Ym Medicentre Caerdydd, rydyn ni\u2019n falch o gefnogi ein tenantiaid sydd ar flaen y gad o ran arloesi meddygol. Mae un o\u2019r tenantiaid yma, CEDAR, yn cydweithio \u00e2 Ceryx Medical a Bwrdd Iechyd Prifysgol Caerdydd a’r Fro ar dreial clinigol arloesol sydd \u00e2’r potensial i chwyldroi triniaeth methiant y galon.<\/p>\n
Y treial yma, a elwir yn RSA-PACE, yw\u2019r tro cyntaf i fodau dynol ddefnyddio dyfais Cysoni newydd Ceryx Medical. Mae\u2019r ddyfais hon wedi’i chynllunio i efelychu’r amrywiad naturiol yng nghyfradd y galon sy’n gysylltiedig \u00e2 phatrymau anadlu, a elwir yn arrhythmia sinws resbiradol (RSA). Drwy efelychu’r newidiadau rhythm naturiol hyn, gallai’r dechnoleg rheoli cyflymder newydd hon fod o fudd sylweddol i unigolion \u00e2 methiant y galon. Bydd y treial yn asesu a oes modd defnyddio dyfais Cysoni i efelychu newidiadau naturiol y galon er mwyn gwella swyddogaeth y galon a deilliannau i gleifion.<\/p>\n
Mae CEDAR – canolfan ymchwil ar y cyd rhwng y GIG a Phrifysgol Caerdydd – yn darparu cefnogaeth reolaidd i ddylunio a rheoli treial RSA-PACE er mwyn sicrhau bod y safonau cywir ar gyfer dyfeisiau meddygol rheoleiddiol yn cael eu bodloni. Gan baratoi’r ffordd ar gyfer camau nesaf posibl, mae eu gwaith yn allweddol i sicrhau bod yr astudiaeth yn cael ei chynnal mewn modd cadarn ac ystyrlon.<\/p>\n
Mae’r cydweithrediad hwn yn enghraifft o’r gwaith arloesol y mae CEDAR yn ei wneud a’r ffyrdd y mae ein tenantiaid yng nghymuned Medicentre yn cyfrannu at ddatblygiadau ym maes gofal iechyd sydd \u00e2’r potensial i gael effaith fyd-eang.<\/p>\n