{"id":2913,"date":"2021-12-03T12:00:42","date_gmt":"2021-12-03T11:00:42","guid":{"rendered":"http:\/\/blogs.cardiff.ac.uk\/business-school\/?p=2913"},"modified":"2021-12-03T12:01:35","modified_gmt":"2021-12-03T11:01:35","slug":"maer-duedd-negyddol-mewn-newyddion-ynglyn-a-sut-mae-arian-cyhoeddus-yn-cael-ei-ddefnyddio-yn-effeithio-ar-ein-parodrwydd-i-dalu-trethi","status":"publish","type":"post","link":"https:\/\/blogs.cardiff.ac.uk\/business-school\/cy\/maer-duedd-negyddol-mewn-newyddion-ynglyn-a-sut-mae-arian-cyhoeddus-yn-cael-ei-ddefnyddio-yn-effeithio-ar-ein-parodrwydd-i-dalu-trethi\/","title":{"rendered":"Mae’r duedd negyddol mewn newyddion yngl\u0177n \u00e2 sut mae arian cyhoeddus yn cael ei ddefnyddio yn effeithio ar ein parodrwydd i dalu trethi"},"content":{"rendered":"\r\n
\"\"<\/figure>\r\n\r\n\r\n\r\n

I ateb y galw ymhlith y cyhoedd am gynnwys negyddol, mae’r cyfryngau\u2019n dueddol o roi gormod o sylw i newyddion negyddol.\u00a0Mae Milo\u0161 Fi\u0161ar, Tommaso Reggiani, Fabio Sabatini, a Ji\u0159\u00ed \u0160palek yn ysgrifennu bod y duedd negyddol wrth roi sylw i faterion polisi economaidd yn lleihau cydymffurfiaeth o ran trethi. Ar y llaw arall, pan fydd pobl yn cael gwybodaeth ddibynadwy am ddefnydd priodol o refeniw treth, mae cydymffurfiaeth yn cynyddu\u2019n sylweddol.\u00a0<\/em><\/p>\r\n\r\n\r\n\r\n

Pam ydym yn talu trethi? Nid dim ond oherwydd ein bod yn ofni archwiliadau a chosbau. Gall bodlonrwydd ar waith y llywodraeth a hyder mewn sefydliadau hefyd chwarae rhan mewn cydymffurfiaeth o ran treth.<\/p>\r\n\r\n\r\n\r\n

Mae theor\u00efau economaidd yn awgrymu bod dinasyddion sy’n credu nad yw’r llywodraeth yn gwario eu trethi mewn modd priodol yn tueddu i ymateb drwy wrthod talu eu hatebolrwydd treth cyfan. Ond yn lle hynny, dychmygwch sefyllfa lle mae cred gyffredin bod sefydliadau’n defnyddio trethi er mwyn ariannu nwyddau a gwasanaethau cyhoeddus yn ddigonol. Mewn sefyllfa o\u2019r fath, bydd trethdalwyr yn fwy parod i gydymffurfio, fel pe bai “contract seicolegol” ar waith gydag awdurdodau. Mae contract o’r fath yn dibynnu ar degwch y broses wleidyddol a dilysrwydd y canlyniadau polisi sy’n deillio ohoni.<\/p>\r\n\r\n\r\n\r\n

Mae’r safbwyntiau hyn yn awgrymu bod gan wybodaeth am waith y llywodraeth a’r broses wleidyddol r\u00f4l hanfodol. Fodd bynnag, mae’r sylw a roddir i faterion economaidd a pholisi yn y cyfryngau yn bell o fod yn gytbwys. Mae\u2019r cyfryngau torfol yn dueddol o roi gormod o sylw i newyddion negyddol gan eu bod yn ysgogi ymateb seicoffisiolegol cryfach yn y gynulleidfa, ac yn gweddu’n well i\u2019r chwant am gynnwys negyddol ymhlith y cyhoedd. Mae’r duedd negyddol hon yn creu ‘sbiral o sinigiaeth’ yn y diwydiant. Mae\u2019r galw ymhlith y cyhoedd am newyddion dramatig yn cryfhau’r cymhelliad ymhlith newyddiadurwyr a gwneuthurwyr newyddion i ddarparu cynnwys negyddol. Yn ddiweddar, mae lledaeniad naratifau sy\u2019n feirniadol o\u2019r sefydliad ac yn gysylltiedig \u00e2’r cynnydd mewn mudiadau poblyddol wedi gwaethygu\u2019r duedd negyddol mewn adroddiadau am effeithlonrwydd a thegwch sefydliadau cyhoeddus.<\/p>\r\n\r\n\r\n\r\n

Sut mae’r duedd negyddol hon yn y sylw a roddir i faterion polisi economaidd yn effeithio ar gydymffurfiaeth o ran treth?<\/p>\r\n\r\n\r\n\r\n

Arbrawf labordy<\/strong><\/p>\r\n\r\n\r\n\r\n

I ateb y cwestiwn hwn, cynhaliwyd\u00a0arbrawf\u00a0labordy arloesol<\/a> gennym i astudio sut mae dod i gysylltiad \u00e2 newyddion \u00e2 thuedd yn effeithio ar gydymffurfiaeth. Cymharwyd cydymffurfiaeth dreth tri gr\u0175p o bobl o dan amodau gwahanol. Gwyliodd y gr\u0175p cyntaf newyddion \u00e2 thuedd negyddol am waith y llywodraeth. Nod y driniaeth hon oedd adlewyrchu\u2019r duedd i fod yn negyddol yn y cyfryngau, sef y status quo<\/em> wrth roi gwybodaeth am arian cyhoeddus a materion polisi. Nesaf, dangosodd yr arbrofwyr newyddion cadarnhaol i\u2019r ail gr\u0175p o gyfranogwyr. Yn olaf, roedd gr\u0175p rheoli a gafodd driniaeth blasebo.<\/p>\r\n\r\n\r\n\r\n

Newyddion da yn arwain at gynnydd mewn cydymffurfiaeth o ran treth<\/strong><\/p>\r\n\r\n\r\n\r\n

O’i gymharu \u00e2’r driniaeth blasebo, nid yw dod i gysylltiad \u00e2 newyddion negyddol yn effeithio ar gydymffurfiaeth o ran treth, sy\u2019n cadarnhau bod cyfranogwyr yn ystyried tuedd negyddol y cyfryngau fel y norm yn hytrach na’r eithriad. Wrth i’r dewis newyddion a\u2019i d\u00f4n wyro oddi wrth y status quo<\/em>, gan arwain at gynnwys cadarnhaol, mae cyfranogwyr yn cydymffurfio gryn dipyn yn fwy na’r gr\u0175p rheoli. Mae’r effaith yn sylweddol yn economaidd: nododd pobl a ddaeth i gysylltiad \u00e2 newyddion da gyfradd gydymffurfio 23 pwynt canran yn uwch na’r rhai a ddaeth i gysylltiad \u00e2 newyddion negyddol neu niwtral.<\/p>\r\n\r\n\r\n\r\n

Mae’r canlyniadau hyn yn dangos bod naratif materion cyllid cyhoeddus a pholisi yn cael effaith bwysig ar gydymffurfiaeth o ran treth, gan awgrymu bod newyddion \u00e2 thuedd yn ffynhonnell gyson o wybodaeth sy\u2019n cael effaith seicolegol. Mae unigolion yn tueddu i ymateb gyda\u2019r un ymddygiad maent yn ei weld gan y llywodraeth, ac yn fwy cyffredinol mewn sefydliadau cyhoeddus, fel pe bai dinasyddion a’r wladwriaeth yn cael eu rhwymo gan gontract seicolegol. Felly, mae tueddiad systematig y cyfryngau i ganolbwyntio ar newyddion negyddol yn arwain at gostau cymdeithasol cudd sy’n gysylltiedig ag anallu’r llywodraeth i fanteisio’n llawn ar ei photensial o ran refeniw treth a chyflawni nodau cyllidol, gydag effeithiau niweidiol ar ei gallu i ddarparu nwyddau a gwasanaethau cyhoeddus yn effeithlon.<\/p>\r\n\r\n\r\n\r\n

Fodd bynnag, y canfyddiad mwyaf trawiadol yw\u2019r effaith gadarnhaol y mae hyd yn oed ychydig o newyddion da am waith y sector cyhoeddus yn ei chael ar gydymffurfiaeth o ran treth. Mae greddf yn awgrymu bod darn o newyddion negyddol yn fwy trawiadol nag un da. Ond i\u2019r gwrthwyneb, rydym yn gweld bod dangos nifer fach o ddarnau o wybodaeth ddibynadwy i gyfranogwyr am ddefnydd priodol o refeniw treth yn rhoi hwb sylweddol i gydymffurfiaeth.<\/p>\r\n\r\n\r\n\r\n

Hyrwyddo sylw diduedd i newyddion da<\/strong><\/p>\r\n\r\n\r\n\r\n

Yn gyffredinol, mae’r canfyddiadau’n awgrymu y gallai rhoi mwy o sylw diduedd i newyddion da (hefyd) gryfhau’r contract seicolegol rhwng trethdalwyr a’r wladwriaeth yn y pen draw.<\/p>\r\n\r\n\r\n\r\n

Mae’r neges i lunwyr polis\u00efau yn un syml. Gall polis\u00efau cyhoeddus greu’r amgylchiadau i hyrwyddo cydymffurfiaeth o ran treth mewn ffyrdd nad ydym wedi eu hystyried o’r blaen. Gallai llunio strategaethau a chymhellion i annog gwybodaeth fwy cytbwys sy’n rhoi sylw diduedd i newyddion cadarnhaol helpu’r llywodraeth i gyflawni ei hamcanion refeniw treth. Gallai cynyddu cydymffurfiaeth arwain at gylch rhinweddol drwy wella’r ddarpariaeth o nwyddau a gwasanaethau cyhoeddus. Wrth fynd ar drywydd hyn, rhaid i awdurdodau ddiogelu\u2019r hawl i feirniadu, sy’n cefnogi’r gred bod y broses wleidyddol yn deg a bod y canlyniadau polisi yn ddilys, gan gryfhau ymhellach yr awydd i gydymffurfio o ran treth.<\/p>\r\n\r\n\r\n\r\n

\u2663\u2663\u2663<\/p>\r\n\r\n\r\n\r\n

Nodiadau:<\/em><\/p>\r\n\r\n\r\n\r\n