{"id":2563,"date":"2021-01-19T13:15:19","date_gmt":"2021-01-19T12:15:19","guid":{"rendered":"http:\/\/blogs.cardiff.ac.uk\/business-school\/?p=2563"},"modified":"2023-03-08T14:28:47","modified_gmt":"2023-03-08T13:28:47","slug":"technolegau-digidol-yng-nghymru","status":"publish","type":"post","link":"https:\/\/blogs.cardiff.ac.uk\/business-school\/cy\/technolegau-digidol-yng-nghymru\/","title":{"rendered":"Technolegau digidol yng Nghymru"},"content":{"rendered":"\r\n
\"\"<\/figure>\r\n\r\n\r\n\r\n

Yn ein post diweddaraf, mae Dr Dylan Henderson yn myfyrio ar ddigwyddiad olaf prosiect Manteisio ar Fand Eang Cyflym Iawn i Fusnesau, a gynhaliwyd ar-lein rhwng 2-3 Rhagfyr 2020.<\/h3>\r\n\r\n\r\n\r\n

Mae technolegau digidol wedi’u gosod wrth galon y don bresennol o ddatblygu cymdeithasol ac economaidd<\/a>. Dywedir bod technolegau fel gwasanaethau cyfrifiadura cwmwl, offer e-fasnach, synwyryddion a roboteg yn trawsnewid<\/a> prosesau busnes, perthnasoedd rhwng busnesau, a chynhyrchion a gwasanaethau. Gydag ymddangosiad rhwydweithiau band eang cyflym yn sail iddynt, mae technolegau o’r fath yn gymwys i amrywiaeth eang o fusnesau gwasanaeth a gweithgynhyrchu, ac yn galluogi mathau newydd o weithgaredd busnes, ond hefyd yn tarfu ar ffyrdd traddodiadol o wneud pethau.<\/p>\r\n\r\n\r\n\r\n

Yng Nghymru, fel mewn rhanbarthau eraill, gwelwyd defnydd o dechnolegau digidol fel un ffordd i fynd i’r afael <\/a>\u00e2’r heriau cynhyrchiant hirsefydlog i economi Cymru. Amlygwyd eu pwysigrwydd ymhellach yn ystod pandemig coronafeirws (COVID-19), lle mae mabwysiadu a defnyddio technolegau digidol wedi cynyddu<\/a>.<\/p>\r\n\r\n\r\n\r\n

\u201cMae argaeledd a defnydd o’r technolegau hyn wedi helpu i gefnogi gwytnwch busnesau yn ystod y cyfnod hwn, gyda galwadau i adeiladu hyn ymhellach i gefnogi adferiad economaidd ar \u00f4l y pandemig<\/a>.\u201d<\/p><\/blockquote>\r\n\r\n\r\n\r\n

Er bod cydnabyddiaeth i botensial trawsnewidiol technolegau digidol, yn draddodiadol prin fu’r data sy’n dangos sut mae busnesau bach a chanolig yn mabwysiadu ac yn defnyddio technolegau digidol yng Nghymru. Er mwyn mynd i\u2019r afael \u00e2 hyn, mae ein t\u00eem yn Uned Ymchwil Economi Cymru (WERU)<\/a> Ysgol Busnes Caerdydd wedi cynnal arolygon blynyddol ar aeddfedrwydd digidol yng Nghymru<\/a>. Er 2017, rydym ni wedi cyfrifo effaith economaidd<\/a> digideiddio yn economi Cymru. Mae ein hymchwil wedi datgelu bod busnesau bach a chanolig Cymru’n digideiddio’n barhaus, ond hefyd bod heriau’n parhau i sicrhau y caiff ei ledaenu ar draws pob sector ac ardal yng Nghymru.<\/p>\r\n\r\n\r\n\r\n

Disgwylir i’r cyllid ar gyfer yr ymchwil ddod i ben ddiwedd 2020. Felly, er mwyn ystyried ein canfyddiadau a gweld sut y gallai cefnogaeth a pholisi busnes fynd i’r afael ymhellach \u00e2 heriau digidol Cymru, cynhaliom ni ddigwyddiad ar-lein yn gynharach ym mis Rhagfyr. <\/p>\r\n\r\n\r\n\r\n

Roedd \u201cTechnolegau digidol yng Nghymru – effeithiau economaidd a pholis\u00efau ar adegau cythryblus\u201d<\/em> yn cynnwys dau seminar digidol.<\/p>\r\n\r\n\r\n\r\n

Dan gadeiryddiaeth yr Athro Max Munday<\/a>, yn y sesiwn gyntaf cyflwynodd cydweithwyr WERU Laura Norris<\/a> a Dr Laura Reynolds<\/a> ganfyddiadau o’n hymchwil arolwg aeddfedrwydd digidol a bu’r Athro Pete Burnap<\/a> o Ysgol Cyfrifiadureg a Gwybodeg y Brifysgol yn siarad am y cymorth busnes sydd ar gael gyda Chyflymydd Arloesedd Data’r<\/a> Brifysgol.<\/p>\r\n\r\n\r\n\r\n

Ategwyd y cyfraniadau academaidd hyn gan Lee Waters AS,<\/a> y Dirprwy Weinidog dros yr Economi a Thrafnidiaeth, a David Marnell, a siaradodd am Strategaeth Ddigidol Llywodraeth Cymru a rhaglen Cyflymu Cymru i Fusnesau<\/a>.<\/p>\r\n\r\n\r\n\r\n

\r\n