{"id":3400,"date":"2018-12-13T10:54:04","date_gmt":"2018-12-13T10:54:04","guid":{"rendered":"http:\/\/blogs.cardiff.ac.uk\/alumni\/?p=3400&lang=cy"},"modified":"2018-12-20T12:13:48","modified_gmt":"2018-12-20T12:13:48","slug":"kellie-beirne-cardiff-capital-region-city-deal","status":"publish","type":"post","link":"https:\/\/blogs.cardiff.ac.uk\/alumni\/cy\/2018\/12\/13\/kellie-beirne-cardiff-capital-region-city-deal\/","title":{"rendered":"Newid y drefn: Kellie Beirne (BA 1997, MSc 2003) – Bargen Ddinesig Prifddinas-Ranbarth Caerdydd"},"content":{"rendered":"

Kellie Beirne (BA 1997, MSc 2003) yw Cyfarwyddwr y Rhaglen ar gyfer Bargen Ddinesig Prifddinas-Ranbarth Caerdydd sydd werth \u00a31 biliwn, ac yn gwella isadeiledd prifddinas Cymru.<\/p>\n

\"Kellie<\/a>
Kellie Beirne<\/figcaption><\/figure>\n

Os wyf i wneud gwahaniaeth unrhyw le, y lle anhygoel hwn ydyw: y ddinas rwy’n hanu ohoni, ac yn teimlo cymaint o angerdd yn ei chylch.<\/p>\n

Mae prifddinas-ranbarth Caerdydd<\/a> yn gartref i dros 60% o boblogaeth Cymru, ond mae ganddi hefyd rhai o’r lefelau uchaf o dlodi ac amddifadedd. Pam? Am nad yw ein economi cystal ag y dylai fod, ac am fod gennym rai problemau cymdeithasol dwfn.<\/p>\n

Mae hyn yn erbyn cefndir o dirluniau gogoneddus, digonedd o adnoddau naturiol, pobl anhygoel a chymunedau cysylltiedig. Mae gennym ysbryd ac egni go iawn yma, ac rwyf eisiau gwneud fy ngorau i helpu i ryddhau’r priodweddau hynny.
\nMae’r Fargen Ddinesig yn ymwneud \u00e2 thwf economaidd da, twf sy’n gwneud daioni, nid cyrraedd targedau’n unig. Mae’n ymwneud \u00e2 datblygu economi ystwyth a hyblyg. Os gallwn ailgreu’r amodau lle mae pobl yn fwy hunangynhaliol a chanddynt well rhagolygon, dyna fydd yn ein gwarchod orau rhag anghyfiawnder ac anghydraddoldeb.<\/p>\n

\"Development<\/a>Mae Deddf Llesiant Cenedlaethau’r Dyfodol Llywodraeth Cymru yn golygu ein bod yn meddu ar gyfle ardderchog i wneud gwahaniaeth wrth gam cynnar; i ystyried cyfleoedd bywyd ein plant a’u plant hwythau, pobl nad ydynt wedi’u geni eto.<\/p>\n

Mae anghydraddoldeb ac anghyfiawnder yn bethau sydd wedi fy nghymell erioed. Penderfynais astudio ar gyfer gradd mewn Iaith a Chyfathrebu am fy mod o’r farn bod deall cymelliadau cynhenid rhywun yn fodd pwysig o feithrin perthnasoedd cryf, a’r cyflawniad proffesiynol sy’n dal i beri’r balchder pennaf i mi yw’r amser a dreuliais yn gweithio ar hostel i’r digartref ar \u00f4l graddio.<\/p>\n

Symudais ymlaen i’r sector tai, am fod hynny’n ffordd ymarferol, ar y cyd o fynd i’r afael \u00e2 rhai o’r materion sylfaenol ynghylch anghyfiawnder cymdeithasol. Gwir, brics a morter yn unig yw hynny, ond gall ein helpu i ddeall yr hyn sy’n cymell pobl, yr heriau y maent yn eu hwynebu a’r cyfleoedd sydd eu hangen arnynt. <\/p>\n

Mae’r gwersi hynny wrth wraidd y Fargen Ddinesig ac ynghlwm wrth y gred sylfaenol bod bob person yn haeddu cael ei drin ag urddas a pharch. Pryd bynnag y gallwn ddangos tosturi, mae’n ddyletswydd foesol arnom i wneud hynny. Dyma’r hyn rwy’n gobeithio ei gyflawni.<\/p>\n

Hefyd yn y gyfres:<\/p>\n