{"id":5994,"date":"2025-11-24T14:03:50","date_gmt":"2025-11-24T14:03:50","guid":{"rendered":"https:\/\/blogs.cardiff.ac.uk\/LTAcademy\/?p=5994"},"modified":"2025-11-24T14:03:55","modified_gmt":"2025-11-24T14:03:55","slug":"nid-lliwiau-tlws-yn-unig-defnyddio-lliw-a-chyferbyniad-yn-gynhwysol","status":"publish","type":"post","link":"https:\/\/blogs.cardiff.ac.uk\/LTAcademy\/cy\/nid-lliwiau-tlws-yn-unig-defnyddio-lliw-a-chyferbyniad-yn-gynhwysol\/","title":{"rendered":"Nid lliwiau tlws yn unig: Defnyddio lliw a chyferbyniad yn gynhwysol."},"content":{"rendered":"

Gan Alex Stewart a Heather Pennington, yr Academi Dysgu ac Addysgu.<\/strong><\/p>\n

Yn dilyn ein blog diweddar ar ffontiau hygyrch a meintiau testun \u2018 Peidiwch ag anghofio\u2019r print m\u00e2n: Awgrymiadau ar ddefnyddio ffontiau a meintiau testun sy\u2019n hygyrch \u2019<\/a>, mae\u2019r neges hon yn canolbwyntio ar elfen arall hollbwysig o hygyrchedd digidol: lliw a chyferbynnu.<\/p>\n

Ydych chi erioed wedi cael trafferth yn darllen testun gwan ar sgr\u00een llachar? I nifer o ddefnyddwyr, yn enwedig pobl sydd ag amhariad ar y golwg neu anghenion hygyrchedd penodol, mae lliw a chyferbyniad yn fwy na dewis dylunio\u2019n unig \u2013 mae\u2019n hanfodol i hygyrchedd.<\/p>\n

Mae llawer o staff a myfyrwyr ym Mhrifysgol Caerdydd yn dibynnu ar ddarllenwyr sgr\u00een, chwyddwyr, neu osodiadau gweledol wedi\u2019u haddasu i weld cynnwys digidol. I bobl eraill, gan gynnwys y rhai sydd ag amhariad ar y golwg neu ddiffyg golwg lliw, mae cyferbynnu da a defnyddio lliwiau mewn modd ystyrlon yn gallu gwneud y gwahaniaeth rhwng elwa\u2019n llawn o\u2019ch deunyddiau neu golli gwybodaeth bwysig.<\/p>\n

Defnyddio lliwiau cyferbyniol<\/h4>\n

I hwyluso\u2019r darllen, gwnewch yn si\u0175r bod cyferbyniad cryf rhwng y testun a\u2019r cefndir. Testun tywyll ar gefndir golau \u2013 er enghraifft lliw du ar hufen, neu las tywyll ar lwyd golau \u2013 sydd fel arfer fwyaf effeithiol. Dylid osgoi defnyddio testun lliw golau ar gefndiroedd gwyn neu roi testun dros ddelweddau manwl neu raddiannau.<\/p>\n

Yn ogystal \u00e2 chyferbynnu da, byddwch yn ymwybodol o\u2019r modd y mae gwahanol gyfuniadau lliw yn cael effaith ar ddefnyddwyr sydd \u00e2 dyslecsia neu sy\u2019n prosesu gwybodaeth weledol yn wahanol. Mae \u00a0canllawiau arddull Cymdeithas Dyslecsia Prydain<\/a> yn argymell osgoi defnyddio cefndir gwyn pur, sy\u2019n achosi disgleirdeb. Yn lle hynny, defnyddiwch liwiau pastel meddal, llwydwyn, hufen neu lwyd golau. Defnyddiwch destun tywyll ar y cefndiroedd goleuach hyn \u2013 er enghraifft, glas tywyll ar felyn golau, neu frown tywyll ar hufen. Ceisiwch osgoi paru lliwiau megis gwyrdd a choch a phinc, sydd weithiau\u2019n achosi problemau i ddefnyddwyr sydd \u00e2 dyslecsia neu ddiffyg golwg lliw. Lle y bo\u2019n bosibl, rhowch ddewis i\u2019r defnyddwyr addasu\u2019r lliwiau eu hunain gan ddefnyddio fformatau neu adnoddau hygyrch. Mae modd i\u2019r newidiadau syml hyn leihau straen gweledol yn sylweddol a gwella darllenadwyedd i lawer o ddysgwyr.<\/p>\n

Peidiwch \u00e2 dibynnu ar liw yn unig<\/h4>\n

Os ydych chi\u2019n defnyddio lliw i gyfleu ystyr (e.e. coch i \u2018stopio\u2019, gwyrdd i \u2018fynd\u2019), dylech bob amser gynnwys ail ddangosydd, er enghraifft eiconau, testun, neu labeli. Mae hyn yn helpu defnyddwyr sydd \u00e2 diffyg golwg lliw a\u2019r rhai sy\u2019n addasu gosodiadau’r dangosydd sgr\u00een.<\/p>\n

Mae\u2019r Sefydliad Ymwybyddiaeth Lliw Ddall <\/em>yn cynnwys gwybodaeth ddefnyddiol a deunyddiau i addysgwyr a phobl sy\u2019n cefnogi profiadau myfyrwyr. Cliciwch yma i gael rhagor o wybodaeth.<\/a><\/p>\n

Profwch eich dyluniadau<\/h4>\n

Cewch ddefnyddio adnoddau megis Colour Contrast Checker WebAIM<\/a> i \u00a0brofi a yw eich testun yn bodloni safonau\u2019r WCAG.<\/p>\n

Rhestr wirio lliw a chyferbyniad:<\/h4>\n