{"id":13634,"date":"2021-06-17T09:49:01","date_gmt":"2021-06-17T09:49:01","guid":{"rendered":"http:\/\/blogs.cardiff.ac.uk\/insiders\/2021\/06\/17\/myfyrio-ar-ol-blwyddyn-yn-cwblhau-gradd-ymsang\/"},"modified":"2021-06-17T10:53:42","modified_gmt":"2021-06-17T10:53:42","slug":"myfyrio-ar-ol-blwyddyn-yn-cwblhau-gradd-ymsang","status":"publish","type":"post","link":"https:\/\/blogs.cardiff.ac.uk\/insiders\/myfyrio-ar-ol-blwyddyn-yn-cwblhau-gradd-ymsang\/","title":{"rendered":"Myfyrio ar \u00f4l Blwyddyn yn Cwblhau Gradd Ymsang"},"content":{"rendered":"\n

Bydd y rhai ohonoch sydd wedi darllen fy mlogiau eraill yn gwybod fy mod wedi treulio’r flwyddyn academaidd 2020\/21 yn cwblhau gradd ymsang mewn Ffarmacoleg. Gradd ychwanegol yw gradd ymsang, fel arfer gradd Baglor mewn Gwyddoniaeth, sy’n cael ei chwblhau rhwng blynyddoedd 3 a 4 neu blynyddoedd 4 a 5 o’r cwrs Meddygaeth yng Nghaerdydd. Tydw i heb ysgrifennu blog yn yr wythnosau diwethaf oherwydd fy mod wedi bod yn cwblhau’r arholiadau diwethaf a’r prosiect ar gyfer y radd ymsang. Yn y blog yma, rwyf yn gobeithio amlinellu’r rhesymau dros pam wnes i ddewis gwneud gradd ymsang, yr opsiynau a’r cyfleoedd sydd ar gael i wneud gradd ymsang yng Nghaerdydd ac am y profiad ges i. <\/p>\n\n\n\n

Gall myfyrwyr Meddygaeth Caerdydd wneud graddau ymsang o fewn yr ysgol feddygol, yn yr ysgol biowyddorau, ym Mhrifysgol Bangor neu unrhyw brifysgol yn y Dderynas Unedig sy’n cynnig graddau ymsang i ymgeiswyr allanol (noder mai dim ond nifer cyfyngedig o lefydd sydd ar gael i wneud gradd ymsang mewn sefydliad arall). Mae’r opsiynau ar gyfer Caerdydd a Bangor i’w gweld yn y tabl isod. Er mwyn gweld cyrsiau sydd ar gael mewn prifysgolion eraill, mae yna restr da ar www.intercalate.co.uk<\/a>. Mae un o fy ffrindiau wedi treulio’r flwyddyn diwethaf yn asutio Dylunio, Technoleg ac Arloesi Llawfeddygol yng Ngholeg Imperialaidd Llundain, er enghraifft. <\/p>\n\n\n\n

Ysgol Feddygol Caerdydd<\/td>Ffarmacoleg
Patholeg Cellol a Moleciwlaidd
Seicoleg a Meddygaeth
Meddygaeth Brys
Meddygaeth Poblogaeth
Addysg Feddygol
Meddygaeth Genomig<\/td><\/tr>
Ysgol Biowyddorau Caerdydd<\/td>Ffisioleg
Biogemeg
Anatomi
Niwrowyddoniaeth<\/td><\/tr>
Prifysgol Bangor<\/td>Gwyddoniaeth Chwaraeon
Gwyddoniaeth Chwaraeon Clinigol
Niwroseicoleg<\/td><\/tr><\/tbody><\/table><\/figure>\n\n\n\n
\"\"
Prif Adeilad, Prifysgol Bangor<\/figcaption><\/figure>\n\n\n\n

Mae yna nifer o fanteision o gwblhau gradd ymsang. Mae’n gyfle i dreulio blwyddyn mewn maes penodol yn gwella eich dealltwriaeth o wyddoniaeth sylfaenol. Mae hyn yn wir yn arbennig oes ganddoch chi ddiddordeb mewn un o’r meysydd uchod. Mae gen i ddiddordeb penodol mewn sut mae meddyginiaethau yn gweithio ar y galon ac roeddwn i’n ddigon ffodus i gael gwneud fy mhrosiect gradd ymsang yn edrych ar sut mae cyffur o’r enw flecainide yn cael ei ddefnyddio mewn plant \u00e2 churiadau calon afreolaidd. Yn draddodiadol, roedd myfyrwyr oedd yn cwblhau gradd ymsang yn cael pwyntiau ychwanegol ar gyfer eu cais swydd meddyg sylfaenol. Yn anffodus, bydd hyn wedi newid erbyn byddai yn gwneud fy nghais<\/a>. Mae gradd ymsang hefyd yn gyfle i gael golwg gwell ar agweddau academaidd Meddygaeth a’r ymchwil sydd y tu \u00f4l i’r triniaethau sydd ar gael i gleifion. Credaf fod Meddygaeth yn yrfa ble mae pobl yn tueddu i anghofio am addysg ffurfiol fel graddau meistr a PhD, yn wahanol i nifer o feysydd eraill. Ond mae yna lwyth o gyfleoedd i feddygon graddedig astudio ymhellach mewn meysydd sydd o ddiddordeb iddyn nhw tu allan i’r rhagleni hyfforddi. Mae Prifysgol Caerdydd yn cynnwys graddau meistr mewn imiwnoleg, tocsicoleg a meddygaeth neonatolegol, ymysg eraill. <\/a><\/p>\n\n\n\n

\"\"
Adeilad Cochrane, Prifysgol Caerdydd<\/figcaption><\/figure>\n\n\n\n

Mae’r prosiect yn cyfri am draean o’r radd ymsang, mae’r ddau draean arall yn cynnwys modiwlau gydag asesiadau ar gyfer pob modiwl. Mi wnes i gwblhau saith modiwl ac maent wedi eu rhestru isod. Roedd yna dri modiwl wnes i benderfynu peidio eu gwneud (ddim oherwydd fy mod i ddim eisiau, ond oherwydd fod well gen i y rhai eraill). Y tri modiwl yma oedd Datblygiad Biofarcwyr, Geneteg Moleciwlaidd a Bioleg Celloedd a Bioleg Cancr.<\/p>\n\n\n\n