth a\u2019r sgiliau sydd gennych chi eisoes er mwyn gwella\u2019ch perfformiad, datblygu eich gwybodaeth a\u2019ch sgiliau cyfredol er mwyn eich helpu i baratoi ar gyfer r\u00f4l ehangach neu ddyrchafiad posibl, neu gael gwybodaeth a sgiliau cwbl newydd at ddibenion newid r\u00f4l (boed hynny yn y byd academaidd neu mewn sector gwahanol yn gyfan gwbl).<\/p>\n

Dylai’r DPP fod yn strategol yn hytrach nag yn un ad hoc. Peth rhwydd iawn yw cofrestru ar gyfer rhywbeth, yn enwedig os ydych chi wedi bod yn y swydd ers amser maith a’ch bod o\u2019r farn eich bod eisoes wedi gwneud popeth perthnasol sydd ar gael (ac os yw hynny’n wir yn eich achos chi, yn y blog nesaf byddwn ni\u2019n edrych ar ystyr ‘datblygiad’ go iawn fel y gallwch chi fod yn fwy creadigol o ran yr hyn rydych chi\u2019n ei wneud). Fel y soniwyd mewn blog blaenorol, anelwch at weithgaredd \u00e2 phwrpas<\/strong> o ran y DPP. Dyw hynny ddim yn golygu na allwch chi ymateb i anghenion sydyn, cyfleoedd neu chwilfrydedd, ond gwnewch yn si\u0175r eich bod yn blaenoriaethu amser ar gyfer y pethau hollbwysig os yw eich adnoddau’n rhai cyfyngedig.<\/p>\n

Bydd ceisio cyngor ac adborth gan ffynonellau dibynadwy, fel eich rheolwr llinell neu eich mentor, yn eich helpu i ddechrau ar eich DPP a\/neu eich cadw ar y trywydd iawn. Bydd y rhain yn sicrhau bod eich asesiad o’ch gwybodaeth a’ch sgiliau yn fanwl gywir, bod eich dyheadau yn rhai realistig ac yn gyraeddadwy, a’ch bod yn parhau i ganolbwyntio ar eich nod. Ac wrth gwrs, cewch hefyd ofyn am arweiniad gan y t\u00eem Datblygu Ymchwilwyr am y cyfleoedd datblygu sydd ar gael ichi, felly cysylltwch \u00e2 ni os bydd angen!<\/p>\n

Cynllunio eich DPP<\/h2>\n

Dylai eich DPP fod yn hunangyfeiriedig yn bennaf, a dylai cynllun eich DPP fod yn bwrpasol ac yn benodol i chi a’ch sefyllfa. Wrth gynllunio eich DPP, gwnewch yn si\u0175r eich bod yn cynnwys mecanwaith adolygu fel y gallwch chi olrhain eich cynnydd ar hyd eich cynllun a sicrhau ei fod yn berthnasol ac yn addas i’r diben o hyd o ran eich anghenion cyfnewidiol. Felly mae\u2019n bwysig eich bod bob amser yn cynnwys digon o amser i fyfyrio ar \u00f4l gwneud eich DPP (Beth ddysgoch chi? Sut gallwch chi ei ddefnyddio\u2019n ehangach? A yw wedi dangos unrhyw fylchau eraill?), a chadwch gofnod ysgrifenedig o’r holl gamau yn y DPP yn ogystal \u00e2’r dysgu sy\u2019n digwydd ynddo. Mae’n syndod pa mor gyflym y gallwn ni golli golwg ar yr hyn rydyn ni wedi’i wneud!<\/p>\n

Mae gan Brifysgol Caerdydd nifer o adnoddau a fframweithiau i helpu i gynllunio eich DPP, yn ogystal \u00e2 chyfoeth o adnoddau allanol sydd ar gael ichi.<\/p>\n

Adnoddau a fframweithiau mewnol i’ch helpu i gynllunio’ch DPP<\/h4>\n