{"id":7548,"date":"2021-11-30T15:26:13","date_gmt":"2021-11-30T15:26:13","guid":{"rendered":"https:\/\/blogs.cardiff.ac.uk\/alumni\/?p=7548"},"modified":"2021-11-30T15:26:04","modified_gmt":"2021-11-30T15:26:04","slug":"gobaith-newydd-ar-gyfer-triniaeth-canser-y-dechneg-lawfeddygol-ar-gyfer-cemotherapi-wedii-dargedu%e2%80%af","status":"publish","type":"post","link":"https:\/\/blogs.cardiff.ac.uk\/alumni\/cy\/2021\/11\/30\/gobaith-newydd-ar-gyfer-triniaeth-canser-y-dechneg-lawfeddygol-ar-gyfer-cemotherapi-wedii-dargedu%e2%80%af\/","title":{"rendered":"Gobaith newydd ar gyfer triniaeth canser: y dechneg lawfeddygol ar gyfer cemotherapi wedi’i dargedu\u202f"},"content":{"rendered":"\n
\"\"<\/a><\/figure><\/div>\n\n\n\n

Mae ymchwil canser ym Mhrifysgol Caerdydd yn amrywio o ran ei chyrhaeddiad. O ddarganfod bioleg y clefyd a deall ffyrdd o atal canser, i chwilio am driniaethau newydd a gwell. Nod ein gwaith yw achub a gwella bywydau. <\/p>\n\n\n\n

Nid ffrwyth un person dros nos yw ymchwil lwyddiannus sy’n gwneud gwahaniaeth. Mae’n cael ei hysbarduno gan ymchwilwyr sy’n cydweithio ar draws sawl disgyblaeth ac arbenigedd, gan rannu gwybodaeth ac arbenigedd mewn rhaglenni a phrosiectau gwahanol, ac yn bwydo’n \u00f4l yn barhaus i wella\u2019r ffordd mae\u2019r wyddoniaeth yn cael ei rhoi ar waith yn glinigol o ran yr hyn sy\u2019n cael ei gynnig.  <\/p>\n\n\n\n

Yma, mae Dr Sadie Jones (PhD 2016, MBBCh 2006) Uwch-ddarlithydd Clinigol a Llawfeddyg Ymgynghorol Oncoleg Gynaecoleg yn rhannu gyda ni fanylion treial clinigol hynod ddiddorol i’w gynnal yng Nghaerdydd, gan weithio gyda\u2019i chydweithwyr llawfeddygol a\u2019r gwyddonwyr yn y labordy. Arbenigedd Sadie yw canser yr ofari, canser sydd \u00e2 chyfraddau goroesi gwael gan nad yw cleifion fel arfer yn sylwi ar y symptomau tan nes ymlaen.  <\/p>\n\n\n\n

Enw treial clinigol Sadie a’i chydweithwyr yw PIPAC (Cemotherapi Aerosol dan wasgedd yn y peritonewm) a defnyddirllawdriniaeth twll clo, techneg lawfeddygol sefydledig, i roi cemotherapi drwy chwistrell aerosol yn uniongyrchol i diwmorau cleifion \u00e2 chanser eilaidd yn yr abdomen (y stumog, y coluddyn a\u2019r ofari). Mae’r dull hwn yn taro’r tiwmor yn uniongyrchol \u00e2’r cyffur, gan ddefnyddio ei effaith i\u2019r eithaf ac yn lleihau’r sgil-effeithiau tocsig sydd yn gysylltiedig yn aml \u00e2 chemotherapi pan gaiff ei roi yn y gwaed drwy’r corff. Mae hyn yn gadarnhaol iawn i gleifion ac yn helpu i wella safon eu bywyd wrth iddyn nhw gael y driniaeth. <\/p>\n\n\n\n

Gan weithio’n agos gyda chydweithwyr amlddisgyblaethol yn labordai Prifysgol Caerdydd, bydd y treial hefyd yn bwydo’n \u00f4l i wella datblygiad cyffuriau ar gyfer y targed gorau posibl, y ffordd orau o gyflwyno\u2019r cyffuriau a\u2019r ymateb. Mae hyn yn troi\u2019n adborth cadarnhaol parhaus i wella pob agwedd ar y driniaeth i gleifion a gobeithir y bydd yn arbed ac yn gwella bywydau llawer o bobl. <\/p>\n\n\n\n

Rhagor o wybodaeth drwy wylio sgwrs hynod o ddiddorol Sadie.  <\/strong><\/p>\n\n\n\n

\n