{"id":4430,"date":"2023-06-22T09:37:56","date_gmt":"2023-06-22T09:37:56","guid":{"rendered":"https:\/\/blogs.cardiff.ac.uk\/LTAcademy\/?p=4430"},"modified":"2023-06-22T09:38:07","modified_gmt":"2023-06-22T09:38:07","slug":"digifest-2023-trawsnewid-digidol-a-hyder-digidol","status":"publish","type":"post","link":"https:\/\/blogs.cardiff.ac.uk\/LTAcademy\/cy\/digifest-2023-trawsnewid-digidol-a-hyder-digidol\/","title":{"rendered":"Digifest 2023, Trawsnewid Digidol a Hyder Digidol"},"content":{"rendered":"

Mae David Crowther<\/a>, Swyddog Cymorth Technoleg Dysgu, t\u00eem Addysg Ddigidol o fewn yr Academi Dysgu ac Addysgu<\/a>, yn dweud wrthym am gynhadledd Digifest JISC y bu ynddi yn ddiweddar.<\/p>\n

Fy mhrofiad i o Digifest 2023<\/h2>\n

Yn \u00f4l ym mis Mawrth eleni, cymerais i ran yng nghynhadledd Digifest JISC<\/a> yn Birmingham. Ers ymuno \u00e2’r T\u00eem Addysg Ddigidol<\/a> yn 2020 yn ystod pandemig covid, mae pob un o\u2019r cynadleddau dw i wedi cymryd rhan ynddyn nhw wedi bod ar-lein. Er fy mod i\u2019n hoffi’r ffaith ei bod yn gyfleus gallu cymryd rhan mewn cynhadledd ar-lein o gysur fy nghartref, rwy’n ei chael hi’n anodd canolbwyntio. A minnau\u2019n eistedd o flaen fy nghyfrifiadur gan edrych ar nifer o fonitorau, bydd pethau eraill megis ebyst, negeseuon Teams, a gwaith arall yn tynnu fy sylw i ffwrdd o\u2019r gynhadledd. Digifest eleni oedd y cyfle cyntaf imi fynd i gynhadledd sy\u2019n un wyneb yn wyneb ac ro\u2019n i\u2019n edrych ymlaen yn fawr at y cyfan.\u00a0 Am ddau ddiwrnod llawn ro\u2019n i\u2019n gallu bod yn bresennol, canolbwyntio a chymryd sylw o bopeth oedd yn digwydd yn y gynhadledd.<\/p>\n

Hwn oedd y tro cyntaf imi fynd i gynhadledd o’r fath a gwnaeth argraff fawr arna i. Roedd y gynhadledd wedi’i threfnu’n anhygoel o dda, roedd yn mynd fel deiol ac roedd y lleoliad yn wych. Cefais fy synnu bod y gynhadledd mor fawr.<\/p>\n

Ar \u00f4l cyrraedd a chofrestru, es i ati i ymgyfarwyddo \u00e2 phopeth gan gerdded o amgylch y brif ystafell gynadledda. Roedd ystod o weithgareddau yno a oedd yn ddigon i\u2019ch drysu, gan gynnwys sgyrsiau sydyn, sgyrsiau o amgylch y t\u00e2n, sesiynau dangos cynnyrch a llawer mwy. Er gwaethaf y ffaith bod y cyfan yn llethu rhywun braidd, roedd y brif ystafell gynadledda wedi’i gosod allan yn dda a pheth digon hawdd oedd dod o hyd i bopeth. Roedd yr arlwyo yn y gynhadledd yn ardderchog, a chafwyd dewis eang o fwyd at ddant pawb.<\/p>\n

Ar \u00f4l brecwast ysgafn a choffi, aeth fy nghydweithwyr a minnau i gyfeiriadau gwahanol i weld sgyrsiau cyntaf y dydd. Roedd amserlen y ddau ddiwrnod eisoes yn llawn, gan gynnwys mynd i sgyrsiau a thrafodaethau ar ystod o them\u00e2u sy\u2019n gysylltiedig \u00e2 thechnoleg ac addysg ddigidol, gan gwmpasu popeth, boed yn ddeallusrwydd artiffisial, asesu dilys, realiti rhithwir, arloesi a chynhwysiant, hyder digidol, dysgu dan arweiniad myfyrwyr, addysgu hybrid a llawer mwy. Peth amhosibl oedd cofio’r holl wybodaeth yn y gwahanol sgyrsiau es i iddyn nhw, ond yn dilyn y gynhadledd ro\u2019n i wedi dysgu nifer o bethau gwerthfawr sy\u2019n berthnasol i fy ngwaith fy hun, sef bod yn weithiwr proffesiynol addysg ddigidol ym Mhrifysgol Caerdydd.<\/p>\n

Roedd un sgwrs o’r enw \u201cMae pawb yn arloesi – hwyluso twf hyder digidol i wireddu dulliau newydd o ddysgu ac addysgu\u201d yn taro tant yn arbennig, yn enwedig gan fy mod i\u2019n dechnolegydd dysgu sy’n cefnogi addysgu a dysgu ym Mhrifysgol Caerdydd drwy gyfrwng technolegau digidol. Mae hyn yn arbennig o wir bellach wrth inni fynd drwy gyfnod o newid sylweddol o ran ein haddysg ddigidol, sef symud o gyrsiau Blackboard Original i Blackboard Ultra, pan fyddwn ni\u2019n ceisio annog arweinwyr cyrsiau i wneud pethau’n wahanol, newid eu harferion o ran addysg ddigidol a chroesawu technolegau digidol ac arloesi.<\/p>\n

Efallai mai un o’r heriau mwyaf sydd gennym o ran annog newidiadau ac arloesi ym maes ymarfer addysg ddigidol yw diffyg hyder digidol. Rydyn ni\u2019n gweithio gydag academyddion a staff yn y gwasanaethau proffesiynol ar draws y Brifysgol, ac mae gan y rhain lefelau amrywiol o hyder a sgiliau o ran technoleg addysgol. Weithiau bydd yn anodd argyhoeddi rhywun i newid ei ymarferion a rhoi cynnig ar rywbeth newydd os bydd yn ofni y gallai rhywbeth fynd o’i le ac y gallai adlewyrchu’n wael arno o flaen ei fyfyrwyr. Mae angen strategaethau a dulliau arnon ni sy\u2019n gallu helpu i feithrin hyder digidol a chefnogi\u2019r gwaith o arloesi. Sut gallwn ni gyflawni hyn? Roedd sawl awgrym defnyddiol yn y sgwrs rwy wedi s\u00f4n amdani a bydda i\u2019n ceisio cyflwyno\u2019r rhain yn fy addysg ddigidol fy hun.<\/p>\n

    \n
  1. Un ffordd o helpu i feithrin hyder digidol fyddai awgrymu i addysgwyr, os ydyn nhw eisiau rhoi cynnig ar rywbeth newydd, eu bod nhw’n rhoi cynnig arni yn ystod sesiwn fwy anffurfiol pan fydd y risg o fethu yn llai o bryder. Er enghraifft, annog mathau gwahanol o asesu ffurfiannol sy\u2019n gallu cefnogi cyrhaeddiad dysgwyr. Os caiff disgwyliadau\u2019r myfyrwyr eu rheoli, hwyrach y bydd hyn yn ffordd ddefnyddiol o roi cynnig ar rywbeth. Hyd yn oed os bydd yn mynd o’i le, efallai y bydd yn brofiad defnyddiol i ddysgu yn ei sgil. Weithiau, bydd rhwyd ddiogelwch yn rhoi hyder i bobl arbrofi a theimlo\u2019n gymharol ddiogel, a gall gweithgareddau o’r fath gefnogi hyder digidol. Er mwyn ehangu dylanwad byd arloesi, rwy’n credu ei bod yn bwysig ein bod yn meithrin y meddylfryd, er bod pethau’n mynd o chwith weithiau, bod adfer pethau\u2019n bosibl a bod problemau cychwynnol yn beth normal, ond mae hefyd yn syniad da bod cynllun arall wrth gefn os bydd pethau’n mynd o chwith. Mae’n bwysig canolbwyntio ar y dysgu a’r addysgu y dylid ei wneud yn ystod yr adegau hynny pan fydd pethau’n mynd o chwith a meddwl a oes ffyrdd eraill o gyflawni hynny.<\/li>\n
  2. Mae hefyd yn syniad da ceisio cefnogi rhesymeg pobl dros roi cynnig ar bethau. A ninnau\u2019n weithwyr proffesiynol addysg ddigidol, os ydyn ni\u2019n annog addysgwyr i roi cynnig ar bethau newydd, dylen ni fynd ar drywydd y rhain a gofyn iddynt sut aeth popeth, beth oedd wedi gweithio\u2019n dda, beth nad oedd wedi gweithio cystal, ac annog y broses o ymarfer myfyriol. Hwyrach y bydd meithrin hunanfyfyrio, dangos arferion da a rhannu profiadau\u2019n offeryn pwerus sy\u2019n annog y gwaith o arloesi ac yn rhoi\u2019r hyder i bobl roi cynnig ar bethau drostyn nhw eu hunain. Yn aml bydd pobl yn meddwl \u201cWel os llwyddon nhwthau i wneud hynny, pam na alla i ei wneud hefyd?\u201d.<\/li>\n<\/ol>\n

    Hyder digidol o\u2019i gymharu \u00e2 sgiliau digidol<\/h2>\n

    Rwy’n credu bod perthynas rhwng hyder digidol a sgiliau digidol. Mae angen hyder digidol arnon ni i allu trawsnewid yn ddigidol a chyflawni ein nodau. Pan fyddwn ni\u2019n meddwl am hyder digidol a sut mae’n berthnasol i sgiliau digidol, dyma ddau gwestiwn canlynol y gallwn ni eu gofyn er enghraifft:<\/p>\n

      \n
    1. Ydych chi’n ddefnyddiwr hyderus<\/u> o feddalwedd xyz?<\/li>\n
    2. Ydych chi’n ddefnyddiwr cymwys<\/u> o feddalwedd xyz?<\/li>\n<\/ol>\n

      Mae\u2019n rhaid inni ofyn i ni’n hunain a yw diffyg hyder digidol yn arwain at amharodrwydd i gaffael sgiliau digidol newydd, gan ennill y cymwyseddau digidol sydd eu hangen felly at ddibenion trawsnewid digidol.<\/p>\n

      Yn ogystal, weithiau bydd ymddiried yn yr offer digidol a ddefnyddir i ddysgu ac addysgu a dibynnu arnyn nhw\u2019n rhwystr.\u00a0 Os nad ydyn ni\u2019n hyderus bod yr offer yn ddiogel neu y bydd y rhain yn gweithio’n dda, a fyddwn ni\u2019n barod i’w defnyddio?\u00a0 Weithiau bydd yn hawdd glynu wrth ffordd o feddwl gan feddwl \u201cOs yw\u2019n gweithio, pam y dylen ni ei newid?\u201d a \u201cPam y dylwn i ddefnyddio’r offeryn newydd hwn nawr? Do\u2019n i ddim yn ei ddefnyddio o’r blaen, ac roedd popeth yn iawn.\u201d\u00a0 A ninnau\u2019n dechnolegwyr dysgu, rhan o\u2019n gwaith yw helpu addysgwyr i ddeall gwerth mabwysiadu technolegau digidol at ddibenion addysgu a dysgu. Fodd bynnag, mae’n rhaid inni ystyried yn ofalus y rhesymeg y tu \u00f4l i annog pobl i fabwysiadu technoleg benodol at ddibenion dysgu ac addysgu.\u00a0 Mae angen rheswm da pam ein bod yn awgrymu i addysgwyr eu bod yn rhoi cynnig ar rywbeth, a dylen ni ofyn rhai cwestiynau pwysig:<\/p>\n