{"id":13225,"date":"2021-04-28T15:13:31","date_gmt":"2021-04-28T15:13:31","guid":{"rendered":"http:\/\/blogs.cardiff.ac.uk\/insiders\/?p=13225"},"modified":"2021-04-28T15:13:32","modified_gmt":"2021-04-28T15:13:32","slug":"prosiectau-ymchwil","status":"publish","type":"post","link":"https:\/\/blogs.cardiff.ac.uk\/insiders\/prosiectau-ymchwil\/","title":{"rendered":"Prosiectau Ymchwil"},"content":{"rendered":"\n

Fel rhan o radd ymsang, mae disgwyl i ni fel myfyrwyr gwblhau prosiect ymchwil ac mae’r prosiectau hyn yn cyfri am ran mawr o’r radd. Oherwydd y cyfyngiadau yn gysylltiedig \u00e2 COVID-19 sydd wedi bod yn eu lle yn ystod y flwyddyn yma, mae hi wedi bod yn heriol i gynnal y prosiectau ymchwil hyn ond maent yn ran pwysig o’r graddau ymsang ac felly maent wedi cael eu haddasu i barhau gyda’r cyfyngiadau mewn cof er mwyn diogelwch. Yn y blog yma, rwyf yn gobeithio rhoi gwell syniad i chi o beth mae’r elfen prosiect ymchwil o radd ymchwil yn ei gynnwys a sut maent wedi cael eu haddasu y flwyddyn hon er mwyn sicrhau diogelwch ond wrth barhau i roi profiad addysgiadol effeithiol i ni.<\/p>\n\n\n\n

Mae nifer o opsiynau pan mae’n dod i brosiect ymchwil gradd ymsang: o brosiect labordy gwlyb i ddadansoddi data i ysgrifennu adolygiad llenyddiaeth. Roedd fy mhrosiect i yn edrych ar gyffur penodol o’r enw flecainide (gallwch roi enw’r cyffur i mewn i Google os hoffwch ddysgu mwy amdano). Caiff flecainide ei ddefnyddio mewn cleifion sydd \u00e2 churiad calon afreolaidd cyflym ac roedd fy mhrosiect i yn canolbwyntio ar ei ddefnydd mewn plant. Casglu a dadansoddi data oedd prif waith y prosiect, roeddwn i’n casglu data oddi ar gronfa ddata cleifion yr ysbyty plant yng Nghaerdydd ac yna’n ei ddadansoddi adref. Tra roeddwn i yn yr ysbyty, roeddwn i mewn ystafell ar fy mhen fy hun, i ffwrdd oddi wrth ardaloedd clinigol, fel fod y prosiect ddim yn creu risg o ran COVID-19. Oherwydd natur y prosiect, roeddwn i’n ffodus na chafodd y cyfyngiadau lawer o effeith arno. <\/p>\n\n\n\n

\"\"
Llun o unsplash.com<\/figcaption><\/figure>\n\n\n\n

Trefnais i’r prosiect drwy Adran Ymchwil Plant a Phobl Ifanc Bwrdd Iechyd Caerdydd a’r Fro<\/a> a rhoddon nhw fi mewn cysylltiad ag un o’r ymgynghorwyr cardioleg paediatrig yn yr ysbyty plant. Mae hefyd yn bosib cysylltu \u00e2 thiwtor posib o’r brifysgol yn uniongyrchol neu gofyn i un o’r darlithwyr os oes ganddyn nhw gysylltiadau mewn maes sydd o ddiddordeb i chi. <\/p>\n\n\n\n

Yn anffodus, oherwydd y cyfyngiadau, doedd dim posib i’r myfyrwyr oedd wedi trefnu prosiectau ymchwil mewn labordai fynd i’r labordai i gynnal arbrofion a chasglu eu data eu hunain. Er mwyn goresgyn hyn, mi wnaeth yr Ysgol Feddygaeth ofyn bod goruchwylwyr prosiectau yn rhoi set o ddata i’r myfyrwyr iddyn nhw ddadansoddi fel fod ganddynt rhywbeth i drafod yn eu adroddiadau. <\/p>\n\n\n\n

Mae gofyn i’r addroddiadau fod oeddeutu wyth mil o eiriau (gyda’r posibilrwydd iddo fod 10% yn hirach neu’n fyrach) ac maent yn cynnwys cefndir i’r pwnc, eglurhad o beth wnaethon ni yn ystod y prosiect, ein canlyniadau ac ein trafodaeth o’r canlyniadau yn cynnwys unrhyw awgrymiadau ar gyfer newid practis clinigol ac unrhyw waith ymchwil gellir ei wneud yn y dyfodol. Mae’n braf bod ein ymchwil ni yn gallu cael effaith gadarnhaol ar ddatblygiadau mewn meddygaeth ac ar ofal cleifion yn y dyfodol.<\/p>\n\n\n\n

\"\"
Llun o unsplash.com<\/figcaption><\/figure>\n\n\n\n

Yn ogystal a’r adroddiad a chwblhau y prosiect ei hun, mae yna hefyd asesiadau eraill sy’n ymwneud a’r prosiect. Cyn cychwyn y prosiect, roedd rhaid i ni recordio cyflwyniad deg munud o hyd ble roedden ni’n cyflwyno’r cefndir i’r prosiect a’i bwrpas yn ogystal a nodau ac amcanion y prosiect. Ar \u00f4l cwblhau’r gwaith ymarferol a darganfod rhai canlyniadau, roedd gofyn i ni greu poster (fel byddai rhwyun yn ei wneud ar gyfer cynhadledd wyddonol) o rai o’r prif ganlyniadau ac roedd yna sesiwn cwestiwn ac ateb deg munud o h\u0177d yn seiliedig ar y poster hwn yn cael ei gynnal dros Zoom. <\/p>\n\n\n\n

Mi wnes i fwynhau’r prosiect yn fawr gan ei fod yn gyfle i wario cyfnod estynedig yn ymchwilio i waith sy’n bodoli’n barod a chynall ymchwil newydd mewn maes oedd o ddiddordeb mawr i mi. Roedd hefyd yn gyfle i ddod i adnabod y pobl sy’n gweithio yn yr adran yn yr ysbyty yn well sy’n agor drysau ar gyfer prosiectau yn y dyfodol. Mae cwblhau prosiectau ymchwil yn ran pwysig o wneud ceisiadau am swyddi fel meddyg oherwydd mae’n dangos y gallu i ganfod diffygion o fewn practis mewn adran a chynnal gwella ansawdd. <\/p>\n\n\n\n

Gobeithio bod y blog yma wedi rhoi gwell syniad i chi o un rhan pwysig o radd ymsang, sef y prosiect ymchwil a sut mae’r brifysgol wedi gallu addasu rhain y flwyddyn hon. Ychwanegwch sylwad os hoffwch i mi ysgrifennu am unrhyw beth penodol yn y dyfodol. Os oes gennych unrhyw gwestiynau am y cwrs Meddygaeth yng Nghaerdydd neu’r radd ymsang ffarmacoleg, gallwch gysylltu \u00e2 fi ar y platfform Unibuddy<\/a>. <\/p>\n","protected":false},"excerpt":{"rendered":"Fel rhan o radd ymsang, mae disgwyl i ni fel myfyrwyr gwblhau prosiect ymchwil ac mae'r prosiectau hyn yn cyfri am ran mawr o'r radd. Oherwydd y cyfyngiadau yn gysylltiedig […]","protected":false},"author":6799,"featured_media":13230,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[758,740,19],"tags":[1291,1306,1368],"class_list":["post-13225","post","type-post","status-publish","format-standard","has-post-thumbnail","hentry","category-cymraeg","category-opportunities","category-third-year","tag-ffarmacoleg","tag-meddygaeth-2-2","tag-ymchwil"],"meta_box":[],"_links":{"self":[{"href":"https:\/\/blogs.cardiff.ac.uk\/insiders\/wp-json\/wp\/v2\/posts\/13225","targetHints":{"allow":["GET"]}}],"collection":[{"href":"https:\/\/blogs.cardiff.ac.uk\/insiders\/wp-json\/wp\/v2\/posts"}],"about":[{"href":"https:\/\/blogs.cardiff.ac.uk\/insiders\/wp-json\/wp\/v2\/types\/post"}],"author":[{"embeddable":true,"href":"https:\/\/blogs.cardiff.ac.uk\/insiders\/wp-json\/wp\/v2\/users\/6799"}],"replies":[{"embeddable":true,"href":"https:\/\/blogs.cardiff.ac.uk\/insiders\/wp-json\/wp\/v2\/comments?post=13225"}],"version-history":[{"count":10,"href":"https:\/\/blogs.cardiff.ac.uk\/insiders\/wp-json\/wp\/v2\/posts\/13225\/revisions"}],"predecessor-version":[{"id":13239,"href":"https:\/\/blogs.cardiff.ac.uk\/insiders\/wp-json\/wp\/v2\/posts\/13225\/revisions\/13239"}],"wp:featuredmedia":[{"embeddable":true,"href":"https:\/\/blogs.cardiff.ac.uk\/insiders\/wp-json\/wp\/v2\/media\/13230"}],"wp:attachment":[{"href":"https:\/\/blogs.cardiff.ac.uk\/insiders\/wp-json\/wp\/v2\/media?parent=13225"}],"wp:term":[{"taxonomy":"category","embeddable":true,"href":"https:\/\/blogs.cardiff.ac.uk\/insiders\/wp-json\/wp\/v2\/categories?post=13225"},{"taxonomy":"post_tag","embeddable":true,"href":"https:\/\/blogs.cardiff.ac.uk\/insiders\/wp-json\/wp\/v2\/tags?post=13225"}],"curies":[{"name":"wp","href":"https:\/\/api.w.org\/{rel}","templated":true}]}}