Cymru’n Ymgysylltu ag Iechyd Digidol: Rhwydwaith Arloesedd Prifysgol Caerdydd yn Sbarduno Arloesi ym Medicentre Caerdydd

Roedd Medicentre Caerdydd yn falch o gynnal digwyddiad Iechyd Digidol yng Nghymru 2025 fis Mai diwethaf, gan ddod ag arweinwyr o bob cwr o’r byd academaidd a’r diwydiant gofal iechyd ynghyd i drin a thrafod grym trawsnewidiol technolegau digidol wrth wella iechyd a lles ledled yng Nghymru a thu hwnt.

Wedi’i drefnu mewn cydweithrediad â Rhwydwaith Arloesedd Prifysgol Caerdydd a’r Sefydliad Arloesi er Trawsnewid Digidol, roedd y digwyddiad yn ganolbwynt ar gyfer rhannu gwybodaeth, cydweithio, ac arddangos enghreifftiau go iawn o arloesi digidol ar waith.

Roedd y diwrnod yn llawn cyflwyniadau difyr, trafodaethau panel deinamig, a chyfleoedd rhwydweithio bywiog. Roedd y rhestr ragorol o siaradwyr yn cynnwys aelodau o Ganolfan Ragoriaeth Menter Ymchwil Busnesau Bach, Iechyd a Gofal Digidol Cymru, a Bwrdd Iechyd Prifysgol Caerdydd a’r Fro, ymhlith eraill.

Roedd pynciau’r diwrnod yn cynnwys sut y gall apiau a dyfeisiau y gellir eu gwisgo rymuso cleifion, sut y gellir defnyddio data i ymateb i bendemig, a sut mae deallusrwydd artiffisial a diagnosteg ddigidol yn newid y ffordd y mae gofal iechyd yn cael ei ddarparu mewn ysbytai a lleoliadau cymunedol.

Drwy gydol y digwyddiad, daeth un neges glir i’r amlwg: Mae Cymru’n croesawu trawsnewid digidol, ac yn ei ddefnyddio’n weithredol i lunio dyfodol gofal iechyd. Fel canolfan ar gyfer arloesi a chydweithio, roedd Medicentre Caerdydd yn falch o gynnal digwyddiad mor ystyrlon. Rydyn ni’n edrych ymlaen at barhau i gefnogi taith iechyd digidol Cymru ac at groesawu digwyddiadau yn y dyfodol sy’n dod â meddyliau disglair, syniadau beiddgar a thechnolegau sy’n gwella bywydau ynghyd.