![\"Ali](\"http:\/\/blogs.cardiff.ac.uk\/alumni\/wp-content\/uploads\/sites\/323\/2018\/12\/ali_web.jpg\")
<\/a><\/p>\nCefais fy magu yn Grangetown ac rwy\u2019n angerddol dros ei gwneud yn lle gwell fyth i fyw. Mae Prifysgol Caerdydd yn rhannu’r weledigaeth honno.<\/p>\n
Does unman yn fwy amlwg na Phafiliwn Grange. Am amser hir, dim ond y Clwb Bowlio oedd yn defnyddio\u2019r lle \u2013 15 o bobl mewn siwtiau Gwyn yn chwarae bowls a chloi’r gi\u00e2t ar eu h\u00f4l. Roedd y ffensys yn chwe throedfedd o uchder. Pan orffennodd y clwb, dechreuodd yr adeilad ddadfeilio a dechreuodd y trigolion lleol bryderu.<\/p>\n
Dyna pryd derbyniais ebost gan y Brifysgol – roeddent yn chwilio am fentrau ar gyfer eu rhaglenni ymgysylltu cymunedol. Roeddwn yn bryderus iawn i ddechrau: Doeddwn i ddim am fod yn rhan o rywbeth na fyddai\u2019n cal unrhyw effaith, oherwydd, fel y gwyddoch, mae prosiectau yn mynd a dod, ond mae cymunedau yn barhaol. Ond wrth imi gael mwy o wybodaeth, gwyddwn y gallwn gredu yn y fenter. Felly, defnyddiais fy nghysylltiadau gyda’r gymuned i ledaenu’r gair: “Gadewch inni gredu yn hyn. Gallai wneud gwahaniaeth gwirioneddol.”<\/p>\n
Y peth cyntaf a wnaethom oedd gofyn “beth y mae\u2019r gymuned ei hun eisiau?'” a dywedon nhw “Rydyn ni eisiau gwneud y lle hwn yn fwy, yn fwy disglair ac yn well” \u2013 a bellach mae\u2019n cael ei ailwampio’n llwyr.<\/p>\n
Mae\u2019r Brifysgol wedi twtio\u2019r lle ac mae\u2019r adeilad ar agor i\u2019r gymuned saith diwrnod yr wythnos. Mae myfyrwyr pensaern\u00efaeth Prifysgol Caerdydd wedi siarad \u00e2 gwahanol rhanddeiliaid fel rhan o’u haddysg fyw, yn datblygu dyluniadau, gyda\u2019r gymuned yn graidd i\u2019w cynlluniau. Rydym yn mynd i ehangu ein gorwelion ac agor caffi gyda chegin lle gall grwpiau cymunedol ddod a dysgu sut i goginio ar gyfer ei gilydd. Mae’n brofiad gwych; mae llawer o fyfyrwyr yn parhau yn rhan o\u2019r fenter ar \u00f4l iddynt raddio hyd yn oed!<\/p>\n
Ond dim ond rhan o\u2019r fenter yw\u2019r brics a\u2019r morter. Mae Prifysgol Caerdydd yn datblygu partneriaethau gydag ysgolion lleol i gyfoethogi’r profiad o ddysgu ac i helpu pobl ifanc i anelu at addysg uwch. Ymhlith digwyddiadau eraill, fe wnaethom gynnal Wythnos Gyrfaoedd gyda gwahanol ysgolion o fewn y Brifysgol; Y Gyfraith, Daearyddiaeth, Gwyddorau\u2019r Ddaear, Busnes a Meddygaeth. Cafodd diwrnod agored bach ei chynnal yma yn y Pafiliwn hyd yn oed. Mae pob person ifanc a gafodd sgwrs gyda ni yn awr yn awyddus i astudio ym Mhrifysgol Caerdydd.
\nMae cymaint o botensial yn ein cymunedau. Rhaglenni ymgysylltu blaenllaw Prifysgol Caerdydd yw’r mwyaf uchelgeisiol o\u2019u math, gan ddefnyddio ymchwil a sgiliau arbenigol i gefnogi lleoedd fel Grangetown, ac ar draws Cymru. Gyda’r math hwnnw o ymrwymiad, mae\u2019r dyfodol yn edrych yn ddisglair iawn!<\/p>\n