{"id":3371,"date":"2018-12-17T11:19:20","date_gmt":"2018-12-17T11:19:20","guid":{"rendered":"http:\/\/blogs.cardiff.ac.uk\/alumni\/?p=3371&lang=cy"},"modified":"2018-12-21T10:05:47","modified_gmt":"2018-12-21T10:05:47","slug":"examined-life-shrouk-el-attar-meng-2018","status":"publish","type":"post","link":"https:\/\/blogs.cardiff.ac.uk\/alumni\/cy\/2018\/12\/17\/examined-life-shrouk-el-attar-meng-2018\/","title":{"rendered":"Examined Life – Shrouk El-Attar (MEng 2018)"},"content":{"rendered":"

\"Examined<\/a><\/p>\n

Mae Shrouk El-Attar, ymgyrchydd blaenllaw LGBT+ wedi cael ei henwi yn \u2018Fenyw Ifanc y Flwyddyn\u2019 2018 gan Uwch-gomisiynydd y Cenhedloedd Unedig dros Ffoaduriaid.<\/p>\n

Dwi wedi derbyn rhagfarn gymdeithasegol ers pan oeddwn yn ifanc iawn. <\/strong>Ces i fy magu yn yr Aifft, ac am amser hir, roeddwn yn gwrthod cydnabod fy hunaniaeth rywiol ac yn credu y dylai pobl LGBT+ gael eu cosbi. Pam? Roedden ni\u2019n cael ein dysgu i gas\u00e1u ein hunain.<\/p>\n

Dechreuais ysgrifennu yn Arabeg er mwyn cydnabod ein bodolaeth a bod hynny yn iawn , <\/strong>ond roedd yr eirfa oedd ar gael yn fy nghyfyngu. Mae iaith mor bwerus. Tan yn ddiweddar iawn, doedd dim geiriau positif am bobl LGBT+ ar gael yn Arabeg. Dychmygwch geisio dweud wrth rywun y dylent dderbyn eu hunain, ond yn defnyddio geiriau a oedd yn eu sarhau? Dyna pam bod dyfodiad y gair Methly<\/em> (\u2018fel fi\u2019) mor bwysig – oherwydd mae\u2019n dweud bod pobl LGBT+ yn bobl fel pawb arall. Pan ddarllenais y gair am y tro cyntaf, roedd dagrau o lawenydd yn llifo i lawr fy ngrudd wrth i fi syllu ar y sgrin. Roedd fy iaith yn newid: roedd yn fwy caredig wrtha i.<\/p>\n

Cafodd fy mam, fy mrawd a fy chwaer eu halltudio mewn cyrch mewnfudwyr ar doriad gwawr.<\/strong> Roedd fy mam wedi ceisio am loches yn y DU, ac am gyfnod roeddem ni i gyd yn byw mewn un ystafell mewn lloches ar Heol Casnewydd. Roeddwn wedi cael fy ngadael ar fy mhen fy hun yn y DU. Roedd yn dorcalonnus. Yn y pen draw, cefais statws ffoadur, ac er nad oeddwn mewn cyflwr da iawn, y peth cyntaf gwnes i oedd gwneud cais ar gyfer astudio Peirianneg ym Mhrifysgol Caerdydd. Roeddwn mor lwcus o fy nhiwtor arbennig ac o\u2019r cymorth gwych a dderbyniais drwy Wasanaethau Cefnogi\u2019r Brifysgol i fy annog drwy amseroedd caled.<\/p>\n

Yn ystod fy nghyfnod ym Mhrifysgol Caerdydd, fe ymunais \u00e2\u2019r Gymdeithas Gweithredu dros Ffoaduriaid (STAR).<\/strong> Fy mhrif ffocws gyda STAR yw\u2019r ymgyrch Mynediad Cyfartal. Mae menywod sy\u2019n ffoaduriaid yn llwyr ymwybodol bod addysg yn gallu newid bywydau, ond nid yw rhai o bobl fwyaf bregus y byd yn cael mynediad at addysg. Pan ddechreuais ar yr ymgyrch, ychydig iawn o brifysgolion oedd yn derbyn ceiswyr lloches fel myfyrwyr cartref; erbyn hyn, mae tua 60 yn gwneud a dwi\u2019n falch o allu dweud mai Caerdydd yw\u2019r Brifysgol Mynediad Cyfartal gyntaf yng Nghymru.<\/p>\n

O ganlyniad i fy ngradd Feistr, dwi\u2019n credu fy mod newydd newid y byd! <\/strong>Mae electroneg wedi fy nghyfareddu erioed, ac fe ges i\u2019r cyfle i ddatblygu rhywbeth gwirioneddol wych. \u00a0Gweithiais gyda gr\u0175p ymchwil gwych ac elwa o\u2019r cyfoeth o wybodaeth sydd gan Brifysgol Caerdydd ym maes Cyseiniant Parafagnetig Electron (EPR). Mae\u2019n dechnoleg sy\u2019n cymharu \u00e2 sganio MRI. Mae cyfarpar Technolegau EPR yn llenwi ystafelloedd cyfan ac yn costio miliynau o bunnoedd ar hyn o bryd. Datblygais dechnoleg sydd tua\u2019r un maint a hambwrdd ac sydd ond yn costio ychydig o gannoedd o bunnoedd yn rhan o fy ngradd Feistr! Dychmygwch ryw ddydd y bydd hi\u2019n bosib canfod canser gyda theclyn sydd yr un maint \u00e2 ff\u00f4n symudol.<\/p>\n

Mae menywod mewn Gwyddoniaeth, Technoleg, Peirianneg, a Mathemateg (STEM) wedi llwyddo yn barod <\/strong>drwy gyrraedd yno. Pan ddechreuais fy ngradd, dim ond 8% o beirianwyr y DU oedd yn fenywod: y raddfa leiaf yn Ewrop. Mae angen modelau r\u00f4l yn y meysydd yma i ddangos bod STEM yn opsiwn ar gyfer merched. Pwy a \u0175yr pa fath o bethau anhygoel y gallan nhw eu datblygu? Dwi\u2019n hapus bod Prifysgol Caerdydd yn chwarae ei rhan, a dwi wedi bod yn rhan o raglenni ail-gymorth di-ri gyda STEM.<\/p>\n

Mae fy ngradd yn waith caled, felly\u2019r haf yw\u2019r cyfle i fi ganolbwyntio ar y dawnsio a\u2019r gwaith ymgyrchu. <\/strong>Dwi wedi perfformio ledled y byd, yn Ewrop, UDA a Japan. Dwi\u2019n perfformio dawnsio bola traddodiadol mewn drag gyda barf er mwyn protestio yn erbyn y ffordd mae pobl LGBT+ yn cael eu trin yn fy ngwlad. Cafodd un o fy ffrindiau ei garcharu am chwifio baner Enfys mewn cyngerdd. Dwi\u2019n ymdrechu i berfformio mewn Saesneg ac Arabeg, oherwydd, er bod termau newydd fel Methly<\/em> yn bodoli, mae siarad yn gadarnhaol am brofiadau LGBT+ mewn Arabeg yn chwyldroadol o hyd.<\/p>\n

Roedd yn anhygoel cael fy enwi yn \u2018Fenyw Ifanc y Flwyddyn\u2019 gan Uchel Gomisiwn y Cenhedloedd Unedig dros Ffoaduriaid. <\/strong>Roedd yn brofiad mor anhygoel cael fy nghydnabod gan un o\u2019r cyrff mwyaf dylanwadol yn y byd, ac i fod yng nghanol menywod pwerus sy\u2019n gweithio mor galed i newid bywydau.<\/p>\n

Fy amser ym Mhrifysgol Caerdydd oedd y sylfaen i\u2019r unigolyn yr wyf i heddiw <\/strong>a byddwn yn berson gwahanol pe bawn wedi astudio unrhyw le arall. Dwi\u2019n caru Cymru, ac rwy\u2019n ystyried fy hun yn rhannol Gymreig! Caerdydd yw fy ninas i, Caerdydd yw fy nghartref.<\/p>\n

Darllen fwy am Cardiff Connect<\/h3>\n