{"id":5522,"date":"2025-05-29T10:34:03","date_gmt":"2025-05-29T10:34:03","guid":{"rendered":"https:\/\/blogs.cardiff.ac.uk\/LTAcademy\/?p=5522"},"modified":"2025-05-29T10:34:03","modified_gmt":"2025-05-29T10:34:03","slug":"creu-ystafelloedd-dianc-deniadol-a-difyr-gyda-xerte","status":"publish","type":"post","link":"https:\/\/blogs.cardiff.ac.uk\/LTAcademy\/cy\/creu-ystafelloedd-dianc-deniadol-a-difyr-gyda-xerte\/","title":{"rendered":"Creu ystafelloedd dianc deniadol a difyr gyda Xerte"},"content":{"rendered":"

Ysgrifennwyd y blog hwn gan Punsisi Somaratne yn nh\u00eem Addysg Ddigidol yr Academi Dysgu ac Addysgu.<\/h4>\n

Mae dysgu drwy chwarae a dysgu sy\u2019n seiliedig ar gemau yn bynciau o bwys ym myd addysg gan fod ystafelloedd dianc digidol yn mynd yn boblogaidd ymhlith myfyrwyr sy\u2019n cymryd rhan mewn heriau wrth iddyn nhw gaffael gwybodaeth [1]. Gall myfyrwyr gystadlu yn y gemau hyn i wella eu meddwl beirniadol tra\u2019n gweithio ar y cyd. Mae\u2019n rhoi profiad dysgu dilys i\u2019r myfyrwyr, gan ganiat\u00e1u iddyn nhw fod yn weithgar wrth ddysgu o\u2019i gymharu \u00e2 dysgu traddodiadol.<\/p>\n

O’u cymharu ag ystafelloedd dianc go iawn, mae angen llai o adnoddau ar ystafelloedd dianc digidol i’w dylunio a’u darparu. Os dewisir yr offeryn digidol cywir i ddylunio’r g\u00eam, bydd yn gost-effeithiol ac ar gael unrhyw bryd. O ran hygyrchedd a chynwysoldeb, bydd gan fyfyrwyr fwy o gyfleoedd i gymryd rhan na’r rheini yn y byd go iawn [2]. Offer digidol y gellir eu defnyddio i ddylunio ystafelloedd dianc digidol yw Google Forms, Microsoft OneNote, Microsoft Forms, Microsoft Sway a Xerte. Yn y blog hwn, rwy’n rhannu enghraifft syml o ystafell ddianc ddigidol a ddyluniwyd yn Xerte<\/strong><\/a>.<\/p>\n

Mae gan Xerte<\/strong><\/a> gasgliad o gynnwys rhyngweithiol sy’n cefnogi creu ystafelloedd dianc. Mae’r enghraifft a ddefnyddir yn y blog hwn yn dangos sut y gellir defnyddio cynnwys rhyngweithiol i ddylunio’r g\u00eam. Cyn belled \u00e2 bod gennych chi stori a chwisiau\/posau, nid yw’n anodd.<\/p>\n

I ddylunio’r g\u00eam, defnyddiais y camau syml canlynol [3].<\/p>\n

    \n
  1. Llunio stori ddiddorol<\/strong> – Ysgrifennwch thema\u2019r stori ddiddorol sy’n dal sylw’r sawl sy\u2019n cymryd rhan.<\/li>\n
  2. Dewch \u00e2’ch stori yn fyw gan ddefnyddio graffeg<\/strong> – Dyluniwch graffeg addas sy’n cyd-fynd \u00e2 thema’r stori. Fy arf cyfrinachol oedd ‘Microsoft Copilot’ (sgwrsfot DA cynhyrchiol), gan nad oeddwn i eisiau poeni am yr hawlfraint neu am beidio \u00e2 bod yn artist.<\/li>\n
  3. Creu cwisiau a chliwiau<\/strong> – Defnyddiwch ystod o fathau o gwestiynau i lunio cwestiynau a fydd yn helpu’r myfyrwyr i gyflawni nodau’r gweithgaredd.<\/li>\n
  4. Profwch y dyfroedd<\/strong> – Mynnwch adborth gan ffrindiau beirniadol. Gadewch iddyn nhw chwarae’r g\u00eam a gweld a yw’n gweithio yn \u00f4l y disgwyl!<\/li>\n
  5. Ewch ati i fireinio<\/strong> – Adolygwch y cynnwys a\u2019r swyddogaethau yn seiliedig ar y sylwadau. Hefyd, rwy’n argymell defnyddio thema Offeryn Ar-lein Xerte<\/a> (XOT) i wella’r diwyg. Ar hyn o bryd, dim ond i staff Prifysgol Caerdydd mae XOT ar gael, ond cyn bo hir bydd ar gael i ddefnyddwyr allanol.<\/li>\n<\/ol>\n

    Mae cymryd rhan mewn gweithgareddau ystafell ddianc yn meithrin gwaith t\u00eem yn ogystal \u00e2\u2019r gallu i ddatrys problemau a meddwl yn feirniadol. Gellir cymhwyso’r g\u00eam i unrhyw bwnc neu gyd-destun. Os hoffech chi wybod rhagor am y pwnc hwn a gweld sut y gellir ei ddefnyddio yn eich maes chi, cysylltwch \u00e2 Punsisi Somaratne neu os ydych chi \u00e2 diddordeb mewn them\u00e2u XOT, cysylltwch \u00e2 Nan Zhang: ltacademy@caerdydd.ac.uk<\/a>. Rydyn ni\u2019n fodlon iawn helpu!<\/p>\n

    Cymorth ac adnoddau<\/h2>\n