{"id":6645,"date":"2021-04-28T07:43:09","date_gmt":"2021-04-28T07:43:09","guid":{"rendered":"https:\/\/blogs.cardiff.ac.uk\/alumni\/?p=6645"},"modified":"2021-04-28T08:07:05","modified_gmt":"2021-04-28T08:07:05","slug":"chwiorydd-mewn-busnes-cynnyrch-cychod-gwenyn","status":"publish","type":"post","link":"https:\/\/blogs.cardiff.ac.uk\/alumni\/cy\/2021\/04\/28\/chwiorydd-mewn-busnes-cynnyrch-cychod-gwenyn\/","title":{"rendered":"Chwiorydd mewn busnes – cynnyrch cychod gwenyn"},"content":{"rendered":"\n
\"\"<\/a><\/figure><\/div>\n\n\n\n

Astudiodd dwy chwaer, Gillian Nimmo (BSc 1985) a Jane Nimmo (BSc 1986) yr un cwrs ym Mhrifysgol Caerdydd dros 30 mlynedd yn \u00f4l ac yn ddiweddar rhoddodd y ddwy eu pennau at ei gilydd i redeg busnes bach ecogyfeillgar o\u2019r enw Let it Bee, yn gwerthu gofal croen cynaliadwy, sebon a cynhyrchion eraill o gychod gwenyn. Maen nhw’n gweithio yn eu ceginau eu hunain, gyda chymorth miloedd o wenyn prysur. <\/em><\/strong> <\/em><\/strong><\/p>\n\n\n\n

Cyrhaeddodd Gillian Nimmo Brifysgol Caerdydd ym 1981, yn frwd dros ieithoedd ac yn barod i astudio a chael rhywfaint o hwyl. Flwyddyn yn ddiweddarach, cyrhaeddodd ei chwaer Jane, \u00e2\u2019i phryd ar fod yn annibynnol a gweld yr hyn roedd gan y ddinas i\u2019w chynnig.  <\/p>\n\n\n\n

Er mor debyg oedd dewisiadau Gillian a Jane, eu gwahaniaethau a lywiodd eu hamser ym Mhrifysgol Caerdydd a\u2019u perthynas fel partneriaid busnes yn y pen draw yn y dyfodol.  <\/p>\n\n\n\n

“Dewisais Brifysgol Caerdydd gan fy mod wrth fy modd ag ieithoedd,” meddai Gillian i ddechrau. “Ffrangeg a Sbaeneg oedd fy hoff bynciau ac roeddwn i eisiau parhau \u00e2 nhw. Roedd cwrs Caerdydd yn cynnig cyfuniad unigryw o ddwy iaith gydag elfen fusnes.” <\/p>\n\n\n\n

“I mi, roedd y lleoliad yn hollbwysig,” meddai Jane, “cawson ni ein magu yn Abertawe, felly Caerdydd oedd y ddinas fawr. Roedden ni’n arfer mynd i Ynys y Barri i flasu\u2019r hufen i\u00e2 ymhell cyn Gavin and Stacey wneud y lle\u2019n enwog! Roedd Caerdydd yn lle c\u0175l iawn i fod.”  <\/p>\n\n\n\n

“Ac yn ddigon agos i fynd \u00e2 llwyth o olch adref at mam a dad!” ychwanega Gillian gan chwerthin.   <\/p>\n\n\n\n

Er syndod efallai, roedd Gillian a Jane yn byw bywydau gweddol ar wah\u00e2n yn ystod eu hamser yn y brifysgol.  <\/p>\n\n\n\n

“Gan fy mod flwyddyn yn h\u0177n”, meddai Gillian, “Roeddwn eisoes wedi ymgartrefu pan gyrhaeddodd Jane yn fy ail flwyddyn, ac roeddwn yn astudio dramor yn fy nhrydedd flwyddyn. Pan ddes i yn \u00f4l, roedd Jane ar ei blwyddyn dramor. Roedden ni yn dod ar draws ein gilydd o bryd i\u2019w gilydd \u2013 fel arfer wrth far yr undeb!\u201d  <\/p>\n\n\n\n

Am eu bod yn astudio’r un cwrs, cawsant gyfle unigryw hefyd i dreulio rhywfaint o amser gwerthfawr gyda’i gilydd fel chwiorydd. <\/p>\n\n\n\n

“Cawsom gyfle i fynd ar gwrs am fis i ddysgu Catalaneg yng ngogledd Sbaen ac fe wnaethom dreulio llawer o amser gyda’n gilydd yn y mynyddoedd gyda myfyrwyr eraill o Ewrop. Roedd yn brofiad gwych,” meddai Jane.  <\/p>\n\n\n\n

Wrth gwrs, mae ganddynt rai atgofion cyffredin o Brifysgol Caerdydd hefyd.  <\/p>\n\n\n\n

Mae Gill yn gwenu o glust i glust ac yn dweud, “Roedd pob math o ddrygioni yn digwydd yn Neuadd y Brifysgol \u2013 dwi ddim yn si\u0175r y galla i eu hailadrodd! Roedd yn llawer o sbort. Roeddwn wrth fy modd gyda’r diwrnodau rygbi rhyngwladol yng nghanol Caerdydd. Byddem bob amser yn prynu bag o sglodion ar y ffordd adref i geisio sobri rhywfaint. Roedden nhw\u2019n ddyddiau da.”  <\/p>\n\n\n\n

Ar \u00f4l graddio, dilynodd y chwiorydd lwybrau gwahanol ym myd gwaith. <\/p>\n\n\n\n

Aeth Gillian i Lundain a chwrdd \u00e2’i g\u0175r. Symudodd i Seland Newydd a threuliodd 27 mlynedd yn Awstralia, Seland Newydd a Fiji. Dychwelodd i’r DU dair blynedd yn \u00f4l ar \u00f4l gweithio gydag amrywiaeth o sefydliadau di-elw a llywodraeth leol.  <\/p>\n\n\n\n

Syrthiodd Jane dros ei phen \u00e2\u2019i chlustiau mewn cariad \u00e2 Sbaen a Sbaeneg, felly yn syth ar \u00f4l graddio roedd hi ar yr awyren. Bu’n gweithio yn y diwydiant twristiaeth ac yna’n gweithio mewn iard llongau yn Galicia. <\/p>\n\n\n\n

“Roedd yn eithaf anarferol ond roedd yn rhoi boddhad mawr i mi. Dwi’n meddwl y byddwn i wedi aros yno ond daeth fy chwaer arall i fy n\u00f4l a\u2019m llusgo adref!” Meddai Jane. Daeth yn \u00f4l a gweithio yng Nghaerdydd i Awdurdod Datblygu Cymru a threuliodd 30 mlynedd yn gweithio ar faterion Ewropeaidd a gweithio ar brosiectau’r Comisiwn Ewropeaidd.  <\/p>\n\n\n\n

“Rwy’n Europhile go iawn a’m cwrs i yng Nghaerdydd a\u2019m helpodd i lywio pwy ydw i,” esbonia Jane.    <\/p>\n\n\n\n

Ond dros y 10 mlynedd diwethaf, mae Jane wedi bod yn meithrin angerdd arall: cadw gwenyn.  <\/p>\n\n\n\n

\"\"<\/a><\/figure><\/div>\n\n\n\n

“Fe wnes i hynny am resymau amgylcheddol i ddechrau, ac fe ddatblygodd o hynny. Dechreuodd gyda dim ond ambell haid o wenyn ond o fewn dim roedd gen i 6,7,8 haid, a chyda cymaint \u00e2 hynny mae gennych dipyn o f\u00eal yn sb\u00e2r!” Eglura Jane. <\/p>\n\n\n\n

“Mae croen sensitif gyda fi a Gill, felly dechreuais ddefnyddio’r cwyr gwenyn a’r m\u00eal fel gofal croen naturiol a rhoi potiau i ffwrdd fel anrhegion Nadolig. Hwyl oedd y cyfan mewn gwirionedd a dywedodd pobl y dylem ni sefydlu fel busnes, felly dyna beth wnaethon ni.”  <\/p>\n\n\n\n

Jane yw’r gwenynwr, yn creu’r fformiwl\u00e2u ar gyfer y sebon a’r eli. Mae Gillian yn eu profi, yn dylunio’r pecynnu, ac yn gwneud cynhyrchion gwenyn eraill ar gyfer y cartref.  <\/p>\n\n\n\n

“Mae cyfuniad da o sgiliau gyda ni,” meddai Jane, “Pe byddwn i’n ceisio gwneud hyn ar fy mhen fy hun, byddai hi\u2019n anodd iawn arna i gan fod cymaint o beli i\u2019w jyglo. A dydw i ddim yn meddwl ein bod ni erioed wedi bod mor agos fel chwiorydd. Mae’r teulu yn cael llond bol ar adegau oherwydd pryd bynnag y byddwn yn dod at ei gilydd ar gyfer pryd o fwyd fel teulu, maent yn tynnu ein sylw at y ffaith fy mod i Gill wedi bod yn cael cyfarfod pwyllgor Let It Bee wrth un pen o\u2019r bwrdd!” <\/p>\n\n\n\n

“Mae ein teulu ehangach yn wych yn ein cefnogi,” ychwanega Gillian, “Mae partner Jane yn mynd ar ei feic i ddanfon peth cynnyrch yn lleol ac mae ei mab wedi gwneud rhai fideos i ni. Mae hyd yn oed ein mam (yn ei 80au hwyr) yn Abertawe yn dweud wrth ei ffrindiau i gyd. Rydyn ni\u2019n ei hystyried hi fel prif hyrwyddwr ein cynnyrch yng Nghymru!”  <\/p>\n\n\n\n

Tyfodd angerdd Jane dros wenyn a chadw gwenyn dros y blynyddoedd. Yn ogystal \u00e2 rhedeg Let It Bee, mae hi’n ymwneud \u00e2 Chymdeithas Gwenynwyr Swydd Warwick ac mae’n arweinydd addysg ar draws Birmingham, gan annog ac addysgu ei chyd wenynwyr.\u00a0\u00a0<\/p>\n\n\n\n

\n