![\"\"](\"http:\/\/blogs.cardiff.ac.uk\/business-school\/wp-content\/uploads\/sites\/620\/2018\/08\/Ed-Heery-blog-post-1024x576.png\")
<\/h3>\n<\/h3>\nDatblygwyd y Cyflog Byw gan sefydliadau cymdeithas sifil \u2013 elusennau a chyrff anllywodraethol \u2013 sy’n mynd ati i hyrwyddo safonau llafur da ac i gyflogwyr eu mabwysiadu. Un sefydliad o’r fath sydd wedi chwarae rhan flaenllaw yn yr ymgyrch ar gyfer y Cyflog Byw yw ShareAction<\/a>.<\/p>\n Mae ShareAction yn elusen ymgyrchu sy’n bodoli \u201ci wneud buddsoddi yn ffynhonnell er budd\u201d ac mae\u2019n defnyddio actifiaeth gan gyfranddalwyr i annog ymddygiad cyfrifol gan gwmn\u00efau mawr, rhestredig. Mae’n enghraifft drawiadol o’r hyn a ddisgrifir weithiau fel actorion cyflogaeth newydd (Heery and Frege 2006); hynny yw, sefydliadau cymdeithas sifil sy’n mynd ati i hyrwyddo buddiannau pobl sy’n gweithio trwy ddefnyddio dulliau sy’n wahanol i’r ddibyniaeth ar fargeinio ar y cyd a chyfraith cyflogaeth, sydd wedi nodweddu’r mudiad llafur traddodiadol ers tro.<\/p>\n Sefydlwyd ShareAction ddiwedd y 1990au, gan ddeillio o ymgyrch i annog Cynllun Pensiwn y Prifysgolion i ymwrthod \u00e2 buddsoddi mewn gweithgynhyrchu arfau. Yn ei flynyddoedd cynnar, cyfeiriwyd gweithgarwch ymgyrchu at benderfyniadau buddsoddi cynlluniau pensiwn ond, ers hynny, mae ShareAction wedi datblygu strategaeth driphlyg, eang, i hyrwyddo buddsoddi cyfrifol.<\/p>\n Mae un elfen o’r strategaeth hon yn cynnwys lob\u00efo i ddiwygio\u2019r system fuddsoddi fel ei bod hi\u2019n haws i fuddsoddwyr a\u2019r cwmn\u00efau y buddsoddant ynddynt wneud penderfyniadau moesegol. Mae ail elfen yn cynnwys hyrwyddo actifiaeth gan fuddsoddwyr, yn enwedig ymhlith cyfranddalwyr bach.<\/p>\n Mae’r gwaith hwn yn cynnwys hyfforddi ymgyrchwyr a chydlynu gweithgarwch ar y cyfryngau cymdeithasol a gweithgarwch arall ymgyrchu i roi pwysau ar fusnesau mawr i ymddwyn yn foesegol. Mae elfen olaf y strategaeth yn cynnwys cynnal ymgyrchoedd ar faterion penodol, pan gaiff Cyfarfodydd Cyffredinol Blynyddol cwmn\u00efau corfforaethol mawr eu targedu ag apeliadau i fabwysiadu polis\u00efau moesegol.<\/p>\n Mae’r ymgyrchoedd hyn, sy\u2019n seiliedig ar fater penodol, yn mynd i’r afael ag amrywiaeth eang o weithgarwch busnes. Ar hyn o bryd, mae un ffocws mawr ar gynaliadwyedd amgylcheddol, gydag ymgyrchoedd ar wah\u00e2n wedi’u hanelu at y diwydiant bancio a thanwydd ffosil i annog trawsnewid i economi carbon isel. Hefyd, mae ShareAction yn ymgyrchu ynghylch cynaliadwyedd cymdeithasol ac mae wedi hyrwyddo mwy o dryloywder mewn cadwyni cyflenwi byd-eang, trwy ei fenter Datgelu Gwybodaeth am y Gweithlu.<\/p>\n \u201cMae’n un o’r llu o sefydliadau ymgyrchu sy\u2019n annog cwmn\u00efau amlwladol yn y DU i gymryd mwy o gyfrifoldeb am amodau gweithio o fewn eu cadwyni cyflenwi.\u201d<\/p><\/blockquote>\n Mae ymgyrch y Cyflog Byw yn rhan o\u2019r fenter hon i annog cynaliadwyedd cymdeithasol. Nod ShareAction yw y bydd holl aelodau\u2019r FTSE100 yn talu\u2019r Cyflog Byw \u2018go iawn\u2019 i\u2019w holl weithwyr yn y DU; hynny yw, cyfradd cyflog fesul awr a gyfrifwyd gan y Living Wage Foundation, sydd \u00e2\u2019r nod o roi safon byw rhesymol ond boddhaol i weithwyr cyflog isel. Mae\u2019n ymgyrchu i fusnesau\u2019r FTSE100 ennill achrediad ffurfiol gan y Living Wage Foundation fel Cyflogwyr Cyflog Byw, sy\u2019n sicrhau\u2019r Cyflog Byw nid yn unig i gyflogeion uniongyrchol ond i gyflogeion contractwyr sydd wedi\u2019u lleoli\u2019n barhaol yn eu busnes, fel staff glanhau, arlwyo a diogelwch.<\/p>\n Mae\u2019r dulliau a ddefnyddir gan ShareAction i hyrwyddo\u2019r Cyflog Byw yn nodweddiadol o\u2019i repertoire ymgyrchu. Mae un elfen yn targedu buddsoddwyr sefydliadol ac mae ShareAction yn cynhyrchu Briffiau rheolaidd i Fuddsoddwyr ar y Cyflog Byw, sy’n egluro beth ydyw ac yn dadlau achos busnes dros ei fabwysiadu. Hefyd, mae wedi creu rhwydwaith parhaol o fuddsoddwyr sydd wedi ymrwymo i’r Cyflog Byw ac sydd eu hunain yn annog y cwmn\u00efau y maent yn buddsoddi ynddynt i\u2019w fabwysiadu. Pan fydd ymgyrch yn canolbwyntio ar aelod unigol o’r FTSE100, daw\u2019r gr\u0175p hwn o fuddsoddwyr ynghyd i ysgrifennu at y Prif Weithredwr a galw ar y busnes i ddod yn Gyflogwr Cyflog Byw achrededig.<\/p>\n Ail ddull yw defnyddio ymgyrchu cyhoeddus i roi pwysau ar fusnesau blaenllaw, fel arfer yn ystod y cyfnod cyn cyfarfod blynyddol y cyfranddalwyr.<\/p>\n \u201cO blith yr ymgyrchoedd hyn, cynhaliwyd un o’r amlycaf ar y cyd \u00e2\u2019r Craftivist Collective yn 2015. Y targed ar yr achlysur hwn oedd Marks & Spencer a threfnodd yr ymgyrch gyfres o \u2018stitch-ins\u2019 mewn siopau M&S, lle y cafodd hancesi poced M&S eu brodio \u00e2 galwadau ar i\u2019r busnes fabwysiadu\u2019r Cyflog Byw.\u201d<\/p><\/blockquote>\n Yna, cyflwynwyd yr hancesi poced hyn i aelodau bwrdd M&S, i gyfranddalwyr blaenllaw ac i enwogion a oedd yn cymryd rhan mewn hysbysebion M&S. Yn fwy diweddar, cafodd y cwmni adeiladu tai, Persimmon, ei dargedu trwy ddeiseb ar-lein yn beirniadu cyflog enfawr a ddyfarnwyd i\u2019w Brif Weithredwr, gan amlygu y gallai\u2019r dyfarniad ariannu talu\u2019r Cyflog Byw i gyfanswm o 4,100 o weithwyr y DU.<\/p>\n Y dull olaf, sy’n diffinio dull ShareAction o weithredu, yw sicrhau presenoldeb yng nghyfarfod blynyddol cyfranddalwyr cwmn\u00efau FTSE100 y gellir cyflwyno cynigion iddynt, sy’n codi cwestiwn ynghylch y Cyflog Byw ac yn galw am weithredu gan Fwrdd y cwmni. Mae ShareAction yn dal cyfranddaliadau ym mhob un o gwmn\u00efau amlycaf y DU, gan ei alluogi i fod yn bresennol mewn cyfarfodydd cyfranddalwyr, ac mae wedi datblygu rhwydwaith o fuddsoddwyr sy\u2019n actifyddion, y gallant hefyd fod yn gyflogeion cwmn\u00efau\u2019r FTSE100, ac mae’n eu hyfforddi i ofyn cwestiynau a chyflwyno cynigion i Gyfarfodydd Cyffredinol Blynyddol cwmn\u00efau.<\/p>\n Amcan allweddol ymyriadau fel y rhain yw sicrhau cyfarfod gydag uwch reolwyr i drafod achrediad Cyflog Byw. Yn aml, bydd y Living Wage Foundation, sef y corff achredu, yn cymryd rhan yn y cyfarfodydd hyn a dyma pryd bydd ShareAction yn trosglwyddo\u2019r awenau i\u2019w chwaer-gorff anllywodraethol, a fydd yn goruchwylio’r broses o weithredu\u2019r Cyflog Byw.<\/p>\n \u201cMae mwy na 30 o gwmn\u00efau\u2019r FTSE100 wedi ennill achrediad Cyflogwr Cyflog Byw yn sgil ymyrraeth gan ShareAction mewn cyfarfodydd i gyfranddalwyr, ac mae Croda International, Diageo, Informa, Ashtead Group a WPP wedi ennill achrediad yn ystod y 12 mis diwethaf.\u201d<\/p><\/blockquote>\n Mae dwy egwyddor drefniadol yn sylfaen i\u2019r dull ymddangosiadol lwyddiannus hwn o ymgyrchu dros y Cyflog Byw. Yn gyntaf, mae ShareAction yn sefydliad rhwydweithio. Mae’n adeiladu ac yn cydlynu rhwydweithiau o fuddsoddwyr a chyfranddalwyr ac mae\u2019n gweithio mewn partneriaeth ag ystod eang o gyrff ymgyrchu eraill i gyflawni ei amcanion. Mae ei weithgarwch ar y cyd \u00e2\u2019r Living Wage Foundation yn rhagorol yn hyn o beth, ond gellir gweld yr un math o bartneriaeth mewn agweddau eraill ar waith ShareAction. Mae’n fath o weithredu sy’n aml yn nodweddu actorion cyflogaeth newydd o’r math hwn.<\/p>\n Yn ail, mae ShareAction yn ymgyrchu \u201cheb fod yn ymosodol\u201d. Er y gall ei ymgyrchu cyhoeddus godi cywilydd ar uwch swyddogion ac amlygu methiant corfforaethol, y diben bob amser yw defnyddio dylanwad buddsoddwyr i ddatblygu perthynas gadarnhaol \u00e2 busnes. Y nod yn y pen draw yw darbwyllo uwch swyddogion i ymrwymo i amcanion yr ymgyrch mae ShareAction yn eu hyrwyddo.<\/p>\n Felly, rhaid pwysleisio nad yw ShareAction yn sefydliad gwrth-gyfalafol. I’r gwrthwyneb, mae ei waith yn seiliedig ar y gred bod modd diwygio\u2019r system fuddsoddi ac y gall pwysau buddsoddwyr gael ei ddefnyddio i hyrwyddo mathau mwy cynaliadwy o weithgarwch busnes. Unwaith eto, mae hyn yn nodwedd gyffredin actorion cyflogaeth newydd \u2013 maent yn aml yn feirniadol o fusnesau ond yn ceisio darbwyllo corfforaethau bod gweithredu mewn modd \u2018cynaliadwy\u2019 yn fuddiol i fusnes yn y tymor hwy.<\/p>\n Mae ShareAction, fel llawer o gyrff ymgyrchu eraill o’r math hwn, o\u2019r farn ei bod hi\u2019n bosibl amlygu buddiannau cyffredin gyda busnesau, buddiannau cyffredin sy\u2019n ymgorffori budd y cyhoedd.<\/p>\n Mae Ed Heery<\/a> yn Athro Cysylltiadau Cyflogaeth yn Ysgol Busnes Caerdydd. Mae ei ymchwil gyda\u2019i gydweithwyr, Dr Deborah Hann<\/a> a Dr Dave Nash<\/a>, yn canolbwyntio ar weithredu\u2019r Cyflog Byw yn y DU. Os hoffech ddarllen canfyddiadau’r gwaith ymchwil hwn, dilynwch y dolenni isod:<\/strong><\/p>\n Heery et al. (2017) The Living Wage campaign in the UK, Employee Relations<\/em><\/a><\/p>\n Heery et al (2017) The Living Wage \u2013 Employer Experience<\/a><\/p>\nYmddwyn yn foesegol<\/h3>\n
![\"\"](\"http:\/\/blogs.cardiff.ac.uk\/business-school\/wp-content\/uploads\/sites\/620\/2018\/08\/Tesco-AGM-action-300x170.jpg\")
<\/p>\nYmgyrchoedd, actifiaeth trwy grefft a galwadau am weithredu<\/h3>\n
![\"\"](\"http:\/\/blogs.cardiff.ac.uk\/business-school\/wp-content\/uploads\/sites\/620\/2018\/08\/Ed-Heery-blog-post-1-1024x576.png\")
<\/p>\nPerthynas gadarnhaol \u00e2 busnesau<\/h3>\n
![\"\"](\"http:\/\/blogs.cardiff.ac.uk\/business-school\/wp-content\/uploads\/sites\/620\/2018\/08\/Merlin-Entertainments-online-action.jpg\")
<\/p>\n