![\"\"](\"http:\/\/blogs.cardiff.ac.uk\/creative-economy\/wp-content\/uploads\/sites\/381\/2026\/03\/Creative-Cardiff-10-Year-WMC-33-1-scaled.jpg\")
<\/p>\nYn ddiweddar, mae Caerdydd Creadigol wedi dathlu deng mlynedd o gysylltu a hyrwyddo cymuned greadigol y rhanbarth, felly rydyn ni\u2019n manteisio ar y cyfle i dynnu sylw at y syniadau, y partneriaethau a’r arloesi sydd wedi siapio’r daith hon hyd yn hyn. Yn rhan o Ganolfan yr Economi Greadigol, mae ein gwaith wedi’i seilio ar gydweithrediad rhwng ymchwilwyr, pobl greadigol a byd diwydiant.\u00a0Gyda thema Caerdydd Creadigol mis Mawrth yn canolbwyntio ar ‘Hyrwyddo’ch hun a’ch gwaith’, mae’n teimlo’n amserol i dynnu sylw at sut mae ein gwaith wedi amlygu lleisiau, cefnogi arloesedd a chryfhau gwead creadigol Prifddinas-Ranbarth Caerdydd.<\/p>\n
<\/p>\n
Yn Caerdydd Creadigol, credwn fod sector creadigol cysylltiedig yn un sy\u2019n fwy arloesol a gwydn. Dros y degawd diwethaf, rydyn ni wedi cynorthwyo prosiectau sy’n cysylltu ymchwilwyr, pobl greadigol a chymunedau i arbrofi, profi ac ailddychmygu beth sy’n bosibl yn economi greadigol de-ddwyrain Cymru.<\/p>\n
Roedd Menter Canolfannau Clwstwr y Diwydiannau Creadigol<\/a> (CICH) (Gorffennaf 2023 \u2013 Mawrth 2024) yn brosiect peilot gwerth \u00a3200,000 o dan arweiniad Canolfan yr Economi Greadigol ym Mhrifysgol Caerdydd drwy rwydwaith Caerdydd Creadigol. Roedd y prosiect, a ariannwyd gan Gyngor Ymchwil y Celfyddydau a’r Dyniaethau (AHRC) a’r Adran Diwylliant, y Cyfryngau a Chwaraeon (DCMS), yn rhan o fuddsoddiad gwerth \u00a32.6 miliwn ledled y DU mewn prosiectau \u201cArddangoswr\u201d. Cynlluniwyd y prosiect i edrych ar sut y gallai clystyrau creadigol presennol dyfu, denu buddsoddiad a chael effaith.<\/p>\n Drwy CICH, chwaraeodd Caerdydd Creadigol r\u00f4l allweddol wrth ehangu clwstwr creadigol Caerdydd drwy weithgaredd rhanbarthol ehangach. Gwnaethpwyd hyn drwy ddod \u00e2 busnesau creadigol lleol, ymchwilwyr ac awdurdodau lleol ynghyd yng Nghasnewydd, Sir Fynwy a Rhondda Cynon Taf i rannu\u2019r hyn a ddysgir ac amlygu potensial y diwydiannau creadigol ar draws Prifddinas-Ranbarth Caerdydd. Atgyfnerthodd y gwaith hwn statws a photensial Caerdydd a’r rhanbarth yn y dyfodol fel canolfan ar gyfer arloesedd creadigol yng Nghymru.<\/p>\n Cafodd y cynllun peilot gryn effaith, gan gynhyrchu refeniw newydd, swyddi a chysylltiadau creadigol ar draws y rhanbarth. Fel y myfyriodd Jess Mahoney, cyn-Bennaeth Caerdydd Creadigol, Prif Swyddog Gweithredol presennol Sefydliad Cyfarthfa ac awdur yr adroddiad, dangosodd y gwaith faint o botensial sydd y tu hwnt i’r brifddinas wrth gynorthwyo pobl a lleoedd creadigol mewn modd ystyrlon:<\/p>\n Wrth i glwstwr creadigol Caerdydd dyfu o ran maint ac enwogrwydd, daw’n gynyddol bwysig ein bod yn harneisio’r cyfoeth o dalent eginol ledled y rhanbarth ehangach i fanteisio ar gyfleoedd sy’n dod i’r amlwg, cynnull cymunedau newydd a chreu lleoedd creadigol llewyrchus a chynrychioliadol newydd. Mae Canolfannau Clwstwr y Diwydiannau Creadigol yn gam cyntaf tuag at gyflawni hyn.<\/p>\n I ddangos pa mor eang yw\u2019r gwaith a’r cymunedau dan sylw, dyma rai o’r astudiaethau achos sydd wedi\u2019u datblygu drwy’r rhaglen.<\/a><\/p>\n <\/p>\n