Heddiw yw Diwrnod Iechyd Meddwl Prifysgolion, ac mae llawer o them\u00e2u hanfodol yngl\u0177n \u00e2 lles myfyrwyr y dylwn eu trafod ar y diwrnod hwn.<\/p>\n
Gall myfyrwyr wynebu amrywiaeth enfawr o wahanol ffactorau cymdeithasol, academaidd a diwylliannol sy’n achosi straen yn ystod eu cyfnod yn y Brifysgol. Yn aml, gall hyn arwain at anawsterau iechyd meddwl, ond weithiau mae’r rhain eisoes yn bodoli.<\/p>\n
Gall iechyd meddwl gwael ymyrryd \u00e2 phob rhan o fywyd.<\/p>\n
Effeithiau Academaidd<\/strong><\/p>\n Mae myfyrwyr wedi s\u00f4n am lu o broblemau academaidd o ganlyniad i iechyd meddwl gwael.<\/p>\n Canfuwyd fod y prif ffactorau sy’n cael effaith negyddol ar berfformiad academaidd myfyrwyr yn ymwneud ag iechyd meddwl, gan gynnwys: straen, cwsg, pryderu am ffrind neu aelod o’u teulu sydd mewn trafferth, ac iselder neu orbryder.<\/p>\n Mae data arall hefyd yn dangos pa mor negyddol yw’r effaith y mae iechyd meddwl gwael yn ei chael ar lwyddiant academaidd. Er enghraifft, mae myfyrwyr gyda phroblemau iechyd meddwl fel gorbryder neu iselder yn dueddol o gael graddau is, ac yn fwy tebygol na’u cyfoedion (y rhai nad oes ganddynt y problemau hyn) o adael y Brifysgol cyn cwblhau eu hastudiaethau.<\/p>\n Effeithiau Cymdeithasol, Emosiynol a Chorfforol<\/strong><\/p>\n Gall myfyrwyr ag iechyd meddwl gwael wynebu problemau o ran ymaddasu i fywyd yn y Brifysgol yn eu blwyddyn gyntaf ac ar \u00f4l hynny. Gall bod i ffwrdd o gartref a gwneud penderfyniadau am y tro cyntaf wneud i rai myfyrwyr deimlo cymaint o straen nad ydynt yn gallu ymdopi. Gall y teimlad o unigedd sy’n aml yn cyd-fynd \u00e2 phroblemau iechyd meddwl fel iselder arwain at broblemau rhyngbersonol sy’n ei gwneud hi’n anodd i rai pobl gael perthynas \u00e2 phobl eraill. Gall yr anawsterau hyn o ran ymaddasu fod yn arbennig o amlwg ymhlith myfyrwyr newydd sydd eisoes wedi cael diagnosis o salwch meddwl.<\/p>\n Gall problemau iechyd meddwl atal myfyrwyr rhag manteisio i’r eithaf ar eu profiad yn y Brifysgol. Yn aml, maent yn rhwystro myfyrwyr rhag bod yn weithgar, ymroddedig a chynhyrchiol yn eu darlithoedd, seminarau, dosbarthiadau a chymuned ehangach y campws, ac mae ansawdd bywyd myfyrwyr ag iechyd meddwl gwael yn fwy tebygol o ddioddef o ganlyniad i hynny.<\/p>\n Gall myfyrwyr \u00e2 phroblemau iechyd meddwl hefyd wynebu problemau o ran eu hiechyd corfforol. Mewn llawer o achosion, mae problemau iechyd meddwl yn gysylltiedig ag anawsterau o ran cysgu, sy’n ei gwneud yn anodd i fyfyrwyr ganolbwyntio a chadw’n effro. Mae ymchwilwyr hefyd wedi canfod bod cyflyrau emosiynol negyddol, fel digalondid neu straen, yn gallu lleihau gallu’r corff i frwydro yn erbyn afiechyd. O ganlyniad, gall myfyrwyr ag iechyd meddwl gwael fod yn s\u00e2l yn fwy aml.<\/p>\n Canlyniad mwyaf difrifol iechyd meddwl, efallai, yw pan mae myfyriwr yn mynd mor bell \u00e2 cheisio lladd ei hun neu lwyddo i wneud hynny. Gall hunanladdiad, sy’n cael ei ystyried yr achos mwyaf cyffredin namyn un o farwolaeth ymhlith pobl ifanc, fod yn un o ganlyniadau trist problemau iechyd meddwl anhysbys neu ddiffyg cefnogaeth yn hynny o beth. Mae’r trasiedi o hunanladdiadau ymhlith myfyrwyr yn dangos pa mor hanfodol yw cynnal trafodaethau yngl\u0177n \u00e2 hunanofal, datblygu gwydnwch myfyrwyr, ac addysgu cymunedau cyfan am hunanladdiad. Gall ymwybyddiaeth o iechyd meddwl achub bywydau, a gall cymorth amserol fod yn hynod fuddiol ar adegau anodd.<\/p>\n Mae’r T\u00eem Cwnsela, Iechyd a Lles yn cydnabod yr angen am ragor o addysg a hyfforddiant yngl\u0177n ag ymwybyddiaeth o hunanladdiad. Ar 22 Chwefror, daeth Living Works (un o sefydliadau mwyaf blaenllaw’r byd ar gyfer Atal ac Ymyrryd mewn Hunanladdiadau) i Gaerdydd i gynnal gweithdy hyfforddiant Ymwybyddiaeth o Hunanladdiad, o’r enw SafeTALK<\/strong>, sy’n paratoi unrhyw un, boed yn rhywun sydd wedi cael hyfforddiant blaenorol ai peidio, i ddod yn ymwybodol o hunanladdiad. Mae’r gweithdy’n addysgu pobl sut i adnabod rhywun sy’n cael meddyliau hunanladdol, ynghyd \u00e2 beth i’w wneud i’w helpu, drwy ddilyn 4 cam syml.<\/p>\n Roedd gr\u0175p o 35 o gynrychiolwyr myfyrwyr a staff, o amrywiaeth o wahanol grwpiau ac adrannau myfyrwyr, yn bresennol yn y gweithdy. Roedd y myfyrwyr yn cynnwys: Hyrwyddwyr Lles ac aelodau o’r Gweithgor Myfyrwyr Amser i Newid (myfyrwyr sy’n gwirfoddoli), gwirfoddolwyr o Linell Nos y Myfyrwyr, a Myfyrwyr \u00d4l-raddedig sy’n Cefnogi Cyfoedion. Roedd yr aelodau staff yn cynnwys: Rheolwyr Preswylfeydd, staff Diogelwch ac o’r gwasanaeth Cefnogi a Lles Myfyrwyr, chynrychiolwyr: y T\u00eem Cyngor ac Arian, y T\u00eem Anabledd a Dyslecsia, a’r T\u00eem Cefnogi Myfyrwyr Rhyngwladol.<\/p>\n SafeTALK<\/strong><\/p>\n Roedd hyfforddiant SafeTALK yn canolbwyntio ar addysgu pobl sut i osgoi: Colli, Anwybyddu neu Osgoi arwyddion bod person arall yn meddwl am ladd ei hun.<\/p>\n Myth cyffredin yw bod pawb sy’n lladd ei hun yn dymuno marw. Ond nid yw’r rhan fwyaf o bobl sy’n cael teimladau hunanladdol yn dymuno dod \u00e2’u bywyd i ben, yn hytrach, maen nhw’n wynebu poen o ryw fath yn eu bywydau sy’n eu harwain at ladd eu hun. Yn aml, mae eu hymddygiad yn fodd o ofyn am gymorth.<\/p>\n Mae Gweithdy SafeTALK yn addysgu’r rhai sy’n bresennol i adnabod pan mae rhywun yn gofyn am gymorth, a sut i weithredu. Mae camau ‘TALK’ \u2013 ‘Dweud’ (Tell<\/em>), ‘Gofyn’ (Ask<\/em>), ‘Gwrando’ (Listen<\/em>) a ‘Chadw’n Ddiogel’ (Keep-safe<\/em>) \u2013 yn fodd o gynnig cymorth ar unwaith i rywun sy’n ystyried lladd ei hun, ac yn helpu’r naill berson a’r llall i gysylltu \u00e2 chymorth arbenigol.<\/p>\n Yn y sesiwn, rhoddwyd awgrymiadau yngl\u0177n \u00e2 sut i oresgyn y rhwystrau o ran trafod hunanladdiad drwy ymarfer sefyllfaoedd ffug a meddwl am resymau pam rydym efallai’n colli, anwybyddu neu’n osgoi arwyddion bod rhywun yn meddwl am ladd ei hun, a hynny heb fwriadu gwneud hynny.<\/p>\n Rhagor i’w wneud…<\/strong><\/p>\n Mae llawer o waith i’w wneud o hyd ynghylch y stigma sy’n bodoli yngl\u0177n \u00e2 thrafod problemau iechyd meddwl a theimladau hunanladdol yn agored, ac er mwyn galluogi pob un ohonom i fod yn ymwybodol o hunanladdiad, i deimlo’n hyderus y gallwn adnabod arwyddion bod rhywun efallai’n ystyried lladd ei hun, ac i fod yn ddigon hyderus i’w helpu.<\/p>\n Y gobaith yw y bydd rhagor o sesiynau hyfforddiant SafeTALK yn cael eu cyflwyno ar draws y Brifysgol, ac os oes gennych ddiddordeb mewn mynd i Weithdy SafeTALK anfonwch ebost at Jo Pinder (Ymarferydd Lles a Chwnselydd) i ddangos bod gennych ddiddordeb:<\/p>\n Wellbeingchampion@caerdydd.ac.uk<\/a><\/p>\n Cael cymorth<\/strong><\/p>\n Cwnsela, Iechyd a Lles<\/strong><\/p>\n Os ydych chi\u2019n profi unrhyw fath o drallod emosiynol, peidiwch \u00e2 phetruso cysylltu \u00e2 ni.\u00a0 Gall y Gwasanaeth Cwnsela, Iechyd a Lles gynnig cefnogaeth i unrhyw un sy’n cael unrhyw fath o anhawster, pa mor fawr neu beth bynnag ydyw.<\/p>\n Rydym yn cynnig apwyntiadau drwy ein holiadur atgyfeirio ar-lein<\/a>, ac yna gall ein staff cyfeillgar ac agored gynnig cymorth anfeirniadol mewn man diogel a chyfrinachol. Rydym hefyd yn cynnig Gwasanaeth Lles Galw Heibio<\/a> dyddiol (3pm-3.45pm: ddydd Llun \u2013 dydd Gwener a phob bore dydd Mercher: 9.30am\u201310.15am yn y Ganolfan Cefnogi Myfyrwyr yn 50 Plas y Parc; a phob prynhawn ddydd Mercher 3pm\u20133.45pm yn Nh\u0177 Aberteifi, Campws Parc y Mynydd Bychan).<\/p>\n Os ydych chi’n poeni bod gennych symptomau corfforol a allai fod yn effeithio ar eich iechyd, argymhellwn yn gryf y dylech drefnu apwyntiad gyda’ch meddyg teulu i drafod hyn. Os nad oes gennych feddyg teulu yn barod, cysylltwch \u00e2 GIG Cymru ar 0845 46 47 neu ewch i’w gwefan<\/a> i weld eich holl opsiynau o ran meddygon teulu. Mae gan y Brifysgol ei meddygfa ei hun hefyd \u2013 Meddygfa Plas y Parc<\/a> i’r rhai sy’n byw o fewn eu dalgylch.<\/p>\n
\nCreu Cymuned fwy Diogel rhag Hunanladdiad<\/strong><\/p>\n