![\"Godfrey](\"http:\/\/blogs.cardiff.ac.uk\/alumni\/wp-content\/uploads\/sites\/323\/2018\/12\/godfrey_web.jpg\")
<\/a><\/p>\nErs dyfeisio\u2019r teclyn silicon yn 1961, mae datblygiadau technolegau lled-ddargludyddion cyfansawdd wedi newid popeth, o sut rydym yn gyrru i\u2019r ffyrdd yr ydym yn siopa. Maent yn sail i ryfeddodau oes y cyfrifiadur, ac yn gwneud y cyfraniad mwyaf at dwf economaidd byd-eang.<\/p>\n
Arsylwodd yr Athro Gordon Moore, un o sefydlwyr Intel, ar yr hyn a elwir yn \u2018Ddeddf Moore\u2019 erbyn hyn, sef bod gallu cyfrifiadurol yn dyblu bob 18 mis. Mae\u2019r cynnydd yma wedi cael ei ysgogi gan y gallu i leihau deunyddiau electronig, sy\u2019n golygu bod mwy a mwy o rannau yn gallu cael eu hymgorffori mewn un sglodyn bach. Er mai silicon yw defnydd mwyaf poblogaidd microbroseswyr o hyd, mae hi\u2019n mynd yn anoddach ac yn fwy costus fyth i gynnal y twf yma. Yn wir, mae Moore wedi rhybuddio na allwn fynd ymhellach yn y maes hwn. Yn syml: gallwn ni ddim gwneud pethau yn llai eto.<\/p>\n
Mae galw\u2019r defnyddiwr am gynnyrch gwell a doethach yn herio lled-ddargludyddion traddodiadol. Er mwyn eu pweru, mae angen teclynnau perfformiad-uchel, \u00e2 gallu cyflymach, sy\u2019n defnyddio llai o ynni. Dyna pam mae lled-ddargludyddion cyfansawdd mor bwysig. Maent lawer cyflymach na\u2019r rhai silicon yn unig, ac mae deunyddiau fel gallium arsenide, indium phosphide a gallium nitride yn allweddol lle mae perfformiad effeithlon, cyflym yn hanfod.<\/p>\n
Mae priodoleddau photonic y deunyddiau yma – eu gallu i allyrru a chanfod golau yn golygu y gallent fod yn ddefnyddiol ar gyfer pob math o dechnolegau synhwyro sy\u2019n hynod bwysig yn y byd awtonomaidd a chysylltiedig sydd ohoni. Mae gan led-ddargludyddion cyfansawdd r\u00f4l ganolog yn ein bywyd bob dydd yn barod, o ddyfeisiau sy\u2019n gallu adnabod wynebau i gerbydau cysylltiedig electronig, o dechnolegau gofal iechyd uwch i ddyfeisiau p\u0175er solar effeithlon iawn.<\/p>\n
Mae Prifysgol Caerdydd wedi cydnabod y potensial mewn lled-ddargludyddion cyfansawdd ers amser. Yma yn IQE, rydym yn gwerthfawrogi ymchwil academaidd arloesol ac rydym wedi buddsoddi mewn menter ar y cyd gyda\u2019r Brifysgol er mwyn agor Y Ganolfan Lled-ddargludyddion Cyfansawdd (CSC) yn 2015.<\/p>\n
Drwy gyfuno ymchwil, arloesedd a phrofiadau gweithgynhyrchu, rydym yn gallu creu technolegau newydd y mae datblygwyr, busnesau a\u2019r gymuned ehangach yn gallu eu defnyddio yn syth. Mae ein partneriaeth hefyd yn cynnig hyfforddiant er mwyn cefnogi\u2019r peirianwyr sy\u2019n deall lled-ddargludyddion cyfansawdd a\u2019u potensial enfawr.<\/p>\n
Mae IQE yn falch bod eu pencadlys ym mhrifddinas Cymru. Mae\u2019r CSC, Prifysgol Caerdydd a\u2019r Sefydliad Lled-ddargludyddion Cyfansawdd gerllaw – ac oherwydd hynny mae de Cymru yn cael ei chydnabod yn fyd-eang fel canolfan ragoriaeth yn y maes.<\/p>\n
Mae hynny\u2019n fuddiol i\u2019r economi leol ac yn sail ar gyfer ecosystem hynod arloesol. Mae\u2019r clwstwr yma yn prydur ddenu sylw\u2019r ymchwilwyr, peirianwyr a\u2019r datblygwyr mwyaf talentog – a drwy rannu\u2019r arbenigedd a\u2019r cyfleusterau sydd gennym wrth law, gallwn gyflawni unrhyw beth.<\/p>\n