Mae Diogo Godoi yn rhannu sut y cafodd ei brofiad Interniaeth ar y campws ei enwebu ymhellach, yn yr arddangosfa Posteri yn y Senedd.<\/p>\n
Cafodd myfyrwyr carfan haf 2025 y cyfle cyffrous i gael eu henwebu ar gyfer arddangosfa Posters in Parliament<\/em>. Fe wnaeth hyn eu galluogi i arddangos eu gwaith i gynulleidfa genedlaethol ehangach a chael profiad gwerth chweil o gyflwyno mewn amgylchedd proffesiynol.<\/p>\n Yn yr astudiaeth achos isod, mae’r intern Diogo Godoi yn myfyrio ar ei brofiad o’r cynllun, gan roi manylion am y cyfleoedd a gr\u00ebwyd ganddo a’r effaith barhaol a gafodd ar ei ddatblygiad.<\/p>\n Mae taith Diogo yn amlygu sut y gall interniaeth sbarduno twf academaidd a phroffesiynol. Gall hefyd feithrin hyder, datblygu sgiliau allweddol, ehangu rhwydweithiau ac agor drysau i gyfleoedd y tu hwnt i’r lleoliad gwaith cychwynnol.<\/p>\n Yr haf diwethaf, cefais y fraint o wneud interniaeth yn Hwb yr Ymennydd a Genomeg, gr\u0175p ymchwil sy’n ymchwilio i salwch meddwl difrifol ym Mhrifysgol Caerdydd.<\/p>\n Yn ystod yr interniaeth, cefais y cyfle i weithio wyneb yn wyneb \u00e2 chleifion yn ogystal \u00e2 helpu i gynnal astudiaeth ar raddfa fawr. Roedd yr astudiaeth yn cyfuno genomeg, niwro-ddelweddu, a data gwybyddol ac ymddygiadol er mwyn cael gwell dealltwriaeth o natur a mecanweithiau anhwylderau seicotig. Rhoddodd y profiad y cyfle imi ddysgu cymaint am y cyflyrau hyn, yn ogystal \u00e2 sut y cynhelir ymchwil o safon fyd-eang yn ymarferol. Bu\u2019n rhaid imi hefyd ddatblygu fy sgiliau clinigol a meintiol, ac fe wnaeth yr amser a dreuliais ar y prosiect hwn ddyfnhau fy angerdd dros ymchwil ac fy annog i\u2019w dilyn ymhellach yn y dyfodol.<\/p>\n Ar ben hynny, cefais y cyfle i arwain prosiect ymchwil a edrychodd ar y ffactorau sy’n gysylltiedig \u00e2 difrifoldeb uwch symptomau seicotig. Dangosodd ein canfyddiadau fod rhai o’r ffactorau risg seiciatrig cyffredin yn gysylltiedig \u00e2 difrifoldeb uwch o ran symptomau. Daeth i\u2019r amlwg fod cysylltiadau penodol rhwng rhai newidynnau penodol \u00e2 symptomau gwahanol, gan amlygu cymhlethdod y cyflyrau hyn.<\/p>\n Ym mis Tachwedd, cefais y cyfle i gyflwyno’r canlyniadau hyn ar ffurf poster yn arddangosfa Interniaethau ar y Campws yng Nghaerdydd, yn ogystal \u00e2 rhoi cyflwyniad byr am y prosiect i gyd-fyfyrwyr ac academyddion. Yn dilyn hynny, dewiswyd y poster i’w gyflwyno yn arddangosfa ‘Posters in Parliament’ yn Senedd y DU. Roedd yn brofiad gwefreiddiol, ac roedd yn wych gallu rhannu ein hymchwil ag Aelodau Seneddol a llunwyr polis\u00efau sy\u2019n gwneud penderfyniadau ar y lefelau uchaf.<\/p>\n Yn fwy diweddar, cefais y fraint hefyd o gyflwyno’r prosiect hwn yng Nghyngres Seiciatreg Ewrop 2026 yn Prague, a rhannu ein hymchwil \u00e2 chlinigwyr ac ymchwilwyr o bob cwr o’r byd. Roedd dysgu o’r holl ddarlithoedd yn brofiad gwych yn ogystal \u00e2 gweld sut mae ymchwil ac arferion clinigol yn cydweithio i ddatblygu ein dealltwriaeth o salwch meddwl a\u2019r driniaeth ar ei chyfer. Roedd cyflwyno’r gwaith hwn mewn lleoliadau mor wahanol yn brofiad gwerth chweil, ac fe amlygodd pa mor bwysig yw cyfathrebu ymchwil wyddonol yn effeithiol ag amrywiaeth eang o gynulleidfaoedd: O arbenigwyr i’r cyhoedd.<\/p>\n Hoffwn ddiolch i d\u00eem cyfan Hwb yr Ymennydd a Genomeg: Lowri Evans, Blessing Omoregbee, Fevin Saji, Soumita Ramesh a Georgia Dash, am roi\u2019r fath groeso ac am ddysgu cymaint imi mewn cyfnod mor fyr. Diolch hefyd i Arweinwyr Ymchwil Hwb yr Ymennydd a Genomeg: James Walters a Neil Harrison am y cyfle hwn a’u harweiniad. Yn olaf, hoffwn ddiolch i fy ngoruchwylwyr anhygoel: Sophie Legge a Carolyn McNabb am eu gwaith mentora ac addysgu amhrisiadwy, ac am roi\u2019r profiad trawsnewidiol hwn imi.<\/p>\n Gwelwch lluniau o ddigwyddiad Posters in Parliament<\/a>.<\/p>\nDiogo Godoi<\/strong><\/h2>\n