{"id":8820,"date":"2023-03-17T11:02:11","date_gmt":"2023-03-17T11:02:11","guid":{"rendered":"https:\/\/blogs.cardiff.ac.uk\/alumni\/?p=8820"},"modified":"2023-03-22T10:56:23","modified_gmt":"2023-03-22T10:56:23","slug":"cyn-fyfyrwraig-cwnsler-y-brenin-yn-dychwelyd-i-gaerdydd-i-ysbrydolir-genhedlaeth-nesaf","status":"publish","type":"post","link":"https:\/\/blogs.cardiff.ac.uk\/alumni\/cy\/2023\/03\/17\/cyn-fyfyrwraig-cwnsler-y-brenin-yn-dychwelyd-i-gaerdydd-i-ysbrydolir-genhedlaeth-nesaf\/","title":{"rendered":"Cyn-fyfyrwraig Cwnsler y Brenin yn dychwelyd i Gaerdydd i ysbrydoli’r genhedlaeth nesaf"},"content":{"rendered":"

Tyngwyd Nneka Akudolu (LLB 2001, PgDip 2002) i mewn fel Cwnsler y Brenin (KC) yn 2022, gan ymuno \u00e2 gr\u0175p dethol o ymarferwyr y gyfraith a benodwyd gan y frenhines. Fel KC sy’n arbenigo mewn cyfraith droseddol, mae Nneka yn gweithio ar yr achosion mwyaf difrifol yr ymdrinnir \u00e2 nhw yn llysoedd y Goron ac Ap\u00eal, ac mae’n un o ddim ond saith KC benywaidd Du yn y DU.<\/strong><\/p>\n

Ar \u00f4l gadael yr ysgol heb gymwysterau Safon Uwch, dechreuodd taith gyfreithiol Nneka gyda chwrs Mynediad at Astudiaethau Cyfreithiol yng Ngholeg Tower Hamlets. Yn dilyn y cwrs Mynediad, dewisodd Nneka Brifysgol Caerdydd oherwydd cyfeillgarwch y bobl y cyfarfu \u00e2 nhw yno a chostau byw isel. Pan oedd hanner ffordd drwy ei chwrs, ganwyd merch i Nneka ond parhaodd gyda’i hastudiaethau, gan sylweddoli bod dilyn gyrfa wrth y Bar yn opsiwn realistig iddi hi. Yn dilyn cwblhau’r BVC, sicrhaodd Nneka dymor prawf yn 5 King\u2019s Bench Walk ac mae wedi bod yn ymarfer fel Bargyfreithiwr trosedd ers hynny.\"\"<\/a><\/p>\n

Dywedodd: \u201cMae dod yn KC yn gyflawniad enfawr ynddo’i hun. Roeddwn i’n deall yn iawn y byddai fy mhenodiad yn bwysig yn nhermau gwelededd gan fod diffyg amrywiaeth dybryd yn enwedig o ran menywod du mewn rolau arweiniol wrth y Bar. Byddwn i’n gobeithio y bydd eraill o gefndiroedd amrywiol neu sydd wedi wynebu rhwystrau penodol yn gweld fy llwyddiant ac yn cydnabod nid yn unig bod y Bar yn broffesiwn cynhwysol ond yn un lle gallan nhw ragori.”<\/p>\n

Roedd Nneka eisiau rhannu ei phrofiad a’i mewnwelediad, a dychwelodd i roi sgwrs gyrfaoedd i fyfyrwyr yn Ysgol y Gyfraith a Gwleidyddiaeth. Wrth gynnig ei hamser i ysbrydoli’r genhedlaeth nesaf o feddyliau cyfreithiol yng Nghaerdydd, dywedodd: \u201cRoeddwn yn falch iawn o gael fy ngofyn i roi sgwrs gyrfaoedd, gan fod Ysgol y Gyfraith Caerdydd yn rhan mor annatod o fy nhaith gyfreithiol. Roedd y gefnogaeth a’r anogaeth a gefais yno yn hanfodol o ran cael yr hyder i wneud cais am gyfnod prawf.<\/p>\n

\u201cRwy’n gobeithio o fy sgwrs bod y myfyrwyr yn sylweddoli pa mor gyraeddadwy yw gyrfa yn y Bar. Doeddwn i ddim yn arbennig o academaidd yn tyfu i fyny, ac ni feddyliais erioed y gallwn ennill y math o gymwysterau sydd eu hangen i ymuno \u00e2’r proffesiwn yr wyf bellach wedi bod yn rhan ohono ers 20 mlynedd. Rwy’n gobeithio bod y myfyrwyr yn cydnabod nad oes unrhyw beth yn cymryd lle gwaith caled, ac er eu bod efallai’n profi adfyd a chael eu gwrthod ar hyd y ffordd, mae bod yn benderfynol ac yn ymrwymedig yn hanfodol i lwyddo.\u201d<\/p>\n

\n

Rhagor o wybodaeth am gymryd rhan<\/a> a chefnogi myfyrwyr a graddedigion Caerdydd trwy wirfoddoli.<\/strong><\/em><\/p>\n<\/div>\n