{"id":8715,"date":"2022-11-25T14:43:57","date_gmt":"2022-11-25T14:43:57","guid":{"rendered":"https:\/\/blogs.cardiff.ac.uk\/alumni\/?p=8715"},"modified":"2022-11-25T14:44:59","modified_gmt":"2022-11-25T14:44:59","slug":"diweddariad-i-gynfyfyrwyr-o-ysgol-busnes-caerdydd-yr-athro-rachel-ashworth","status":"publish","type":"post","link":"https:\/\/blogs.cardiff.ac.uk\/alumni\/cy\/2022\/11\/25\/diweddariad-i-gynfyfyrwyr-o-ysgol-busnes-caerdydd-yr-athro-rachel-ashworth\/","title":{"rendered":"Diweddariad i gynfyfyrwyr o Ysgol Busnes Caerdydd – Yr Athro Rachel Ashworth"},"content":{"rendered":"

Mae\u2019r Athro Rachel Ashworth, Deon Ysgol Busnes Caerdydd, yn rhoi\u2019r wybodaeth ddiweddaraf am weithgareddau’r Ysgol a chyflawniadau cymunedol.<\/strong><\/em><\/p>\n

Helo bawb, a chyfarchion o Gaerdydd. Wrth i ddiwedd tymor yr hydref a 2022 agos\u00e1u, roeddwn am roi\u2019r wybodaeth ddiweddaraf ichi am newyddion a gweithgareddau Ysgol Busnes Caerdydd. Yn ogystal, hoffwn rannu digwyddiadau sydd ar y gweill a allai fod o ddiddordeb i chi.<\/p>\n

Y tro diwethaf imi fod mewn cysylltiad, roedd pandemig COVID-19 yn ei anterth o hyd, ond mae\u2019n bleser gennyf ddweud bod ein patrymau gwaith ac astudio wedi ennill eu plwyf erbyn hyn. Mae’r coridorau a’r theatrau darlithio yn brysur unwaith eto yn llawn myfyrwyr newydd a myfyrwyr sy’n dychwelyd, o’r DU a ledled y byd. Mae mor braf clywed am y bwrlwm sydd wedi dychwelyd i’n hadeiladau a’n campws.<\/p>\n

Pleser hefyd yw diolch i\u2019n staff a\u2019n myfyrwyr gwych gan fod yr ysgol wedi parhau i lwyddo, er gwaethaf heriau COVID. Dyma rai o’r uchafbwyntiau.<\/p>\n

Arweinydd byd-eang cyfrifol<\/h2>\n

Datblygiad cyffrous yn y 12 mis diwethaf \u2013 ac un yr ydym yn falch iawn ohono \u2013 oedd derbyn achrediad gan Gymdeithas yr MBAs<\/a> (AMBA). Hon yw\u2019r safon uchaf o gyflawniad mewn addysg busnes \u00f4l-raddedig ac fe\u2019i dyfarnwyd ar \u00f4l asesiad manwl yn 2021. Mae hefyd yn dangos ein hymrwymiad i wella profiad y myfyrwyr a chyflwyno rhaglenni MBA rhagorol ac unigryw sy’n adlewyrchu ein diben o ran gwerth cyhoeddus.<\/p>\n

Ar hyn o bryd mae ein portffolio MBA yn cynnwys rhaglen flaenllaw MBA Caerdydd<\/a> a rhaglen MBA gyda Deallusrwydd Artiffisial<\/a>, partneriaeth gyffrous gyda\u2019r Ysgol Cyfrifiadureg a Gwybodeg<\/a>. Rydym hefyd yn y broses o ailgynllunio ein rhaglen MBA ran-amser ac yn gobeithio dweud rhagor wrthych am hyn mewn diweddariadau yn y dyfodol.<\/p>\n

Pwyslais ar ymchwil o werth cyhoeddus<\/h2>\n

Eleni, cawsom hefyd ganlyniadau Fframwaith Rhagoriaeth Ymchwil 2021<\/a> (REF), sef ymarfer sy\u2019n asesu ansawdd ymchwil mewn sefydliadau addysg uwch (SAUau) ledled y DU. Roeddem wrth ein bodd bod y canlyniadau yn dangos ein bod yn un o 2 ysgol busnes yn unig yn y DU sydd wedi cynnal y sg\u00f4r uchaf posibl ar gyfer amgylchedd ymchwil ac roeddem yn 2il<\/sup> o blith 108 o ysgolion busnes y DU am b\u0175er ymchwil.<\/p>\n

Cawsom ein canmol am ein diben o ran gwerth cyhoeddus ar \u00f4l blaenoriaethu ymchwil sy\u2019n canolbwyntio ar heriau byd-eang, megis gwaith gweddus, econom\u00efau teg a chynaliadwy, a llywodraethu da. Mae rhan o’r broses werthuso yn ystyried y strategaeth, yr adnoddau a’r seilwaith sydd ar waith i gefnogi ymchwil a galluogi effaith. Unwaith eto, mae\u2019r canlyniadau\u2019n dangos bod y diwylliant colegol, cynhwysol a chyfranogol yn yr ysgol yn darparu ymchwil ymgysylltiol, meddylgar ac effeithiol, sydd o fudd i fusnes a\u2019r gymdeithas ehangach.<\/p>\n

Gweithio i gefnogi ein cynfyfyrwyr
\n<\/strong><\/h2>\n

Ymunwch \u00e2’n cymuned ar LinkedIn
\n<\/strong>Rydym newydd greu tudalen LinkedIn<\/a> newydd sy\u2019n rhoi diweddariadau ar ein gweithgareddau, manylion am ein hymchwil, a gwybodaeth am ein digwyddiadau. Gwnewch yn si\u0175r eich bod yn ein dilyn ac yn cadw mewn cysylltiad.<\/p>\n

Gwnewch gwrs Addysg Weithredol rhad ac am ddim
\n<\/strong>Gallwch fanteisio ar yr Addysg Weithredol yr ydym yn ei darparu. Mae\u2019r t\u00eem yn cynnig gweithdy deallusrwydd emosiynol AM DDIM<\/strong> dan arweiniad academydd newydd sydd wedi ymuno \u00e2\u2019n cymuned, Artyom Kliuchnikov o Wcr\u00e1in. Cysylltwch \u00e2 Parry-JonesJ1@caerdydd.ac.uk<\/a> am ragor o wybodaeth ac i gofrestru ar gyfer y digwyddiad ar-lein a gynhelir ar 6 Rhagfyr. Os oes digwyddiadau a chyrsiau eraill a fyddai o ddefnydd i chi, rhowch wybod i ni.<\/p>\n

Gwnewch y gorau o’n digwyddiadau hybrid
\n<\/strong>Mae’r pandemig wedi ein helpu i fod yn fwy arloesol hefyd. Er enghraifft, mae llawer o\u2019n digwyddiadau bellach yn cael eu trefnu ar sail hybrid, fel bod cynifer o bobl a rhanddeiliaid \u00e2 phosibl yn gallu cymryd rhan yn ein sgyrsiau a\u2019n seminarau. Mae hyn yn sicrhau bod cymysgedd amrywiol \u2013 yn ddemograffig ac yn ddaearyddol \u2013 o bobl yn mynd iddynt, gan gyfoethogi\u2019r trafodaethau a\u2019r rhyngweithio \u00e2\u2019r gynulleidfa.<\/p>\n

\"The<\/a>Yn ddiweddar, croesawyd y Gwir Anrh. Mark Drakeford (MS), Prif Weinidog Cymru<\/a>, i\u2019r ysgol ar gyfer cynhadledd a dynnodd sylw at yr heriau i ffoaduriaid o ran dod o hyd i waith yng Nghymru. Roedd hefyd yn cynnwys cyflwyniadau gan gyflogwyr cyfrifol fel Tiny Rebel ac IKEA.<\/p>\n

Byddem yn croesawu eich presenoldeb yn ein cyfres o Sesiynau Hysbysu dros Frecwast<\/a>, sy’n llwyfannu ystod o siaradwyr amrywiol o fyd busnes, y byd academaidd a’r llywodraeth. Y mis hwn, roedd Prif Swyddog Gweithredol Cymdeithas B\u00eal-droed Cymru (CBDC), Noel Mooney, yn sgwrsio \u00e2\u2019r Athro Laura McAllister, cyn Gapten Menywod Cymru ac academydd yn Ysgol y Gyfraith a Gwleidyddiaeth y brifysgol, cyn seremoni agoriadol Cwpan y Byd yn Qatar.<\/p>\n

Siaradodd Noel a Laura yn angerddol am ddyfodol p\u00eal-droed Cymru (Wales), Cymdeithas Bel-droed Cymru ac effaith y pencampwriaethau sydd i ddod. Gallwch wylio’r recordiad byw<\/a> i wrando ar y drafodaeth lawn. A gwnewch yn si\u0175r eich bod yn cadw llygad ar dudalen digwyddiadau\u2019r ysgol<\/a>, lle bydd Sesiynau Hysbysu dros Frecwast yn y dyfodol yn cael eu rhestru. Mae\u2019r ddwy sesiwn olaf yn 2022 eisoes wedi’u hamserlennu:<\/p>\n