{"id":2957,"date":"2022-03-08T08:00:06","date_gmt":"2022-03-08T07:00:06","guid":{"rendered":"https:\/\/blogs.cardiff.ac.uk\/business-school\/?p=2957"},"modified":"2023-03-08T14:21:22","modified_gmt":"2023-03-08T13:21:22","slug":"diwrnod-rhyngwladol-y-menywod-2022","status":"publish","type":"post","link":"https:\/\/blogs.cardiff.ac.uk\/business-school\/cy\/diwrnod-rhyngwladol-y-menywod-2022\/","title":{"rendered":"Diwrnod Rhyngwladol y Menywod 2022"},"content":{"rendered":"

\"\"<\/strong><\/p>\n

Ar Ddiwrnod Rhyngwladol y Menywod 2022, rydym yn dathlu’r cyfraniad sylweddol y mae menywod yn Ysgol Busnes Caerdydd wedi’i wneud, ac yn parhau i’w wneud, i fywydau menywod ledled y byd.<\/strong><\/p>\n

#BreakTheBias<\/strong><\/p>\n

Mae\u2019r Athro Rachel Ashworth, Deon Ysgol Busnes Caerdydd yn ysgrifennu: \u201cMae Diwrnod Rhyngwladol y Menywod<\/strong> yn rhoi cyfle i bob un ohonom fyfyrio ar yr hyn sydd wedi\u2019i gyflawni o ran sicrhau bod dynion a menywod yn fwy cyfartal yn y gweithle ac o ran eu cyfranogiad yn yr economi ehangach. Mae\u2019n hollbwysig ein bod yn dathlu llwyddiant, megis y ffaith fod mwy o fenywod mewn swyddi arwain erbyn hyn.<\/p>\n

Serch hynny, mae\u2019r newid wedi bod yn rhy araf, fel yr amlygwyd yn adroddiad diweddar ar Gyflwr y Genedl<\/a> gan Chwarae Teg. Mae Ysgol Busnes Caerdydd wedi ymrwymo i chwarae ei rhan i hyrwyddo cynnydd ym mhob maes sy\u2019n ymwneud \u00e2 chydraddoldeb rhywiol ar lefel leol, genedlaethol a byd-eang. Isod ceir blas o’r ymchwil bwysig sy’n cael ei chynnal yn ein Hysgol.<\/p>\n

Y Bwlch Cyflog Rhwng Y Rhywiau<\/h2>\n

“Heddiw, mae menywod yn dal i ennill llai na dynion ar gyfartaledd, hyd yn oed ar \u00f4l rhoi cyfrif am wahaniaethau sylfaenol rhwng y rhywiau o ran eu nodweddion.”<\/p><\/blockquote>\n

Mae Dr Ezgi Kaya<\/a>, Darlithydd mewn Economeg, yn archwilio’r bwlch cyflog rhwng y rhywiau yng nghyd-destunau gwledydd gwahanol, yn enwedig yn Ewrop<\/a>. “Yn y rhan fwyaf o wledydd, mae’r bwlch cyflog rhwng y rhywiau wedi gostwng yn ystod y degawdau diwethaf, ond yr hyn sydd fwyaf trawiadol yw bod bwlch parhaus a sylweddol.”<\/p>\n

Yn \u00f4l Dr Kaya: “Mae\u2019r bwlch cyflog rhwng y rhywiau yn ffordd syml o fesur mater mwy cymhleth ac felly does dim un ateb syml i gau’r bwlch. Er ein bod ni\u2019n dal i adeiladu\u2019r sylfaen dystiolaeth, mae polis\u00efau tryloywder cyflog yn apelio’n sylweddol gan eu bod yn cynrychioli dull o nodi a hefyd o gymryd camau yn erbyn y bwlch cyflog rhwng y rhywiau yn y gweithle.”<\/p>\n

Cydweithiodd Dr Kaya \u00e2’r Athro Melanie Jones mewn ymchwil a ymchwiliodd i’r bwlch cyflog rhwng y rhywiau yng Ngogledd Iwerddon<\/a>.<\/p>\n

Yn \u00f4l yr Athro Jones: “Mae’r bwlch cyflog rhwng y rhywiau yng Ngogledd Iwerddon, sef 5%, yn llai na 1\/3 o’r gwerth yng ngweddill y DU. Gwelom nad yw’r bwlch cyflog culach rhwng y rhywiau yng Ngogledd Iwerddon yn adlewyrchu mwy o gydraddoldeb cyflog i fenywod yng Ngogledd Iwerddon.<\/p>\n

“Yn hytrach, mae’n adlewyrchu’r ffaith bod menywod yng Ngogledd Iwerddon yn fwy addysgedig a bod ganddyn nhw strwythur galwedigaethol sy\u2019n gwobrwyo mwy nag un dynion, a hynny o’i gymharu \u00e2 gweddill y DU.”<\/p>\n

\"\"Amodau Llafur yn y sector dillad byd-eang<\/h2>\n

Mae’r Athro Jean Jenkins<\/a>, Athro Cysylltiadau Cyflogaeth, wedi bod yn ymchwilio i amodau llafur yn y sector dillad byd-eang<\/a> ers tro byd.<\/p>\n

Meddai hi: “Menywod yw tua 80% o’r gweithlu rhyngwladol yn y diwydiant hwn. Maen nhw\u2019n fwy tebygol o fod yn gweithio am gyflog isel, mewn amodau gwael, ac maen nhw\u2019n dioddef gwahanol fathau o gam-drin yn y gweithle bob dydd.<\/p>\n

“Mae menywod yn cael eu targedu gan gyflogwyr yn y sector hwn oherwydd bod ganddyn nhw enw da am fod yn weithwyr sy’n cydymffurfio, yn ufudd ac yn rhad. Ar Ddiwrnod Rhyngwladol y Menywod, rwyf eisiau manteisio ar y cyfle i anrhydeddu gwaith ysbrydoledig cynifer o fenywod sy’n ymwneud \u00e2 gweithredu llafur ac yn ymladd yn erbyn y stereoteipiau hynny.”<\/p>\n

\u00a0Cyflog Byw<\/h2>\n

“Mae cyflog isel yn broblem fawr yn economi’r DU, gydag oddeutu 1 o bob 4 menyw yn ennill cyflog nad yw\u2019n ddigon i fyw arno.”<\/p><\/blockquote>\n

Mae Dr Deborah Hann<\/a>, Uwch-ddarlithydd mewn Cysylltiadau Cyflogaeth, ynghyd \u00e2 Dr David Nash a’r Athro Edmund Heery, wedi bod yn gwerthuso effaith y cyflog byw gwirioneddol<\/a> ar y rhai sy\u2019n ennill y cyflogau isaf yn y gymdeithas.<\/p>\n

“Mae\u2019r achrediad Cyflog Byw Gwirioneddol yn gofyn i gyflogwyr dalu cyflog sy\u2019n seiliedig ar yr hyn y mae’n ei gostio i bobl fyw mewn gwirionedd. Ar hyn o bryd, mae bron i 9,000 o gyflogwyr wedi cytuno’n wirfoddol i dalu’r gyfradd uwch hon. Er nad ei fwriad penodol yw bod yn ymyriad ar ran menywod, dywedodd cyflogwyr achrededig wrthym mai menywod yw\u2019r prif rai sy\u2019n cael y codiadau cyflog.<\/p>\n

“Hefyd, gallwn weld hyn yn y mathau o rolau sydd wedi gweld codiadau cyflog ar \u00f4l cael achrediad. Dywedodd 4,500 o gyflogwyr eu bod wedi codi cyflogau eu gweithwyr rhan-amser o ganlyniad i\u2019r achrediad \u2013 menywod gan fwyaf sy\u2019n gwneud y math hwn o waith. Mae ein hymchwil wedi cyfrifo bod dros \u00a31.5B, ers 2011, wedi mynd i bocedi\u2019r gweithwyr sy\u2019n ennill cyflogau isaf y DU o ganlyniad uniongyrchol i\u2019r achrediad Cyflog Byw Gwirioneddol. Byddai\u2019r ffaith bod menywod wedi\u2019u gorgynrychioli ymhlith y gweithwyr hyn sy\u2019n ennill cyflog isel yn awgrymu y bydd cyfran sylweddol o’r arian hwn wedi mynd i fenywod, felly.”<\/p>\n

\n